தனியார் நிறுவனங்களுக்கு தேர்தல் அன்று உள்ளூர் விடுமுறை

by வின்சீலன் Sat Oct 15, 2011 5:48 pm

First topic message reminder :

தனியார் நிறுவனங்களுக்கு தேர்தல் அன்று உள்ளூர் விடுமுறை அளிக்கப்படவேண்டும்.. எந்த நிறுவனத்திலாவது விடுமுறை அளிக்கவில்லை எனில் தேர்தல்ஆணையம், எண்.208/2, ஜவஹர்லால் நேரு சாலை, (சி.எம்.பி.டி. எதிரில்) அரும்பாக்கம், சென்னை- 600 106 Phone : 044- 24753001, 2475 3002 Fax : 044-2475 3300, 2475 1870 E-mail : tnsec@tn.nic.in தொடர்புகொண்டு புகார் அளிக்கலாம்..

நன்றி தினமலர்.காம்

by வின்சீலன் Tue Oct 18, 2011 9:58 am

தேர்தல் கமிஷனின் உத்தரவை மீறி, சென்னையில் நேற்று, பல தனியார் நிறுவனங்கள் மற்றும் சென்னை புறநகர் பகுதிகளில் உள்ள பல தனியார் பொறியியல் கல்லூரிகள், வழக்கம் போல் இயங்கியதால், பணியாளர்களும், மாணவர்களும் ஓட்டுப் போட முடியாத நிலை ஏற்பட்டது.

"தேர்தல் அன்று ஊதியத்துடன் விடுமுறை அளிக்காத நிறுவனங்கள் மீது, கடும் நடவடிக்கை எடுக்கப்படும்' என, மாநில தேர்தல் கமிஷன் விடுமுறை உத்தரவை பிறப்பிக்கையில் குறிப்பிட்டிருந்தது.

தீபாவளியும் ஒரு காரணம்
விடுமுறை நிலவரம் குறித்து, அடையாரில் செயல்படும் ஒரு நிறுவனத்தின் ஊழியர், ""சென்னையின் பல்வேறு பகுதிகளைச் சேர்ந்தவர்கள், எங்கள் நிறுவனத்தில் பணியாற்றுகின்றனர். எங்களுக்கும் ஓட்டுப்போட வேண்டும் என்று ஆசை தான். ஆனால், நிறுவனம் விடுமுறை அளிக்கவில்லை. வழக்கம்போல் 9 மணிக்கு "ஆபீஸ்' வந்து விட்டேன்'' என்றார்.தீபாவளி விற்பனை சூடுபிடித்துள்ளதால், தி.நகர், புரசைவாக்கம் உள்ளிட்ட இடங்களில் இயங்கும் பெரிய கடைகள் பலவற்றில், பணியாளர்களுக்கு நேற்று விடுமுறை அளிக்கப்படவில்லை. மேலும் சில நிறுவனங்கள், தங்கள் பணியாளர்கள் ஓட்டுப் போடுவதற்கு வசதியாக, ஓரிரு மணி நேரம் தாமதமாக வேலைக்கு வரக் கூட அனுமதி தரவில்லை. சென்னை நகர எல்லைக்கு வெளியே அமைந்துள்ள பொறியியல் கல்லூரிகளில் பெரும்பாலானவை, திருவள்ளூர், காஞ்சிபுரம் மாவட்டங்களைச் சேர்ந்தவை. இப்பகுதிகளில், நாளை உள்ளாட்சித் தேர்தல் நடைபெறுவதால், பல பொறியியல் கல்லூரிகளுக்கு, நேற்று விடுமுறை அளிக்கப்படவில்லை.இதனால்,சென்னை நகரின் பல்வேறு பகுதிகளைச் சேர்ந்த மாணவர்கள், ஓட்டுப்போட முடியவில்லை. சில தனியார் பொறியியல் கல்லூரிகள் மட்டும், உள்ளாட்சித் தேர்தல் நடக்கும் 17 மற்றும் 19ம் தேதிகளுக்கு விடுமுறை அறிவித்துள்ளன.

இரண்டாம் கட்டத்திற்கு விடுமுறை?
ஸ்ரீபெரும்புதூர், சுங்குவார்சத்திரம் ஆகிய இடங்களில் உள்ள பன்னாட்டு நிறுவனங்களில், திருவள்ளூர், காஞ்சிபுரம், திருவண்ணாமலை உள்ளிட்ட மாவட்டங்களைச் சேர்ந்த பல்லாயிரக்கணக்கானோர் பணிபுரிகின்றனர்.இவர்களில் பெரும்பாலோருக்கு, தங்கள் சொந்த ஊரில் தான் ஓட்டு உள்ளதாகத் தெரிகிறது. "நாளை உள்ளாட்சிகளுக்கு நடக்கும் இரண்டாம் கட்டத் தேர்தலையொட்டி, தங்களுக்கு, "லீவு' வழங்க மறுக்கும் நிறுவனங்களின் நிர்வாகம் மீது, மாநிலத் தேர்தல் கமிஷன் கடும் நடவடிக்கை எடுக்க வேண்டும்' என, இந்நிறுவனங்களின் ஊழியர்கள் கோரிக்கை விடுத்துள்ளனர்.பழைய புராணம்சென்னை மாவட்ட தேர்தல் பார்வையாளர் சந்திரமோகன் கூறும்போது, ""தொழிலாளர் நலத் துறையுடன் இணைந்து, சென்னையின் பல இடங்களில், திடீர் ஆய்வுகள் மேற்கொண்டு வருகிறோம்.உள்ளாட்சித் தேர்தலையொட்டி, இன்று(நேற்று) தங்கள் பணியாளர்களுக்கு விடுப்பு அளிக்காத நிறுவனங்கள் மீது, கடுமையான நடவடிக்கை எடுக்கப்படும்'' என்றார்.

சொன்னது என்னாச்சு?
கடந்த சட்டசபைத் தேர்தல் நாளன்றும், சென்னை மற்றும் சென்னை புறநகர் பகுதிகளில், பல தனியார் நிறுவனங்கள் இயங்கின. "இது குறித்து, புகார்கள் வந்திருப்பதாகவும், அவற்றின் அடிப்படையில், விதிமுறையை மீறி செயல்பட்ட நிறுவனங்கள் மீது, உரிய நடவடிக்கை எடுக்கப்படும்' என, மாநகராட்சி நிர்வாகம் கூறியிருந்தது.சட்டசபைத் தேர்தல் முடிந்து பல மாதம் ஆகியும், சம்பந்தப்பட்ட தனியார் நிறுவனங்கள் மீது, இதுவரை நடவடிக்கை எடுக்கப்பட்டதாகத் தெரியவில்லை.

நன்றி தினமலர்.காம்

தனியார் நிறுவனங்களுக்கு தேர்தல் அன்று உள்ளூர் விடுமுறை

தனியார் நிறுவனங்களுக்கு தேர்தல் அன்று உள்ளூர் விடுமுறை

Re: தனியார் நிறுவனங்களுக்கு தேர்தல் அன்று உள்ளூர் விடுமுறை