சித்ரவதை செய்து விரட்டிய மனைவியிடம் குழந்தையை ஒப்படைத்து மாதம் ரூ.50 ஆயிரம் வழங்கவேண்டும்; கணவருக்கு கோர்ட்டு உத்தரவு

by **இளமாறன்** Fri 21 Oct 2011 - 0:27

சென்னை, அக். 20-

சென்னை தண்டையார்பேட்டையை சேர்ந்தவர் சேவியர். இவரது மனைவி சுமிதா. இவர்களுக்கு 2 வயது பெண் குழந்தை உள்ளது. இந்த நிலையில் சுமிதா சென்னை சிட்டி சிவில் கோர்ட்டில் ஒரு வழக்கு தொடர்ந்தார்.

இதற்காக அவர் தாக்கல் செய்த மனுவில் கூறி இருப்பதாவது:-

எனக்கு திருமணம் நடந்த சில மாதங்களிலேயே எனது கணவரும், அவரது குடும்பத்தினரும் என்னை சித்ரவதை செய்தனர். எனக்கு “தைராய்டு” நோய் ஏற்பட்டது. இதனால் ஆஸ்பத்திரியில் சிகிச்சை பெற்றேன். அது குணமாகி விடும் என்று என் கணவரிடம் தெரிவித்தேன். ஆனால் அவர் அதை ஏற்காமல் என்னை கொடுமை செய்தார். எங்களுக்கு ஒரு பெண் குழந்தை பிறந்தது. அந்த குழந்தையை என்னிடம் இருந்து பறித்துக்கொண்டு என்னை என் கணவர் வீட்டை விட்டு துரத்தி விட்டார்.

என் கணவரும், அவரது குடும்பத்தினரும் எனது குழந்தையை கூட பார்க்க அனுமதிக்கவில்லை. எனவே எனக்கு எதிராக கொடுமை செய்தவர்களுக்கு உரிய தண்டனை வழங்க வேண்டும். என் குழந்தையை கோர்ட்டில் ஒப்படைக்க உத்தரவிட வேண்டும்.

இவ்வாறு அந்த மனுவில் சுமிதா கூறி இருந்தார்.

இதையடுத்து குழந்தையை கோர்ட்டில் ஒப்படைக்க நீதிபதி உத்தரவிட்டார். ஆனால் சேவியர் குழந்தையை கோர்ட்டில் ஒப்படைக்கவில்லை. இது தொடர்பாக மீண்டும் விசாரணை நடந்தது. இரு தரப்பு வாதங்களையும் கேட்ட நீதிபதி கோபாலன் ஒரு உத்தரவை பிறப்பித்தார்.

அதன் விவரம் வருமாறு:- சேவியர், குழந்தையை அவரது மனைவி சுமிதாவிடம் ஒப்படைக்கவேண்டும். சுமிதா வுக்கு சேவியர் மாதந்தோறும் ரூ.50 ஆயிரம் வழங்க வேண்டும். மனைவியையும், குழந்தை யையும் சேவியர் தொந்தரவு செய்யக்கூடாது. 2 பேருக்கும் உரிய பாதுகாப்பும் வழங்கப்படவேண்டும்.

இவ்வாறு அந்த உத்தரவில் நீதிபதி கூறி உள்ளார்.

மாலைமலர்

by sshanthi Fri 21 Oct 2011 - 12:50

அருமையான தீர்ப்பு

by ரேவதி Fri 21 Oct 2011 - 12:55

நல்ல தீர்ப்பு மகிழ்ச்சி

by ஹர்ஷித் Fri 21 Oct 2011 - 14:29

தீர்ப்பு சரியானதே வழக்கு சரியான முறையில் நடந்திருந்தால்.நம் சட்டத்தின் ஓட்டை நாம் அனைவரும் அறிந்ததே.அது எப்போதும் ஆண்களுக்கு எதிரானதே(சில குறிப்பிட்ட வழக்குகளில்).

by Sponsored content