சைதை துரைசாமி இண்டர்நெட்டில் பிரசாரம்

by **இளமாறன்** Sat Oct 15, 2011 1:28 am

சென்னை, அக். 14-

சென்னை மாநகராட்சி தேர்தலில் போட்டியிடும் அ.தி.மு.க. மேயர் வேட்பாளர் சைதை துரைசாமி இண்டர்நெட் மூலம் நூதன பிரசாரத்தில் ஈடுபட்டு உள்ளார். பேஸ் புக்கில் அவர் ஆதரவு திரட்டி வருகிறார். சைதை துரைசாமிக்கு ஏராளமானோர் தேர்தலில் வெற்றி பெற வாழ்த்து தெரிவித்தும் ஆதரவு தெரிவித்தும் தகவல்கள் அனுப்பி வருகின்றனர்.

சைதை துரைசாமியின் பேஸ்புக் இணைய தளத்தில் 53 ஆயிரத்துக்கும் மேற்பட்டவர்கள் புதியதாக இணைந்துள்ளனர். சைதை துரைசாமி மனிதநேய அறக்கட்டளை மூலம் இலவச திருமணம், குறைந்த கட்டண உணவகம், இலவச ஆம்புலன்ஸ், மாணவ-மாணவியர்களுக்கு இலவச தங்கும் விடுதி, கட்டண மில்லா ஐ.ஏ.எஸ். கல்வியகம், இலவச நூலகம் போன்றவற்றை நடத்தி வருகிறார்.

இவற்றின் செயல்பாடுகளை பேஸ்புக்கில் ஏராளமானோர் பாராட்டியதுடன் தேர்தலில் ஆதரவு தெரிவிப்பதாக உறுதியும் அளித்துள்ளனர். நண்பர்களிடமும் பேஸ்புக் மூலம் தொடர்பு கொண்டு சைதை துரைசாமிக்கு ஆதரவு திரட்டி வருகிறார்கள். வெளிநாடுகளில் வசிக்கும் தமிழர்கள் சாப்ட்வேர் என்ஜினீயர்கள் மாணவ- மாணவிகள், பட்டதாரிகள், சைதை துரைசாமிக்கு ஆதரவு தெரிவித்து தகவல் அனுப்பி உள்ளனர்.

அகில இந்திய வேளாளர், பிள்ளைமார், செங்குந்தர் முதலியார் கூட்டமைப்பு சார்பில் சைதை துரைசாமிக்கு ஆதரவு தெரிவித்து நடிகர் கே. ராஜன் வீதி வீதியாக ஓட்டு கேட்டார்.

மாலைமலர்