ஈரல் (மட்டன்) கிரேவி

First topic message reminder :

ஆட்டு ஈரல் - கால் கிலோ
வெங்காயம் - இரண்டு (பெரியது)
தக்காளி - இரண்டு
இஞ்சி பூண்டு விழுது - ஒரு மேசைக்கரண்டி
எண்ணெய் - இரண்டு மேசைக்கரண்டி
மிளகாய் தூள் - காரத்திற்கேற்ப
மஞ்சள் தூள் - கால் தேக்கரண்டி
சீரகம் மிளகு தூள் - காரத்திற்கேற்ப
உப்பு தேவைக்கேற்ப
பச்சைமிளகாய் - ஒன்று
கொத்தமல்லி கருவேப்பிலை கொஞ்சம்

வெங்காயம், தக்காளி, பச்சை மிளகாய் ஆகியவற்றை பொடியாக நறுக்கிக் கொள்ளவும். ஈரலில் மேலிருக்கும் மெல்லிய தோலை அகற்றி விட்டு, சிறு துண்டுகளாக நறுக்கி அதில் உப்பு, சிறிது சேர்த்து இரண்டு நிமிடம் ஊற வைத்து நன்கு கழுவி தண்ணீரை வடிகட்டவும்.
வாயகன்ற வாணலி ஒன்றில் ஒரு மேசைகரண்டி எண்ணெய் ஊற்றி காய்ந்ததும் கருவேப்பிலை வெங்காயம் சேர்த்து வதக்கவும்.வெங்காயம் வதங்கியதும் பொடியாக நறுக்கின தக்காளியை சேர்த்து கிளறவும்.
அத்துடன் இஞ்சி பூண்டு விழுது சேர்த்து நிறம் மாறும் வரை வதக்கவும் .பச்சைமிளகாய் சேர்த்து வதக்கவும்.
எல்லாம் நன்றாக வதங்கியதும் சுத்தம் செய்து தண்ணீர் வடித்து வைத்துள்ள ஈரலை சேர்க்கவும். ஈரல் சேர்த்ததும் ஒரு நிமிடம் நன்கு ஒரு சேர கிளறவும்.


மசாலா வகைகள் மிளகாய் தூள், மிளகு சீரக தூள், உப்பு, அனைத்தையும் சேர்த்து நன்கு பிரட்டி இரண்டு நிமிடம் முடி போட்டு சிம்மில் வைக்கவும்.

தீயின் அளவை குறைத்து வைத்து மூன்று நிமிடம் கிரேவியை திக்காக விடவும்.அதிக நேரம் வைத்து ஈரலை வேக வைத்தால் நல்லா இருக்காது . சுவை மாறி விடும்.
கடைசியில் கொத்தமல்லி இலை தூவி இறக்கவும் ...

ஈரல் கிரேவி தயார் .........

செய்து பார்த்துட்டு சொல்லுங்க ...........அப்படியே கொஞ்சம் எனக்கும் பார்சல் அனுப்பிவிடுங்க கிச்சா

பதிவு போட்ட மட்டும் போதுமா செய்து கொடுத்தல் தான் உங்கள் கை பக்குவம் எப்படி இருக்கும் நு எங்களுக்கு தெரியும்..!

அருண் wrote:பதிவு போட்ட மட்டும் போதுமா செய்து கொடுத்தல் தான் உங்கள் கை பக்குவம் எப்படி இருக்கும் நு எங்களுக்கு தெரியும்..!

பானு

சிறு துண்டுகளாக நறுக்கி அதில் உப்பு, சிறிது சேர்த்து இரண்டு நிமிடம் ஊற வைத்து நன்கு கழுவி தண்ணீரை வடிகட்டவும்.

ஏன் இவாறு செய்ய வேண்டும் ?

இப்போதுதான் இங்கு நண்பர்கள் நான் எல்லாரும் சமைத்து சாபிட்டோம்.....
சாபிட்டுவிட்டு உக்காந்து இருக்கிறோம்....
பகிர்வுக்கு நன்றி பானு

வின்சீலன் wrote:பானு

சிறு துண்டுகளாக நறுக்கி அதில் உப்பு, சிறிது சேர்த்து இரண்டு நிமிடம் ஊற வைத்து நன்கு கழுவி தண்ணீரை வடிகட்டவும்.

ஏன் இவாறு செய்ய வேண்டும் ?

ஈரல் வாடை போவதற்க்கு செய்ய வேண்டும்