உதயநிலா

by **Aathira** Sun Oct 16, 2011 9:10 pm

இன்று வடக்கு மற்றும் வடகிழக்கு இந்தியாவில் கர்வா சவுத் (KARVA CHAUTH) கொண்டாடப்படுகிறது. திருமணமான இந்துப் பெண்கள் கணவனின் நீண்ட ஆயுள் வேண்டி நிலவு வரும் வரை விரதமிருப்பார்கள். நிலவு வந்ததும் அதை நீரிலோ, துப்பட்டா அல்லது சல்லடை வைத்தோ பார்த்து பின் கணவன் முகம் பார்ப்பார்கள். "கடவுளே என் கணவனுக்கு ஆரோக்யமான நீண்ட ஆயுள் கொடு, நான் சுமங்கலியாக (இவனைத் தனியே தவிக்கவிட்டுட்டு!) இறக்க வேண்டும்" என வேண்டிக்கொள்வார்கள்.

கர்வா என்றால் மண்கலசம். சௌத் (சௌதா) என்றால் நான்கு (அதாவது கார்த்திகை மாதத்தின் பௌர்ணமியில் இருந்து நான்காவது நாள்). மண் கலசத்தில் நீரையோ அல்லது பாலையோ நிரப்பி அதில் பஞ்ச ரத்தினங்களை இட்டு தானமாகக் கொடுத்து கணவனுக்காக கடவுளிடம் வேண்டிக்கொள்ளும் பண்டிகை என்று பொருள்.

அந்த காலத்தில் வெகு தொலைவில் வாக்கப்பட்டுப் போகும் பெண்கள், ஏதாவது பிரச்சனை என்றால் தங்கள் குடும்பத்தை உடனடியாகத் தொடர்பு கொள்ள இயலாது. அதனால் நாத்தனார் அல்லது அருகில் உள்ள குடும்பத்துப் பெண்களை சகோதரியாக ஏற்று பிரச்சனைகளை பேசிக்கொள்ளவும் ஒருவருக்கு ஒருவர் உறுதுணையாக இருக்கவும் இந்தப் பண்டிகை பழங்காலத்தில் கொண்டாடப்பட்டது. இன்றோ சாமியார் மடத்தில் பூனை கட்டிய கதையாய், மருதாணி இட்டு வளையல் போட்டு புடவை கட்டும் பண்டிகையாகிப் போனது கர்வா சௌத்.

கர்வா சௌத் அன்று சூரிய உதயத்தில் இருந்து நிலவு வரும் வரை தண்ணீர் கூட குடிக்காமல் பெண்கள் கணவனுக்காக விரதமிருக்கிறார்கள். முன்தினமே கை நிறைய வளையல் வாங்கிக்கொண்டு மருதாணி இட்டுக்கொள்கிறார்கள். அன்று பெரும்பாலும் முகூர்த்த புடவைகளை கட்டிக்கொண்டு தெருவில் உள்ள பெண்களெல்லாம் ஒன்றாய் கூடி பூஜை செய்கிறார்கள்.

உதயநிலா
அன்று
சந்திரனைப் பார்த்த
சல்லடைத் தட்டுவழி
இந்திரனைப் பார்த்தாள்
ரதி - அதன்பின்
ஒவ்வொரு நாளும்
விடிகிறது அவனுக்கு
உதயநிலா முகம் பார்த்து...

உதயநிலா Red

நன்றி
கலாநேசன்,
சோமாயனம் வலைப்பூ.

by **ந.கார்த்தி** Sun Oct 16, 2011 9:11 pm

by **இளமாறன்** Sun Oct 16, 2011 10:13 pm

7 ஜி rainbow colanila வருமே அந்த பண்டிகையா மகிழ்ச்சி

by சரவணன் Sun Oct 16, 2011 11:45 pm

ரொம்ப அருமையான கட்டுரை.

ம்‌ம்ம்‌ம்...நார்த்து பொண்ணுங்க நல்ல பொண்ணுங்க. கணவனுக்கு நீண்ட ஆயுள் வேணும்னு விரதம் இருக்காங்க..இங்க உள்ள பொண்ணுங்க நாடகம் (சீரியல்) பாத்துக்கிட்டு கணவரை உண்ணா விரதம் இருக்க வைக்ராங்க...

by **Aathira** Sun Oct 16, 2011 11:48 pm

பிச்ச wrote:ரொம்ப அருமையான கட்டுரை.

ம்‌ம்ம்‌ம்...நார்த்து பொண்ணுங்க நல்ல பொண்ணுங்க. கணவனுக்கு நீண்ட ஆயுள் வேணும்னு விரதம் இருக்காங்க..இங்க உள்ள பொண்ணுங்க நாடகம் (சீரியல்) பாத்துக்கிட்டு கணவரை உண்ணா விரதம் இருக்க வைக்ராங்க...

சும்மா சுத்திச் சுத்தி சீரியலையே குறி வைக்கிறீங்க..இது நல்லா இல்லை. கூடாது

சீரியல் சிங்கங்களின் சங்கம்..

by Sponsored content

உதயநிலா

உதயநிலா

Re: உதயநிலா

Re: உதயநிலா

Re: உதயநிலா

Re: உதயநிலா

Re: உதயநிலா