தாது விருத்தி உண்டாக்கும் அமுக்கிராங் கிழங்கு

by முஹைதீன் Sun Oct 16, 2011 12:29 pm

தாது விருத்தி உண்டாக்கும் அமுக்கிராங் கிழங்கு
சனிக்கிழமை, அக்டோபர் 15, 2011,

அமுக்கிராங்கிழங்கு சித்த மற்றும் ஆயுத்வேத மருத்துவத்தில் தாது விருத்திக்காக செய்யப்படும் மருந்துகளில் முக்கியமாக சேர்க்கப்படுகிறது. தாது விருத்தி செய்வதில் இதற்கு இணை வேறில்லை. இது நரம்பு தளர்ச்சியையும் நீக்க வல்லது. இது செடி இனத்தைச் சேர்ந்தது. மலைப்பாங்கான பகுதிகளில் காணப்படும். இதில் சீமை இனம், நாட்டு இனம் என்று இரண்டு வகை உண்டு. சீமை இனம் நாட்டு இனம் என்று இரண்டு வகை உண்டு. சீமை இனத்தில் கிழங்கு பெரியதாக இருக்கும். நாட்டு இனத்தில் கிழங்கு சற்று சிறியதாக காணப்படும். இருப்பினும் இவை இரண்டிற்கும் உள்ள மருத்துவ குணம் ஒன்றே.

இதை அசுவகெந்திக்கிழங்கு, அமுக்கனாங் கிழங்கு, அமுக்குரவு, வராக கன்னி, இடிச்செவி என்று இன்னும் பல பெயரிட்டுக் கூறுவர். இது துவர்ப்புச்சுவையுடையது.

உடல்பருமன் போக்கும்

அமுக்கிராங்கிழங்கை சிறு துண்டுகளாக நறுக்கி ஆவியில் வேகவைக்க வேண்டும். அவ்வாறு வேக வைக்க நீருக்குப் பதில் பசும்பாலை ஊற்றி சுண்டும் வரை சிறு தீயில் வேக வைத்து பின் அக்கிழங்கை சுத்தமான இடத்தில் வைத்து வெயிலில் நன்கு உலரும் படி செய்யவேண்டும். பின் இக்கிழங்கை தூளாக்கி சலித்து சூரணமாக்கி நோய் பாதிப்பு சமயங்களில் உட்கொள்ள வேண்டும்.

உடல் பருமன் உள்ளவர்கள் பல வித நோய்களால் பாதிக்கப்படுவது இயற்கை. அவர்கள் அமுக்கிராங்கிழங்கு சூரணத்தை வெந்நீருடன் சிறிது உட்கொண்டால் நாளடைவில் உடல் பருமன் குறையும். 48 நாட்கள் தொடர்ந்து உட்கொண்டால் பலன் கிடைக்கும்.

நரம்பு தளர்ச்சி குணமடையும்

நரம்புத்தளர்ச்சி நோயால் அவதிப்படுபவர்கள் இந்த சூரணத்தை நெய்யில் குழைத்துச் சாப்பிடவேண்டும். இதனால் நரம்புத்தளர்ச்சி நீங்குவதோடு மேனி பளபளப்பாகும். உடலில் வீக்கங்கள் தோன்றி வலியால் அவதிப்படுபவர்கள், வாயுக்கோளாறால் இடுப்பு பிடிப்பினால் பாதிக்கப்படுபவர்கள் இந்த சூரணத்துடன் தேனைக் குழைத்துச் சாப்பிட குணமாகும். இதனால் சளித்தொல்லையும் நீங்கும்.
தாது விருத்தி உண்டாக்கும்

அமுக்கராங்கிழங்கு புண்கள், மேக சம்பந்தமான கட்டிகள், கண்டமாலை, கிராந்தி புண்கள் போன்றவற்றை ஆற்றும் தன்மையுடையது. இக்கிழங்கைக் கொண்டு, அமுக்கராச் சூரணம், அஸ்வகந்தி லேகியம், அமுக்கரா மாத்திரை, போன்ற மருந்துகளை தயாரிக்கின்றனர். இம் மருந்துகள் உடல் உஷ்ணத்தை தணிக்கவும், தாது விருத்திக்கும், ஆண்மை தன்மை அதிகரிப்பிற்கும் பயன்படுகிறது.

thatstamil