பாமரதேசம் ..!

வசீகரப்ரியன் · 25/09/2011

பள்ளிக்கூடம் போகும் வயதில்,
கள்ளிக் காட்டுக்கு,
சுள்ளி பொறுக்கப் போகும்
வள்ளி பெண்களுக்கு ,
அழகு கண்களுக்கு ,
கல்வி எட்டாக்க கனிதான்
இப்பாரத தேசத்தில்..!

பாமர தோஷம்..!
ஏழையின் வியர்வையின்
வாசம் வீசும்
பாரத தேசம்.!

வறுமைக்கு வாழ்க்கைப்பட்டு
ஒரு ஜான் வாயிற்று
சோற்றுக்கு சிரமப்பட்டு
சிறுமைக்கு ஓட்டு போட்டு
பெருமைக்கு வாழும்
ஒருமையில் சாகும்
பலகோடி மக்கள் உண்டு
இப்பாமர நாட்டில்.!

இன்னும் வாழ்ந்து
இறந்து கொண்டும்
இறந்து வாழ்ந்து
கொண்டும் தான் இருக்கின்றது
இப்பாமர தேசம்..!

பாமரனுக்காக வாழ்கிறோம்
என்றொரு கோஷம்.!
இது அரசியல்வாதி களின்
பகல் வேஷம் .!
தினம் தினம் நாம்
ஏமாறுவது மோசம்..!
சாமரம் வீசும்
கேவல மனிதர்களுக்கு
உண்டு சுக வாழ்வு.!

சாகிறோம் உணவின்றி.!
உணர்வின்றி.! சிந்த நீரின்றி.!
கண்ணில் கனவின்றி .!
கடைசிவரை துணிவின்றி !
வாழ்கையில் உயர்வின்றி .!

வாழ்கிறோம் எதிர்கால
வல்லரசு நாட்டில் .!
இளமையில் வறுமையுண்டு.!
வளமை ஏட்டில் உண்டு..!
வாய்ப்புக்கள் கண் எதிரே .!
பயன் படுத்த தெரியாத
பாவி மக்கள்..!

உங்கள் வசிகரன்,க .