ஆவடியில் விஜயகாந்த் ஆவேசம் அதிமுகவுக்கு ஓட்டு போடாவிட்டால் இலவச பொருள் கிடையாது என்பதா?

[color:52a7=#906]

ஆவடி : ஆவடி நகராட்சி தலைவர் தேமுதிக
வேட்பாளர் பேராசிரியர் ராமானுஜம் மற்றும் வார்டு வேட்பாளர்களை ஆதரித்து,
ஆவடி வீட்டு வசதி வாரிய குடியிருப்பு பகுதியில் பிரசார பொதுக்கூட்டம்
நடந்தது. நகர செயலாளர் நா.மு.சங்கர் தலைமை வகித்தார். கூட்டத்தில்
கட்சியின் தலைவர் விஜயகாந்த் பேசியதாவது: மக்கள் பிரச்னைகளை தீர்க்க
வழிவகுப்பது உள்ளாட்சி தேர்தல். உள்ளாட்சியில் உங்களுக்கு என்ன தேவையோ அதை
நாங்கள் நிறைவேற்றுவோம்.

இதுவரை மாறி, மாறி ஆண்டவர்கள் ஏழைகளுக்கு
என்ன செய்தார்கள்? தெரு விளக்கு எரியவில்லை. சாலைகள் மோசமாக இருக்கின்றன.
எங்கு பார்த்தாலும் குப்பை குவிந்து கிடக்கிறது. கடந்த 30 வருடமாக கொடுத்த
வாக்குறுதிகளை யாராவது நிறைவேற்றினார்களா? இரண்டு கட்சிகளும் பல வருடம்
ஆட்சி செய்துவிட்டன. சட்டப்பேரவையில் மேஜையை தட்டுவதால் ஏழை மக்கள் வயிறு
நிரம்பிவிடாது.

நான் கட்சி ஆரம்பித்தபோது ஊழல், வறுமையை ஒழிப்பேன்
என்றேன். அப்போது என்னை கேலி பேசி சிரித்தார்கள். இப்போது இந்தியா
முழுவதும் இதே குரல்தான் ஒலிக்கிறது. பூத் சிலிப்களை ஆளும் கட்சியினர்
கொடுக்க கூடாது என்று தேர்தல் ஆணையம் அறிவித்தது. ஆனால் என் வீட்டுக்கே
அதிமுகவினர்தான் பூத் சிலிப் கொடுத்தனர்.
எங்களுக்கு ஓட்டு போடாவிட்டால்
இலவசங்களை கொடுக்க மாட்டோம் என்று அதிமுகவினர் கூறுகிறார்கள்.
தேமுதிகவுக்கு ஓட்டு போடுங்கள், நான் எல்லாவற்றையும் பெற்று தருகிறேன்.

பணம்
வாங்கி கொண்டு ஓட்டு போட்டால் கட்சிக்காரர்கள் மதிக்க மாட்டார்கள்.
பிரச்னை பற்றி கூறினால் பணம் வாங்கி கொண்டுதானே ஓட்டு போட்டாய் என
கேட்பார்கள். இரு கட்சிகளும் மக்கள் பணத்தை கொள்ளை அடித்து விட்டன. எனக்கு
ஓட்டு போடுங்கள் என்று கூறவில்லை. படித்த நீங்கள் சிந்தித்து ஓட்டு
போடுங்கள். ஓட்டு கேட்பது என் உரிமை. போடுவது உங்கள் உரிமை. தேமுதிகவுக்கு
வாக்களித்தால் உள்ளாட்சியில் நல்லாட்சி அமையும். இவ்வாறு விஜயகாந்த்
பேசினார்.

மாவட்ட செயலாளர் அருண் சுப்பிரமணியம் எம்எல்ஏ, செய்தி
தொடர்பாளர் ஆரோக்கியம், துணை செயலாளர் ஆவடி யுவராஜ், மாவட்ட பொருளாளர்
சீனிவாசன், நிர்வாகிகள் முத்துராமலிங்கம், ஆறுமுகம், சிவகுமார், கனகராஜ்,
தீனதயாளன், ஏஆர்.பாபு, சுப்பிரமணி, முருகேசன் உள்பட பலர் கலந்து கொண்டனர்


தினகரன் .

குட் கொஸ்டீன் ஃப்ரம் பேட் மேன்....

dsudhanandan wrote:குட் கொஸ்டீன் ஃப்ரம் பேட் மேன்....

குட் ரிப்ளை ஃப்ரம் குட் மேன்

தவசி அய்யா! உங்களுக்கே இந்த கதியா..!