ஒரு பக்க கதை (இது தான் இன்றைய நிலை )

kitcha · kitcha Wed Oct 19, 2011 8:55 am

மெயின் ரோட்டு வளைவில் ராஜேஷ் திரும்பிய
அடுத்த நொடி மின்னல் வேகத்தில் எதிரே வந்த
கார் அவனை அடித்துவிட்டுச் சென்றது.

அந்தக் காட்சியுடன் தொடரும் என்று நாடகத்தை
முடித்துவிட்டான். நாடகத்தை பார்த்துக்கொண்டிருந்த
பூர்ணிமா…

வேலை முடிந்து வீட்டிற்கு வந்த குணா, தன்
மனைவியிடம் “என்னாச்சு பூர்ணிமா ஒரு மாதிரி
இருக்கிற?”

“என்னங்க! பாசம் நாடகத்தில் சுந்தரி மகனை
கார்காரன் அடிச்சிட்டுப் போயிட்டான். ஆண்டவா
அவனுக்கு எதுவும் ஆகிடக்கூடாது.” என்றாள்
சோகத்துடன்

குணா பைக்கில், பூர்ணிமா பஜாருக்குச் சென்று
கொண்டிருந்த நேரம், ரோட்டில் ஒரு வாலிபன்
அடிபட்டு உயிருக்குப் போராடிக் கொண்டிருக்கிறான்,
இந்தக் காட்சியைக் கண்ட குணா பைக்கை
நிறுத்தினான்.

“உயிர் இருக்கு ஆஸ்பத்திரிக்குப் போனால்
பொழச்சிக்குவான்” என்றான்

“என்னங்க நமக்கு எதுக்குங்க வீண் பிரச்னை.
ஏதாவது ஆயிடிச்சினா கோர்ட்டு கேசுன்னு நாம
அலையணும். வண்டியை எடுங்க நாம போகலாம்”
என்றாள்.
-
==============================

>ராஜ்வரன்
நன்றி: குமுதம்
நன்றி - raammalar

**ayyamperumal** · **ayyamperumal** Wed Oct 19, 2011 8:59 am

பெரும்பான்மை மக்களின் மன நிலை இதுதான் கிட்சா ? இதையும் மீறி சிலர்தான் மனதிற்கும் செயலுக்கும் ஒரே நேர்கோட்டை நிர்ணயிக்கிறார்கள். அவ்ர்களால் தான் வாழ்க்கையை அர்த்த படுத்தமுடிகிறது.

நன்றி கிட்சா !

மகா பிரபு · மகா பிரபு Wed Oct 19, 2011 9:02 am

இதற்க்கு இந்தியா சட்ட திட்டங்களும் ஒரு காரணம் தானே?

அ.இராஜ்திலக் · அ.இராஜ்திலக் Wed Oct 19, 2011 9:07 am

உண்மைதான்

**பிஜிராமன்** · **பிஜிராமன்** Wed Oct 19, 2011 9:14 am

தியேட்டர் சென்று படம் பார்த்து அந்த காட்சியை பார்த்து அழுது இரக்க படும் நிறைய பேர், இப்படி தான் இருக்கிறார்கள்.

உண்மையாக அழுபவர்கள் உள்ளேயும் வெளியேயும் ஒரே போல் தான் நடந்து கொள்கின்றனர்......

அருமையான குறுங்கதை நன்றிகள் கிச்சா..... சூப்பருங்க

**ayyamperumal** · **ayyamperumal** Wed Oct 19, 2011 10:15 am

மனிதர்களின் சுயநலத்திற்கு ...சட்டத்தை ஏன் சாடுகிறீர்கள் மகா ? விபத்தில் காயமடைந்தவரை தூக்கி கொண்டு மருத்துவமனைக்கு அழைத்து செல்பவரை விசாரிக்க கூடாது என்று நீதிமன்றங்கள் கூறி பல வருடங்கள் ஆனதாக நினைவு ...