காதலர்களுக்கான ராசிபலன் - உங்க காதல் நிலவரம் எப்படி?

மேஷம்: காதலுக்காக/காதலிக்காக கொஞ்சம் நிறைய காசு அள்ளிவிட வேண்டியிருக்கும். அதனால் என்ன? அண்ணலும் நோக்கியா, அவளும் நோக்கியாதான்! சிநேகிதர்களை விட சிநேகிதிகள் தூதுக்கு உதவுவார்கள்.

ரிஷபம்: உட்கார்ந்த இடத்தில் பதில் மெசேஜ் வரும். நீல நிறப் பொருட்களைப் பரிசாகக் கொடுங்க. அப்படியே சரண்டர் தான். இதுவரை காதலில் ஈடுபடாதவர்களுக்கு, கோயிலில் முதல் சந்திப்பு.

மிதுனம்: வெளியூர் வெளிநாட்டில் உறவினர் நண்பர்கள் இருந்தால் கையில் காலில் விழுந்தாவது காசு கொடுத்தாவது வாசனைப் பொருட்களை வாங்கி உங்க ஆளுக்குப் பரிசா கொடுங்க.

கடகம்: உங்களைவிட அதிக படிப்பு இருப்பவர்களை அணுகாதீங்க. உங்க டாடியோட ஃப்ரெண்டின் மகன்/மகள் உங்களின் காதலன்/காதலியாக வாய்ப்பு உள்ளது. வெள்ளை நிறப் பரிசை விரும்புவாங்க.

சிம்மம்: உறவினர் நண்பர்கள் யாராவது ஆஸ்பத்திரியில் இருந்தால் ஆப்பிள் சாத்துக்குடி செலவை பொருட்படுத்தாமல் போய்ப் பாருங்க. அங்கே வெச்சு தான் உங்கள் காதலன்/காதலி உங்களை முதல் முதலாய்ச் சந்திக்க வாய்ப்பு உண்டு.

கன்னி: நூறு சதவிகிதம் காதல் வயப்படுவீங்க. என்னங்க? ஏற்கெனவே வயப்பட்டாச்சா? அப்போ டாடி மம்மிகிட்ட பேசி முடிச்சுடுவீங்க. தனியா சந்திக்கும் போது கட்டுப்பாட்டுத் திரையை நடுவில் போட்டுக்கறது நல்லது.

துலாம்: இத்தனை காலம் நண்பர்/சிநேகிதி என்று நினைத்தவர் மனத்தில் காதல் வெளிப்படும். சந்தோஷ அதிர்ச்சிதான் போங்க. செலவைப் பொருட்படுத்த வேண்டாம். இது சற்று காஸ்ட்லி காதல்தான்.

விருச்சிகம்: காதல் பற்றி டென்ஷன்களைப் பார்த்துப் பயந்து பின்வாங்க வேண்டாம். பிற்காலத்தில் இரண்டு பேரும் ஓஹோன்னு இருக்கப் போறீங்கல்ல! இரண்டு பேரும் கோயிலில் சந்திப்பை வெச்சுக்குங்க. பிரச்னை நீங்கும்.

தனுசு: உங்க காதலை மம்மி கண்டுபிடிச்சுட்டாங்க. கொஞ்சம் கவனமாய் இருங்க. அவங்க காலில் விழுந்து உண்மையைச் சொல்லிடுங்க. காப்பாத்துவாங்க. இதுவரை காதலில் விழாதவங்களுக்கு அலுவலக நண்பர்/சிநேகிதி விண்ணப்பிப்பாங்க.

மகரம்: அண்ணன் என்னடா தம்பி என்னடான்னு கண்ணதாசன் பாட்டெல்லாம் பாடாதீங்க. அவங்கதான் உங்க காதலுக்கு முதன்மையா உதவுவாங்க. இனி தூது அவங்கதான்! பிற்பாடு டாடியின் ஆதரவு கண்டிப்பாய்க் கிடைக்கும்.

கும்பம்: நீங்க எதிர்பார்த்ததைவிடவும் சீக்கிரத்தில் காதல் கனிந்து கையில் வந்து விழும். காதலன்/காதலிக்கு சிறிய அளவில் உடல் நலம் பாதிக்கப்பட்டால் நடுங்க வேண்டாம். சும்மா ஜுஜூபி. கடந்து செல்லும் மேகம் போலத்தான்.

மீனம்: உங்களுடைய தேசியக் குணமாகிய அவசரத்தைக் காதலிலும் காட்டினால் எப்படி! முறையாய் இரண்டு வீட்டுப் பெரியவங்க கிட்டேயும் சொல்லுங்க. ஒண்ணு புரிஞ்சுக்குங்க. அவங்க சும்மா மேலுக்குத்தான் மறுக்கறாங்க. உங்க உறுதியை சோதிக்கிறாங்க!

- வேதா கோபாலன்

நன்றி - கல்கி

பிரசன்னா wrote:
கும்பம்: நீங்க எதிர்பார்த்ததைவிடவும் சீக்கிரத்தில் காதல் கனிந்து கையில் வந்து விழும். காதலன்/காதலிக்கு சிறிய அளவில் உடல் நலம் பாதிக்கப்பட்டால் நடுங்க வேண்டாம். சும்மா ஜுஜூபி. கடந்து செல்லும் மேகம் போலத்தான்.

இன்னும் காதலியே கிடைக்கலியே
உடல்நலமா ... உயிரே போனாலே நாங்க நடுங்கமாட்டோமே

///மகரம்: அண்ணன் என்னடா தம்பி என்னடான்னு கண்ணதாசன் பாட்டெல்லாம் பாடாதீங்க. அவங்கதான் உங்க காதலுக்கு முதன்மையா உதவுவாங்க. இனி தூது அவங்கதான்! பிற்பாடு டாடியின் ஆதரவு கண்டிப்பாய்க் கிடைக்கும்.////

காதலுக்கு அண்ணன், அப்பனையெல்லாம் தூதுவிட்டா விளங்கிடும்.

சிவா wrote:///மகரம்: அண்ணன் என்னடா தம்பி என்னடான்னு கண்ணதாசன் பாட்டெல்லாம் பாடாதீங்க. அவங்கதான் உங்க காதலுக்கு முதன்மையா உதவுவாங்க. இனி தூது அவங்கதான்! பிற்பாடு டாடியின் ஆதரவு கண்டிப்பாய்க் கிடைக்கும்.////

காதலுக்கு அண்ணன், அப்பனையெல்லாம் தூதுவிட்டா விளங்கிடும்.

முயற்சி பண்ணி பாருங்க.. உங்க ராசிக்கு நீங்க எங்கயோ போயிருவீங்க

பிளேடு பக்கிரி wrote:
முயற்சி பண்ணி பாருங்க.. உங்க ராசிக்கு நீங்க எங்கயோ போயிருவீங்க

கீழ்பாக்கம்தானே!

சிவா wrote:

பிளேடு பக்கிரி wrote:
முயற்சி பண்ணி பாருங்க.. உங்க ராசிக்கு நீங்க எங்கயோ போயிருவீங்க

கீழ்பாக்கம்தானே!

ஏற்கனவே 7 வருஷம் காத்திருந்து காவல் நிலையம் போனதுதான் மிச்சம் ....

SajeevJino wrote:ஏற்கனவே 7 வருஷம் காத்திருந்து காவல் நிலையம் போனதுதான் மிச்சம் ....

...அடப்பாவமே !......