ராஜாஅண்ணாமலைபுரத்தில் தீபாவளி சீட்டு நடத்தி 1000 பேரிடம் மோசடி

by **இளமாறன்** Fri 21 Oct 2011 - 0:32

சென்னை, அக் 19-

ராஜா அண்ணமலைபுரம் குட்டி கிராமணி தெருவை சேர்ந்தவர் பார்த்திபன் (வயது 38). ஆட்டோ டிரைவரான இவர் கடந்த 5 ஆண்டுகளாக தீபாவளி சீட்டு நடத்தி வந்தார். இந்த ஆண்டும் வழக்கம் போல் தீபாவளி சீட்டு தொடர்பான அதிரடி அறிவிப்புகளை அவர் வெளியிட்டார். மாதம் 350 ரூபாய் கட்டினால் போதும் 12 மாதங்கள் கழித்து 2 கிராம் தங்கம், 10 கிராம் வெள்ளி பொருட்கள், விலை உயர்ந்த பட்டாசு பாக்கெட், 1/2 கிலோ இனிப்பு ஆகியவை வழங்கப்படும் என்ற பார்த்திபனின் ஆசை வார்த்தைகளை நம்பி அப்பகுதியை சேர்ந்த ஏராளமான பெண்கள் சீட்டு கட்டினர் 1000 பேர் வரை தீபாவளி சீட்டில் இணைந்து கடந்த 12 மாதங்களாக ரூ.350 செலுத்தி வந்தனர். (ஒவ்வொருவரும் இதுவரை 4200 ரூபாய் கட்டியுள்ளனர்).

தீபாவளி நெருங்கி வருவதால் பணம் கட்டியவர்கள் ஒவ்வொருவராக சென்று, பார்த்திபனை நச்சரிக்க தொடங்கினர். நகை, பட்டாசு, சுவீட், ஆகியவற்றை எப்போது தருகிறீர்கள் என்று என்று கேட்டனர். தீபாவளிக்கு 4 நாட்களுக்கு முன்னர் இவைகளை வாங்கிக் கொள்ளலாம் என்று கூறிய பார்த்திபன் திடீரென வீட்டை பூட்டி விட்டு மனைவி ஜெயந்தி, பிளஸ்-2 படிக்கும் மகள் நந்நிதினி ஆகியோருடன் திடீரென மாயமானார். இதனால் சீட்டு பணம் கட்டியவர்கள் கடும் அதிர்ச்சிக்குள்ளானார்கள். நேற்று மாலை அபிராமபுரம் போலீசில் பாதிக்கப்பட்ட பெண்கள் திரண்டு சென்று புகார் செய்தனர்.

இன்று காலையில் 50-க்கும் மேற்பட்டோர் சென்னை போலீஸ் கமிஷனர் அலுவலகத்தை முற்றுகையிட்டனர். லட்சக்கணக்கான பணத்தை சுருட்டிக் கொண்டு பார்த்திபன் ஓடிவிட்டதாக அவர்கள் கதறினர். கடந்த 4 ஆண்டுகளாக சொன்னபடி தீபாவளி நேரத்தில் பரிசு பொருட்களை வழங்கி வந்த பார்த்திபன், இந்த ஆண்டு ஏமாற்றி விட்டதாக அவர்கள் புகார் கூறினர்.

பொது மக்களிடம் இருந்து வசூலித்த சுமார் 42 லட்சம் பணத்துடன் ஓட்டம் பிடித்துள்ள பார்த்திபன் திட்டமிட்டு இந்த மோசடியில ஈடுபட்டது தெரிய வந்துள்ளது. தனது மகள் நந்தினியின் பள்ளியில் இடமாற்ற சான்றிதழையும் வாங்கிக் கொண்டு அவர் வீட்டை காலி செய்துள்ளார். இது குறித்து அபிராமபுரம் போலீசார் வழக்கு பதிவு செய்து குடும்பத்தோடு தலை மறைவான பார்த்திபனை தேடி வருகிறார்கள்.

மாலைமலர்

by **இளமாறன்** Fri 21 Oct 2011 - 0:33

ஓட்டம் பிடித்துள்ள பார்த்திபன் திட்டமிட்டு இந்த மோசடியில ஈடுபட்டது தெரிய வந்துள்ளது. தனது மகள் நந்தினியின் பள்ளியில் இடமாற்ற சான்றிதழையும் வாங்கிக் கொண்டு அவர் வீட்டை காலி செய்துள்ளார்

எல்லோருக்கும் பட்டை ராமம் போட்டு இருக்கிறார்

ராஜாஅண்ணாமலைபுரத்தில் தீபாவளி சீட்டு நடத்தி 1000 பேரிடம் மோசடி

ராஜாஅண்ணாமலைபுரத்தில் தீபாவளி சீட்டு நடத்தி 1000 பேரிடம் மோசடி

Re: ராஜாஅண்ணாமலைபுரத்தில் தீபாவளி சீட்டு நடத்தி 1000 பேரிடம் மோசடி