இதற்கு ஒரு கவிதை தாருங்கள்..

by **Aathira** Sun Oct 16, 2011 10:19 pm

First topic message reminder :

இதற்கு ஒரு கவிதை தாருங்கள்.. - Page 19 17696452_11267723_41170589

by prlakshmi Mon Nov 07, 2011 7:21 am

உயர உயர படித்தாலும் பெண்ணே!
உனக்கு இரண்டாம் இடம் தானே!
அறிவைத் தானே வளர்க்கச் சொன்னான் பாரதி!
ஆடையுமா குறைத்து நிற்கச் சொன்னான்?
பண்பாடு கானல் நீராய் தெரிய
பட்டங்கள் பணமாய் மாற
பாசங்கள் அரிதாரம் பூசி நிற்க
பெண்ணே!
வீட்டுக்குள் மட்டும் ஒளி விளக்காய்
இருந்திருக்கலாம்!
பட்டறிவு வேண்டுமென பட்டறிஞர் பலரும்
பறை சாற்றியதால்
நான்கு முனை கண்ணாடி வாழ்க்கையில்
இன்று நீ கேள்விக்குறியாய்?
நிஜங்கள் மின்மினிப் பூச்சிகளாய்
சடுகுடு ஆட்டம் ஆட
பெண்ணே!
நீ ஏன் வெளிச்சத்திற்கு வந்தாய்?
யார் ஆளப் போகும் உலகிற்கு
மெழுகாய் உருகி நிற்கின்றாய்?
தப்பித்திருக்கலாமோ!
சிபியும் மனுவும் வாழ்ந்த காலத்தில்
நீ படித்திருந்தால் ஒரு வேளை
வினாக் குறியாய் மாறாமல்
ஆச்சரியக் குறியாய் இருந்திருப்பாயோ?

by **T.N.Balasubramanian** Mon Nov 07, 2011 7:55 am

"நீ ஏன் வெளிச்சத்திற்கு வந்தாய்?
யார் ஆளப் போகும் உலகிற்கு
மெழுகாய் உருகி நிற்கின்றாய்?"
இதற்கு ஒரு கவிதை தாருங்கள்.. - Page 19 677196

ரமணியன்.

by அ.இராஜ்திலக் Mon Nov 07, 2011 12:57 pm

வெண்ணிலா மயங்குகிறது
வெளிச்சத்திலே மது கண்டு
பெண்ணிணமும் ஆணினினமும்
பேசுவது இனி என்னவாகும் ?

by **Aathira** Mon Nov 07, 2011 2:01 pm

அன்பு உறவுகளே...பொருத்தருள்வீர்களா?
சற்று கூடுதல் பணி. ஒரு நாள் பொருத்துக்கொள்ளுங்கள். நாளை உங்கள் அனைவரது கவிதைகளுக்கும் கருத்துரை வழங்குகிறேன். மன்னிக்கவும் உறவுகளே.

by ANTHAPPAARVAI Mon Nov 07, 2011 2:21 pm

அன்பே...

இத்தனை விளக்குகள் ஏற்றி வைத்தும்,

உன் உள்ளத்தில் இருப்பது மட்டும்

எனக்கு தெரியவில்லையே....?!

by **Aathira** Mon Nov 07, 2011 2:23 pm

ANTHAPPAARVAI wrote:அன்பே...

இத்தனை விளக்குகள் ஏற்றி வைத்தும்,

உன் உள்ளத்தில் இருப்பது மட்டும்

எனக்கு தெரியவில்லையே....?!

அந்தப்பார்வைக்கே தெரியலைன்னா சிரி

by பி.தமிழ்முகில் Tue Nov 08, 2011 7:20 am

Aathira wrote:

இந்த அன்பு உறவுகளுக்கு/ உள்ளங்களுக்கு கவிதை எழுதலாமா உறவுகளே...

ஆடி ஓடி விளையாடி
அசந்து போய் வருகையிலே
அலுப்பால் உடல் வாட‌
சோர்வது உடல் தழுவ‌
உறக்கம் கண் தழுவ‌
விளையாட்டுக்கு தோழனாம்
காவலுக்கு உற்றவனாம்
பைரவனவன்
பஞ்சணை ஆகிட‌
உலகம் மறந்து
கண் துயிலுகிறான்-
அழகுச் சிறுவனவன்......

by prlakshmi Tue Nov 08, 2011 9:15 am

அன்னையவள் மெத்தை மடி கிடைக்கலையோ?
என்மடியே மெத்தையென நீ உறங்க
என் வாலே விசிறியாய் மாறிவிட
தாலாட்டு பாட தாயில்லா குறை நீங்க
தாயாகி நானே தாலாட்டிடுவேன்

by prlakshmi Tue Nov 08, 2011 9:23 am

உயர உயர பறந்தாலும் பெண்ணே-கவிதை-முன்னிட்ட இரண்டு படங்களுக்கும் (விளக்கு பெண், வினாக்குறி பெண்)பொருத்தமானது.

இதற்கு ஒரு கவிதை தாருங்கள்.. - Page 19 Naayumbaiyan

இன்னிசை வெண்பா
பெண்கள் தலைவியாம், பேர்பதவி, பேரழகி,
கண்ணில் கருவளையாம், காட்டுதற்க்கோ நேரமில்லை
தாய்சேய் நலத்துக்காய் தூதுவராம், தன்மகனோ
நாய்மடியே தாய்மடியாய் இன்று!
-- சுந்தரராஜ் தயாளன்