ஈரல் (மட்டன்) கிரேவி

by **ஜாஹீதாபானு** Fri Oct 14, 2011 2:19 pm

ஆட்டு ஈரல் - கால் கிலோ
வெங்காயம் - இரண்டு (பெரியது)
தக்காளி - இரண்டு
இஞ்சி பூண்டு விழுது - ஒரு மேசைக்கரண்டி
எண்ணெய் - இரண்டு மேசைக்கரண்டி
மிளகாய் தூள் - காரத்திற்கேற்ப
மஞ்சள் தூள் - கால் தேக்கரண்டி
சீரகம் மிளகு தூள் - காரத்திற்கேற்ப
உப்பு தேவைக்கேற்ப
பச்சைமிளகாய் - ஒன்று
கொத்தமல்லி கருவேப்பிலை கொஞ்சம்

வெங்காயம், தக்காளி, பச்சை மிளகாய் ஆகியவற்றை பொடியாக நறுக்கிக் கொள்ளவும். ஈரலில் மேலிருக்கும் மெல்லிய தோலை அகற்றி விட்டு, சிறு துண்டுகளாக நறுக்கி அதில் உப்பு, சிறிது சேர்த்து இரண்டு நிமிடம் ஊற வைத்து நன்கு கழுவி தண்ணீரை வடிகட்டவும்.
வாயகன்ற வாணலி ஒன்றில் ஒரு மேசைகரண்டி எண்ணெய் ஊற்றி காய்ந்ததும் கருவேப்பிலை வெங்காயம் சேர்த்து வதக்கவும்.வெங்காயம் வதங்கியதும் பொடியாக நறுக்கின தக்காளியை சேர்த்து கிளறவும்.
அத்துடன் இஞ்சி பூண்டு விழுது சேர்த்து நிறம் மாறும் வரை வதக்கவும் .பச்சைமிளகாய் சேர்த்து வதக்கவும்.
எல்லாம் நன்றாக வதங்கியதும் சுத்தம் செய்து தண்ணீர் வடித்து வைத்துள்ள ஈரலை சேர்க்கவும். ஈரல் சேர்த்ததும் ஒரு நிமிடம் நன்கு ஒரு சேர கிளறவும்.

மசாலா வகைகள் மிளகாய் தூள், மிளகு சீரக தூள், உப்பு, அனைத்தையும் சேர்த்து நன்கு பிரட்டி இரண்டு நிமிடம் முடி போட்டு சிம்மில் வைக்கவும்.

தீயின் அளவை குறைத்து வைத்து மூன்று நிமிடம் கிரேவியை திக்காக விடவும்.அதிக நேரம் வைத்து ஈரலை வேக வைத்தால் நல்லா இருக்காது . சுவை மாறி விடும்.
கடைசியில் கொத்தமல்லி இலை தூவி இறக்கவும் ...

ஈரல் கிரேவி தயார் ......... சூப்பருங்க