வலதுபக்க வயிற்றில் வலியா ?

முஹைதீன் · முஹைதீன் Fri 21 Oct 2011 - 16:46

வலதுபக்க வயிற்றில் வலியா ?

Friday 21 October 2011 02:59:00 AM

பித்தப்பையில் கற்கள் ஏற்பட்டு அதனால் ஏற்படும் பிரச்னைகள் இன்று நிறைய பேருக்கு ஏற்படுகிறது. இது பற்றிய விபரங்களை அப்போலோ மருத்துவமனையில் வயிறு, இரைப்பை, குடல் அறுவை சிகிச்சை நிபுணர் டாக்டர் இராதா கிரு ஷ்ணா விளக்குகிறார்.

1. பித்தப்பை என்பது என்ன? அதனுடைய வேலை என்ன?

நம்முடைய கல்லீரலுக்குக் கீழே இருக்கிற ஒரு சிறிய பை போன்ற உறுப்பு. இது கல்லீரல் உற்பத்தி செய்கிற பச்சை மஞ்சள் நிறமான பித்தநீரை சேமித்து வைக்கிறது. நாம் சாப்பிட்ட பிறகு அந்த நேரத்தில் இந்த பித்தப்பை சிறுகுடலுக்குள் செலுத்து கிறது. இது உணவிலிருக்கும் கொழுப்புகளை செரிமானம் செய்ய உதவுகிறது.

2. பித்தக் கற்கள் என்பது என்ன?

பித்தப்பையில் ஏற்படுகிற கற்கள். இந்த கற்கள் கொலஸ்டிரால் அல்லது நிறமிகளால் உருவாகலாம். இவை பித்தப்பையிலேயே உருவாகின்றன.

3. பித்தக் கற்கள் எப்படி உருவாகின்றன?

பித்தப்பையில் உருவாகின்ற கொலஸ்டிரால் எளிதில் பித்தநீரில் கரையாது. இவை அதிகளவில் இருக்கும் போது ஒன்றுடன் ஒன்று சேர்ந்து கடினமான கற்கள் போன்று மாறி விடுகின்றன. பித்தப்பையில் கற்கள் இருக்கின்ற இந்த நிலையை மருத்துவ மொழியில் கோலி லித்தியாசிட் என்கிறார்கள்.

4. எல்லா பித்தக் கற்களும் ஒன்று தானா?

இல்லை. பித்தக் கற்களில் வெவ்வேறு வகைகள் இருக்கின்றன. பித்த நீரோடு எந்த விதமான பொருள் சேருகின்றது என் பதைப் பொருத்து இது மாறுபடும். இது தவிர பித்தக்கற்கள் பெரியளவிலிருந்து பெரிய அளவு வரை மாறுபடும். 90 சதவிகித பித்தக் கற்கள் கொலஸ்டிரால் கொண்டு உருவாகின்றன. மீதி 10 சதவிகித பித்தக் கறக்ள் பிலிருபின் என்கிற நிறமிகள் கொண்டு உருவாகின்றன. ஏன் பித்தக் கற்கள் உருவாகின்றன என்பது இன்னும் முழுமையாக புரிந்து கொள்ளப்படவில்லை. ஆனால் இரத்தக் குறைபாடு இருக்கிற நோயாளிகள் எளிதில் நிறமிகள் கொண்டு உருவாகிற பித்தக் கற்களால் பாதிக்கப்படு கிறார்கள்.

5. யாருக்கெல்லாம் பித்தக் கற்கள் உருவாகலாம்?

60 வயதுக்கு மேற்பட்டவர்களுக்கு சுலபத்தில் பித்தக் கற்கள் உருவாகின்றன. இதில் 20 சதவிகிதம் பெண்கள் பாதிக்கப்படு கிறார்கள். 10 சதவிகிதம் ஆண்கள் பாதிக்கப்படுகிறார்கள். அதிலும் 20 வயதிலிருந்து 60 வயது வரை இருக்கிற பெண்கள் ஆண்களைவிட மூன்று மடங்கு அதிகமாக பாதிப்பு அடைகிற வாய்ப்பில் இருக்கிறார்கள். இது தவிர மூன்று நான்கு குழந் தை பெறுகிற பெண்களுக்கு பித்தக் கற்கள் அதிகமாக வர வாய்ப்பிருக்கிறது. கூடவே உடல் பருமனாக இருக்கிறவர்கள் இந்த பிரச்னையில் சிக்க வாய்ப்பு அதிகம்.

6. பித்தக் கற்கள் இருக்கும் போது எந்த விதமான தொந்தரவுகள் இருக்கும்?

கடுமையான வயிற்று வலி, மஞ்சள் காமாலை, இரண்டும் இருக்கலாம். ஆனால் 80 சதவிகித நோயாளிகளுக்கு பித்தக்கற்கள £ல் எந்தவித தொந்தரவும் ஏற்படுவதில்லை. இதை சைலண்ட் பித்தப்பை கற்கள் என்று சொல்கிறோம்.

7. பித்தப்பை கற்கள் இருப்பது எப்படி தெரிந்து கொள்வது?

அல்ட்ரா சவுண்ட் செய்து கொண்டால் போதும் கண்டுபிடித்து விடலாம்.

8. இதற்கு சிகிச்சை என்ன?

சைலண்ட் பித்தப்பை கற்களுக்கு பொதுவாக சிகிச்சை எதுவும் தேவைப்படுவதில்லை. ஆனால் பிரச்னை தருகிற பித்தப்பை கற்களுக்கு அறுவை சிகிச்சை தேவை. இந்த அறுவை சிகிச்சை மூலம் பித்தப்பை அதனுடைய கற்களோடு சேர்ந்து அகற்றப்பட்டுவிடும். இதற்கு 2 வகை அறுவை சிகிச்சைகள் இருக்கின்றன. ஒன்று ஓப்பன் கோலி சிஸ்டக்மி. இரண்டாவது லேப்ராஸ்கோப்க். இரண்டாவது சொன்னது தான் புதிய அறுவை சிகிச்சை வழி. உலகத்தில் பெரும்பாலான பித்தப்பை அறுவை சிகிச்சை இந்த முறையில்தான் நடைபெறுகிறது. மிக எளிமையான சுலபமான உடனடியாக வீடு திரும்புகிற அறுவை சிகிச்சை முறை இது.

9. பித்தப்பைகற்கள் உருவாவதைத் தடுக்க முடியுமா?

உடல் எடையைக் கட்டுப்படுத்துவதைத் தவிர வேறு எதுவும் குறிப்பிட்ட வழிமுறைகள் இல்லை.

http://www.thedipaar.com/news/news.php?id=35675

தர்மா · தர்மா Fri 21 Oct 2011 - 20:17

சரியான நேரத்தில் இந்த தகவல் அளித்தமைக்கு மிக்க நன்றி. எனக்கு பித்த பையில் இரண்டு கற்கள் தலா 8 எம்‌எம், 4.9 எம்‌எம் உள்ளது. ஆனால் எனக்கு வலி ஒன்றும் ஏற்படவில்லை. ஆனால் அறுவை சிகிட்சை நிபுணர் பித்தபை அகற்ற அறிவுறுத்துகிறார். எனக்கு 40 வயது ஆகிறது