சொற்போர் செய்யலாம் வாங்க- எது சரி? வாழ்த்துகளா இல்லை வாழ்த்துக்களா?

by ஆளுங்க Fri 21 Oct 2011 - 20:06

First topic message reminder :

சமீபத்தில் நண்பர் ஒருவரின் வலைப்பூவிற்குச் சென்றேன்..
அங்கு தமிழ் சொற்கள் பற்றிய ஒரு விவாதம் இருந்தது..

விவாதத்தை இங்கும் விவாதிக்கலாம் என்று இங்கு பதிகிறேன்
தமிழில் சில சொற்கள் எழுதும் போது பலரும் பல வழிகளில் எழுதுகிறோம்.. எது சரியான முறை?

உதாரணத்திற்கு,
ஒருவரை வாழ்த்துவதிலேயே துவங்குவோம்!!
"வாழ்த்துக்கள்" என்று சிலர் எழுதுகிறோம்!!
"வாழ்த்துகள்" என்று சிலர் எழுதுகிறோம்!!

இதில் எது சரி --- வாழ்த்துக்களா இல்லை வாழ்த்துகளா??
உங்கள் கருத்து என்ன?ஏன்?

இது தான் முதலாம் சொற்போர்!!

பி.கு: உறவுகள் இது போன்ற பிற சொற்களையும் கொண்டு இங்கு போர் தொடுக்கலாம்!!

by சதாசிவம் Sun 23 Oct 2011 - 11:44

அய்யம் பெருமாள் .நா wrote:
சதாசிவம் wrote:அருமையான திரியைத் தொடங்கிய ஆளுங்க அவர்களுக்கும், என் மேல் நம்பிக்கை வைத்த அய்யம்பெருமாளுக்கும் , சுந்தர ராஜ் ஐயா அவர்களுக்கும் முதற்கண் நன்றி.
வாழ்த்துகள் என்பது தான் சரி, வாழ்த்துக்கள் என்பது தவறு. இந்த சொல் தான் கள்ளுடன் வாழ்த்து என்று பொருள் படும்.
அனைவருக்கும் என் இனிய தீபாவளி வாழ்த்துகள்

நன்றி சதாசிவம் அய்யா !

வாழ்த்துகள் என்பது என்ன வகையான சொல் என்பதையும் தெரிவித்திருந்தால் பயன்படும். நன்றி ! புதுவரவுடன் கொண்டாடும் தங்களின் தீப ஒளி திருநாளுக்கு வாழ்த்துகள் !

வாழ்த்து அடிப்படையில் ஒரு பெயர் சொல், மேல கூறியபடி வன் தொடர் ஆகும். பன்மையில் வரும் போது வாழ்த்துகள் என்று அமையும், இதே சொல் வினை எச்சமாக வரும் போது வரும் மொழியில் வலி வந்தால் ஒற்று மிகும், உதாரணம் : வாழ்த்துப் பாடினான், வாழ்த்துக் கூறினார்.

by சதாசிவம் Sun 23 Oct 2011 - 12:02

அய்யம் பெருமாள் .நா wrote:
கே. பாலா wrote:வெட்கம் ....வெக்கம் .....எதுசரி?
http://www.eegarai.net/t73166-topic#661206 இங்கே இவற்றில்
எதுசரி என்ற வினா வந்ததால் இதைக் கேட்கிறேன்

அதிலேயே ஒரு பொருத்தமான , என்னை ஈர்த்த ஒரு பதில் இருந்ததே அதையும் பதியுங்கள் பாலா சார் !

அதுவும் சரி இதுவும் சரி எல்லாம் அவரவருக்கு சரியாக இருக்கும், சரியான தமிழுக்கு சரியாகாது,
வெட்கம் என்பது தான் சரியான சொல். வெக்கம் பேச்சு வழக்கு.

ஆனால் கவிதையில் இலக்கணம் பார்க்கக்கூடாது, மனதில் பட்டதை எழுதலாம், பேச்சு வழக்கில் உள்ள சொற்களை வைத்து எழுதலாம் என்பது பெரும்பாலான கவிகளின் கூற்று. இதற்கு கண்ணதாசன், பாரதிதாசன் பாடல்களும் உடன்படுகின்றது.

நடைமுறை வார்த்தைகளைப் பயன்படுத்தும் போது தான் கவிதைகள் மக்களுக்கு புரிகிறது. புரிவதை தான் மக்கள் படிக்க முடியும், பாராட்ட முடியும்.

பொருள் மாறாத வரை இவை எல்லாம் சரியே, .......

by **கே. பாலா** Sun 23 Oct 2011 - 12:06

//அதுவும் சரி இதுவும் சரி எல்லாம் அவரவருக்கு சரியாக இருக்கும், சரியான தமிழுக்கு சரியாகாது,// சூப்பருங்க

நடைமுறை வார்த்தைகளைப் பயன்படுத்தும் போது தான் கவிதைகள் மக்களுக்கு புரிகிறது. புரிவதை தான் மக்கள் படிக்க முடியும், பாராட்ட முடியும்.

அருமையாகச் சொன்னீர்கள் சதாசிவம் ! நன்றி

by **ayyamperumal** Sun 23 Oct 2011 - 16:08

சதாசிவம் wrote:
வாழ்த்து அடிப்படையில் ஒரு பெயர் சொல், மேல கூறியபடி வன் தொடர் ஆகும். பன்மையில் வரும் போது வாழ்த்துகள் என்று அமையும், இதே சொல் வினை எச்சமாக வரும் போது வரும் மொழியில் வலி வந்தால் ஒற்று மிகும், உதாரணம் : வாழ்த்துப் பாடினான், வாழ்த்துக் கூறினார்.

நன்றி சதாசிவம் !