முன்னாள் முதல்-மந்திரி எடியூரப்பாவுக்கு சிறையில்

by **இளமாறன்** Sun Oct 16, 2011 1:39 pm

நில ஆக்கிரமிப்பு புகாரில் லோக் ஆயுக்தா நீதிமன்றம் எடியூரப்பாவுக்கு ஜாமீன் மறுத்தது. இதையடுத்து எடியூரப்பாவை போலீசார் எந்த நேரத்திலும் கைது செய்யப்படலாம் என்கிற நிலை இருந்தது.

போலீசில் கைது செய்யப்படுவதை தவிர்க்க லோக் ஆயுக்தா நீதிமன்றத்தில் எடியூரப்பா சரணடைந்தார்.

நீதிமன்றத்தில் சரணடைந்த எடியூரப்பாவை ஒரு வாரம் நீதிமன்ற காவலில் வைக்க உத்தரவிட்டப்பட்டது.

இதையடுத்து அவர் பெங்களூரில் இருந்து ஓசூர் செல்லும் வழியில் உள்ள அக்ராஹார் செண்ட்ரல் சிறையில் அடைக்கப்பட்டார். அவருக்கு தரப்பட்டிருக்கும் கைதி எண்: 10462. 20 -14 அடி அறையில் அவர் அடைக்கப்பட்டார்.

எடியூரப்பா அமைச்சரவையில் இருந்த கிருஷ்ணய்ய செட்டியும் அதே சிறையில் அடைக்கப்பட்டார். அவரது கைதி எண் - 10461.

சிறையில் எடியூரப்பாவுக்கு தனி அறை தொலைக்காட்சி பெட்டி,
மின்விசிறி வசதிகள் உள்ளன

முன்னாள் முதல்-மந்திரி எடியூரப்பாவுக்கு சிறையில் தனி அறை ஒதுக்கப்பட்டு உள்ளது. இதில் தொலைக்காட்சி பெட்டி, கழிவறை, மின்விசிறி போன்ற வசதிகள் இருக்கின்றன.

நில முறைகேடு வழக்கில் முன்னாள் முதல்-மந்திரி எடியூரப்பா ஜாமீன் கோரி லோக் அயுக்தா கோர்ட்டில் மனு தாக்கல் செய்து இருந்தார்.

அந்த ஜாமீன் மனுவை லோக் அயுக்தா கோர்ட்டு தள்ளுபடி செய்தது. மேலும், எடியூரப்பாவை கைது செய்து ஆஜர்படுத்தும்படி போலீசாருக்கு கோர்ட்டு உத்தரவிட்டது. போலீசார் அவரை தேடும் பணியில் ஈடுபட்டனர்.

இந்த நிலையில் எடியூரப்பா நேற்று மாலை லோக் அயுக்தா கோர்ட்டில் திடீர் என்றுசரண் அடைந்தார். அவரை பரப்பன அக்ரஹாரம் ஜெயிலில் அடைக்கும்படி நீதிபதி உத்தரவிட்டார்.

அதைத்தொடர்ந்து எடியூரப்பாவை போலீஸ் வேனில் ஏற்றிக்கொண்டு ஓசூர் ரோட்டில் உள்ள பரப்பன அக்ரஹாரம் ஜெயிலுக்கு போலீசார் அழைத்து சென்றனர். சரியாக மாலை 5.45 மணிக்கு அவர் சிறையின் உள்ளே சென்றார்.

எடியூரப்பாவை பலத்த போலீஸ் பாதுகாப்புடன் அழைத்து சென்றனர். அவரை சுற்றிலும் போலீசார் சூழ்ந்தபடி சிறையின் உள்ளே அனுப்பி வைத்தனர்.

முன்னாள் முதல்-மந்திரி என்பதால் சிறையில் எடியூரப்பாவுக்கு தொலைக்காட்சி பெட்டி, கழிவறை வசதி, மின்விசிறி போன்ற வசதிகள் கொண்ட 20-க்கு 14 அளவு உள்ள தனி அறை ஒதுக்கப்பட்டு உள்ளது. அவருக்கு சிறையில் "9118'' என்ற விசாரணை கைதி எண் வழங்கப்பட்டு இருக்கிறது. மேலும் நேற்று இரவு அவருக்கு வீட்டு சாப்பாடு வழங்கப்பட்டது.

எடியூரப்பா ஜெயிலில் அடைக்கப்பட்டதை தொடர்ந்து பாரதீய ஜனதாவை சேர்ந்த எம்.எல்.ஏ.க்கள் நந்தீஸ் ரெட்டி, விஸ்வநாத், முதல்-மந்திரியின் அரசியல் செயலாளர் புட்டசாமி மற்றும் அவரது ஆதரவாளர்கள் பரப்பன அக்ரஹாரம் சிறைக்கு சென்றனர். மேலும் சிறையின் முன் ஏராளமான போலீசார் குவிக்கப்பட்டு உள்ளனர்.