இதற்கு ஒரு கவிதை தாருங்கள்..

**Aathira** · **Aathira** Sun Oct 16, 2011 10:19 pm

First topic message reminder :

இதற்கு ஒரு கவிதை தாருங்கள்.. - Page 16 17696452_11267723_41170589

**kirikasan** · **kirikasan** Tue Oct 25, 2011 8:56 pm

கே. பாலா wrote:கிரிகாசன் அருமையாய் இருக்கிறது உங்கள் கவிதை

நன்றிகளும் தீபாவளி வாழ்த்துகளும் தங்களுக்கு!

**கே. பாலா** · **கே. பாலா** Tue Oct 25, 2011 9:11 pm

kirikasan wrote:
கே. பாலா wrote:கிரிகாசன் அருமையாய் இருக்கிறது உங்கள் கவிதை

நன்றிகளும் தீபாவளி வாழ்த்துகளும் தங்களுக்கு!

மிக்க நன்றி கவிஞரே

**T.N.Balasubramanian** · **T.N.Balasubramanian** Wed Oct 26, 2011 9:14 am

நன்று நன்று. அருமை. கிரிகாசன்!
தீபாவளி வாழ்த்துக்கள்.
ரமணியன்.

**kirikasan** · **kirikasan** Thu Oct 27, 2011 12:45 pm

T.N.Balasubramanian wrote:நன்று நன்று. அருமை. கிரிகாசன்!
தீபாவளி வாழ்த்துக்கள்.
ரமணியன்.

மிக்க நன்றிகள் தங்களுக்கு, ஒரு ஸ்பெசலாக வாழ்த்துஒன்று தயாரித்து பதில் சொல்லாமே என்ற முயற்சியில் தாமதித்துவிட்டேன்.இது தங்களுக்கும் ஈகரை உறவுகளுக்கும் அன்போடு ஒருநாள் கடந்தாலும் வாழ்த்துக்களை தெரிவித்துக்கொள்கிறேன்
வாழ்த்தினைக்காண
http://www.eegarai.net/t73382-topic#663505

**kirikasan** · **kirikasan** Thu Oct 27, 2011 1:09 pm

இதற்கு ஒரு கவிதை தாருங்கள்.. - Page 16 Dvs041046

சும்மா வாழ்த்திவீட்டு செல்வது இவ்விழையின் நோக்கமல்லவே என்றால்

இதோ ஒருகவிதை அந்த ஊஞ்சலாடும் ஜோடிக்காக

நீராழிமீதிலே அலைகள் ஆடும்
நினைவோடு போனவை நின்றேயாடும்
பேரோடு உறவுகள் பின்னாலாடும்
புகழோடு வரவுகள் புதிதென்றாடும்
தேரோடு தெய்வமும் தீந்தமிழ்சொல்
தமிழோடு என்மனம் சேர்ந்துஆட
யாராடுகின்றனர் ஊஞ்சல்மீது
யான் பாடல் சொல்லவென்றாடினாரோ?

மானாடும் மயிலாடும், மதுவில்நின்று
மலர்மீது வண்டாடும், மகிழ்வில்நின்று
தானாடும் உள்ளங்கள் ஈகரைபால்
தளமேறி விளையாடும் பொழுதுஇங்கு
நானோடி எதுகூற ஊஞ்சலாடி
நகைகொண்டுஅவராட நலமேஎன்று
தேனோடி சுவைகொண்டு சிரித்தார்தம்மை
தினமாடி மகிழென்று வாழ்த்தலன்றி

கிரிகாசன்

**Aathira** · **Aathira** Fri Oct 28, 2011 6:39 pm

சதாசிவம் wrote:
நன்றி ஆதிரா...
கவி படைப்பதை விட, உங்களின் கவிதையின் பின்னூட்டம் படிப்பது அழகாக இருக்கிறது.

எங்களின் கவிகளுக்கு உடை கொடுத்து, நடை அளித்து , தடை உடைத்து வரும் உங்களின் மடை திறந்த வெள்ளமென்று வரும் சொல்லடைகளுக்கு ஈகரை உறுப்பினர் படை சொல்லும் நன்றி, [/color]

எங்களுக்குச் ச்ற்று பாராட்டத்தான் வருகிறது. படைப்பாளிகளைப் பாராட்டுவது ரசிகனின் கடமை.. தொடர்வோம்..நன்றி,... அன்பு மலர்

**Aathira** · **Aathira** Fri Oct 28, 2011 6:56 pm

சதாசிவம் wrote:
Aathira wrote:

இந்த அழகான விளையாட்டுப் புள்ளங்களுக்கு கவிதை எழுதலாமா உறவுகளே....

இனிய வாழ்வு இனித்திட- நம்
இளமை மகிழ்ந்து திரும்பிட- மண்
பெரிய மரங்கள் அசைந்திட -விண்
கரிய மேகம் கசிந்திட -தண்
சிறிய ஊஞ்சல் ஆட்டிட -உன்
அரிய ஆசை மலர்ந்திட-மென்
இனிய காதல் ததும்பிட- நின்
கனிய கன்னம் சிவந்திட- பன்
காலம் இன்னும் வாழ்ந்திட -இனி
களிப்போம் காலனை வென்றிட......உன்
வதனம் இன்றும் வெண்ணிலா -நம்
மதனம் என்றும் முழுநிலா - விண்
சென்றும் கழிப்போம் தேனிலா.....

கனிய கன்னம் சிவந்திட.. காட்சி கண்களில் கோலமிடுகிறது. கனிய என்னும் சொல்லாட்சி எனக்கு புதியது.

//உன்
வதனம் இன்றும் வெண்ணிலா -நம்
மதனம் என்றும் முழுநிலா - விண்
சென்றும் கழிப்போம் தேனிலா.....//

வாழ்க்கைக் கணிதம் புரியாமல் வதனம் வாடி வழக்காடு மன்றங்களில் நிற்கும் இன்றைய மனிதம் தங்கள் காதல் இணையரின் நிறைவை எண்ணிப்பார்த்து தம்மைத் திருத்திக்கொள்ளலாம். அழகான படிப்பினைத் த்ரும் கவிதைக்கு நன்றி சதாசிவம்.
அத்துணை அழகான கவிதை. நன்றி அன்பு மலர்

**Aathira** · **Aathira** Fri Oct 28, 2011 7:04 pm

kirikasan wrote:
நரையும்கண்டோம் வரையும் கண்டோம்
நன்றாய் வாழ்ந்தோமே
விரையும் பயணம் புகையும் வண்டி
வீச்சாய் கொண்டோமே
பிரியும் நேரம் எனதோ உனதோ
பெறுதல் வருமாமே
தரையும் விட்டே நினைவும் விட்டே
தாமாய் பிரிவோமே

அதுநாள் வரையும் ஊஞ்சல் போன்று
உழலும் வாழ்வாமோ
அருகே வந்தும் தொலைவில்சென்றும்
அன்பைக் காண்போமோ
எது வந்தாலும் சிரித்தே நிற்போம்
எங்கள் மனம் காணும்
நதியென்றோங்கி பொங்கும் கவலை
நண்பர் அறியாரே

-கிரிகாசன்

//பிரியும் நேரம் எனதோ உனதோ
பெறுதல் வருமாமே
தரையும் விட்டே நினைவும் விட்டே
தாமாய் பிரிவோமே//
இதுதான் காதல் தத்துவம்.இருக்கும் நாள் வரை இணைந்தே களிப்போம் என்பது.
இன்பம் துன்பம் எதுவந்தாலும் இருவர் நிலையும் ஒன்றே என்று கூறுவது அழகு.

//நதியென்றோங்கி பொங்கும் கவலை
நண்பர் அறியாரே//

நம் பாரம்பரிய அகம் பிறர் அறியாதது என்பதை அழகாகச் சொல்லி இருக்கிறீர்கள்.
இன்பம் பிறருக்கும் துன்பம் நமக்கு மட்டுமே தெரிதல் வேண்டும் என்றும் தங்கள் கவிதை அறுவுறுத்துகிறது. கருத்துச் செறிவான கவிதைக்கு நன்றி கிரிகாசன். அன்பு மலர்

prlakshmi · prlakshmi Fri Oct 28, 2011 7:23 pm

நரை வரினும்
கரை காணா ஆசையுடன்
உல்லாசம் காணும்
ஆனந்த வைபோகமே
காலன் வந்து அழைக்கும் வரை
உல்லாசமாக ஊஞ்சல் வைபவம்
ஆடிடுவோமே எந்தன் துணையே! மகிழ்ச்சி

சதாசிவம் · சதாசிவம் Fri Oct 28, 2011 7:40 pm

[/quote]
கனிய கன்னம் சிவந்திட.. காட்சி கண்களில் கோலமிடுகிறது. கனிய என்னும் சொல்லாட்சி எனக்கு புதியது.

கனிய என்றால் முற்றுதல் என்றும், முற்றியதால் வரும் இனிப்பு என்று பொருள் கொள்ளலாம். வயது முதிர்ந்ததால் கன்னம் முதிர முதிர இனிப்பாகிறது என்பது போல் பாடினேன்.

எம்‌ஜி‌ஆர் நடித்த மன்னாதி மன்னன் திரைப்படத்தில் வரும் ஒரு பாடல்
"கனிய கனிய மழலை பேசும் கண்மணி-உயர் காதல் கொஞ்சும் கீதம் படும் பொன்மணி"
"காய் கனிய காத்திருந்தேன்",

//உன்
வதனம் இன்றும் வெண்ணிலா -நம்
மதனம் என்றும் முழுநிலா - விண்
சென்றும் கழிப்போம் தேனிலா.....//

வாழ்க்கைக் கணிதம் புரியாமல் வதனம் வாடி வழக்காடு மன்றங்களில் நிற்கும் இன்றைய மனிதம் தங்கள் காதல் இணையரின் நிறைவை எண்ணிப்பார்த்து தம்மைத் திருத்திக்கொள்ளலாம். அழகான படிப்பினைத் த்ரும் கவிதைக்கு நன்றி சதாசிவம்.
அத்துணை அழகான கவிதை. நன்றி அன்பு மலர்

[/quote]

பாராட்டியமைக்கு நன்றி

Sponsored content · Sponsored content

இதற்கு ஒரு கவிதை தாருங்கள்..

இதற்கு ஒரு கவிதை தாருங்கள்..

Re: இதற்கு ஒரு கவிதை தாருங்கள்..

Re: இதற்கு ஒரு கவிதை தாருங்கள்..

Re: இதற்கு ஒரு கவிதை தாருங்கள்..

Re: இதற்கு ஒரு கவிதை தாருங்கள்..

Re: இதற்கு ஒரு கவிதை தாருங்கள்..

Re: இதற்கு ஒரு கவிதை தாருங்கள்..

Re: இதற்கு ஒரு கவிதை தாருங்கள்..

Re: இதற்கு ஒரு கவிதை தாருங்கள்..

Re: இதற்கு ஒரு கவிதை தாருங்கள்..

Re: இதற்கு ஒரு கவிதை தாருங்கள்..

Re: இதற்கு ஒரு கவிதை தாருங்கள்..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக