இந்தியா வளம்பெற அனைத்து நதிகளையும் இணைக்க வேண்டும்: அப்துல்கலாம்!

"இந்தியா வளம் பெற அனைத்து நதிகளையும் இணைக்க வேண்டும்" என முன்னாள் ஜனாதிபதியும் விஞ்ஞானியுமான அப்துல் கலாம் வேண்டுகோள் விடுத்தார்.

கோவை பசும்புவரி, சிறுதுளைராஜ் ஆகிய அமைப்புகளின் சார்பில் கோவையை அடுத்த தண்டங்கரை தடுப்பணை பகுதியில் முன்னாள் ஜனாதிபதி அப்துல் கலாமின் 80வது பிறந்தநாள் விழாவாக கொண்டாடப்பட்டது. இந்த நிகழ்ச்சியில் அப்துல் கலாம் சிறப்பு விருந்தினராக கலந்து கொண்டு விவசாயிகளுடன் கலந்துரையாடினார். பின்னர் அங்கு கூடியிருந்த விவசாயிகளிடையே அப்துல் கலாம் பேசியதாவது:

"நாடுவளம் பெற சுற்று சூழல் மேம்பட 100 கோடி மரக்கன்று நட்டு வளர்ப்பது முக்கியம். இதற்கு நாட்டு மக்கள் ஒவ்வொருவரும், உறுதி மொழி ஏற்க வேண்டும். பசும்புவரி இயக்கம் 1 ஆண்டில் 1 லட்சம் மரக்கன்று நட்டு வளர்க்கும் முயற்சியில் இறங்கி இருப்பதற்குப் பாராட்டுகிறேன். விவசாயிகளின் விளை பொருளுக்கு நல்ல விடை கிடைக்க வேண்டும். அதற்கு அனைத்து தரப்பினரும் ஆவன செய்ய வேண்டும். அனைத்து விவசாயிகளுக்கும் பாசனத்திற்குத் தேவையான தண்ணீர் கிடைக்க நதிகளை இணைப்பதே சிறந்த வழி. இந்தியா வளம் பெற அனைத்து நதிகளையும் இணைக்க வேண்டும். அந்த லட்சியத்தை அடைய நம்மால் முடியும்".

இவ்வாறு அப்துல் கலாம் பேசினார்.

முன்னதாக "கலாம் வனம்" என்று பெயரிடப் பட்ட பகுதியில் அவர் தனது 80வயதைக் குறிக்கும் வகையில் 80 மரக்கன்றுகளை நட்டார். விழாவில் இலைகளால் செய்யப்பட்ட பச்சை பொன்னாடை கலாமுக்கு அணிவிக்கப்பட்டது. அதைத் தொடர்ந்து பச்சை பட்டு இழைகளால் அவரது உருவம் பொறிக்கப்பட்ட கேடயம் பரிசாக வழங்கப்பட்டது.

நிகழ்ச்சியில் விஞ்ஞானி சிவதாணுப்பிள்ளை, சிறு துளி நிர்வாக அறங்காவலர் வனிதா மோகன், தலைவர் பால சுப்பிரமணியன் (ராக் அமைப்பு), தலைவர் சுவாமி நாதன், மத்வராயபுரம் பேரூ ராட்சி தலைவர் குணா உள்பட பலர் கலந்து கொண்டனர்.


inneram

நல்ல பதிவு கிச்சா.......

எங்கே இவர் குடியரசு தலைவராக நீடித்தால் இந்தியா முன்னேறி விடுமோ என்றும், தங்களால் கொள்ளை அடிக்க முடியாதோ என்றும் எண்ணிய காங்க்ரஸ் ஆதரவு வழங்க வில்லை.......

மற்ற கட்சியினர் ஆதரவு தந்த போதும் கலாம் அவர்கள் அனைத்து கட்சிகளும் ஒருமனதாக தேர்ந்தெடுக்கும் பட்சத்தில் நான் பதவி ஏற்கிறேன் என்று கூறி........குடியரசு தலைவர் பதவியில் இருந்து விலகினார்....

அவர் நீடிதிருந்தால் நிச்சயம் நாடு சுபீச்சம் அடைந்திருக்கும்........

முடிந்த அளவு அனைவரும் பிறந்த நாள் பரிசாக மரக் கன்றுகளை கொடுப்போம்.......வீட்டில் இடம் இருப்பவர்களுக்கு......

நன்றிகள் கிச்சா.........