புதிருக்கு விடை தாருங்கள்

First topic message reminder :

இது நடந்தது அமெரிக்காவில். அங்கு ஒரு நகரப் பேருந்து நடத்துனர் தவறுதலாக வண்டிக்கு ‘ரைட் சிக்னல்‘ கொடுத்ததால் வண்டியில் ஏற இருந்த ஒரு வயதான பெண்மணி கீழே விழ ஏதுவாகி விட்டது. அதனால் நடத்துனர் பணி இடை நீக்கம் செய்யப்பட்டு காவல் துறையினரால் ரிமாண்டில் வைக்கப்பட்டார். அவர் சிறையில் இருந்த போது அவருக்கு குடிப்பதற்குப் பாலும் சாப்பிடுவதற்குப் பழமும் இரவு உணவாகக் கொடுக்கப்பட்டது. ஆனால் அவர் பாலை அங்கு வந்த பூனைக்கும் பழத்தை அங்கு வந்த குரங்கு ஒன்றுக்கும் கொடுத்து விட்டார். மறு நாள் நீதிமன்ற உத்தரவுப்படி மின்சார நாற்காலியில் உட்கார வைத்து 500 வோல்ட் மின்சாரத்தை நடத்துனர் சாகும் வரை பாய்ச்சும்படி செய்தனர். ஆனால் நடத்துநர் சாக வில்லை. எனவே அவர் தண்டனையிலிருந்து விடுவிக்கப்பட்டு மீண்டும் பணியில் சேர்த்துக் கொள்ளப்பட்டார்.
அதே நடத்துனர் பிறகு சிறிது காலம் கழித்து மீண்டும் அதே போல் தவறுதலாக ரைட் சிக்னல் கொடுத்ததால் ஒரு பள்ளிச் சிறுவன் கீழே விழுந்து விட்டான். இம்முறையும் அவர் பணி இடை நீக்கம் செய்யப்பட்டு காவல் துறையினரால் ரிமாண்டில் வைக்கப்பட்டார். அவர் சிறையில் இருந்த போது அவருக்கு குடிப்பதற்குப் பாலும் சாப்பிடுவதற்குப் பழமும் இரவு உணவாகக் கொடுக்கப்பட்டது. ஆனால் அவர் பாலை முன்பு அங்கு வந்த அதே பூனைக்கும் பழத்தை முன்பு அங்கு வந்த அதே குரங்குக்கும் கொடுத்து விட்டார். மறு நாள் நீதிமன்ற உத்தரவுப்படி மின்சார நாற்காலியில் உட்கார வைத்து 1000 வோல்ட் மின்சாரத்தை நடத்துனர் சாகும் வரை பாய்ச்சும்படி செய்தனர். ஆனால் நடத்துநர் சாக வில்லை. எனவே அவர் தண்டனையிலிருந்து விடுவிக்கப்பட்டு மீண்டும் பணியில் சேர்த்துக் கொள்ளப்பட்டார்.
சில காலம் கழித்து அதே நடத்துனர் தவறால் ஒரு வயதான பெரிய மனிதர் கீழே விழுந்து விட்டார். இம்முறையும் அவர் பணி இடை நீக்கம் செய்யப்பட்டு காவல் துறையினரால் ரிமாண்டில் வைக்கப்பட்டார். அவர் சிறையில் இருந்த போது அவருக்கு குடிப்பதற்குப் பாலும் சாப்பிடுவதற்குப் பழமும் இரவு உணவாகக் கொடுக்கப்பட்டது. ஆனால் அவர் பாலை முன்பு அங்கு வந்த அதே பூனைக்கும் பழத்தை முன்பு அங்கு வந்த அதே குரங்குக்கும் கொடுத்து விட்டார். மறு நாள் நீதிமன்ற உத்தரவுப்படி மின்சார நாற்காலியில் உட்கார வைத்து 2000 வோல்ட் மின்சாரத்தை நடத்துனர் சாகும் வரை பாய்ச்சும்படி செய்தனர். ஆனால் நடத்துநர் சாக வில்லை. எனவே அவர் தண்டனையிலிருந்து விடுவிக்கப்பட்டு மீண்டும் பணியில் சேர்த்துக் கொள்ளப்பட்டார்.
இப்போது என்னுடைய கேள்வி அந்த நடத்துனர் ஏன் சாக வில்லை என்பதே? தெரிந்தவர்கள் புதிரை விடுவியுங்களேன்.

vaira31 wrote:இந்த கேள்வி சில ஆண்டுகளுக்கு முன்னர் சென்னை ஐ‌ஐ‌டி மாணவர்களுக்கு கேட்க பட்ட கேள்வி. ஆனால் நம் ஈகரை உறுப்பினர்கள் முன்னால் ஐ‌ஐ‌டி மாணவர்கள் எல்லாம் ஒரு படி கீழே தான். அவ்வளவு அட்டகாசமாக சரியான பதில் அளித்து விட்டார் சதாசிவம். உங்களுக்கு ஒரு ஓ போடுவோம்.

இன்னும் நிறைய கற்றுக் கொள்ள வேண்டி உள்ளது,
நன்றி

ரா.ரமேஷ்குமார் wrote:அவர் ஏன் பழத்தை குரங்கிற்க்கும் பாலை பூனைக்கும் கொடுத்தார் அவர் ஏன் அதை உணவாக எடுத்து கொள்ள வில்லை...
இதற்க்கும் எதாவது காரணம் இருக்கிறதா...

பொதுவாக சரியாக அமைக்கப்படும் புதிரில் 4 அம்சங்கள் இருக்கும், அவை
1. கேள்வி
2. பதிலுக்கான குளூ
3. பதிலளிப்பவரை குழப்பும் வாக்கியம்
4. பதிலளிப்பவரை தவறான பதிலுக்கு வழிநடத்தும் பொறி (டிராப்)
சற்று கடினமாக அமைக்க வேண்டுமானால்,
5. கேள்வியையும் குழப்புவது.....(பெரும்பாலும் இந்த வகையில் படிப்பவர் பதில் கேள்வி கேட்ட ஆரம்பிப்பர்)

இதில் கேள்வி அனைவருக்கும் புரிந்த விஷயம். குழப்பம் இல்லை.
நடத்துனர் நடத்துனர் என்று திரும்ப, திரும்ப வரும் வார்த்தை பதிலுக்கான குளூ. பாலை கொடுத்தார் , பழத்தை கொடுத்தார் என்று திரும்ப திரும்ப வரும் போது, படிப்பவர் பதில் இதில் தான் இருக்கிறது என்று குழம்புவார், அல்லது தவறான பதில் கூறுவார். இந்த கேள்வியில் பூனையும், குரங்கும் , அமரிக்காவும் பதிலளிப்பவரை குழப்பும் வாக்கியம்.

புதிர் எப்படி அமைக்கப்படுகிறது என்று தெரிந்து கொண்டால், அதை விடுவிப்பது சுலபம். நேரம் இருப்பின் இதைப் பற்றி ஒரு தனி திரி தொடங்கி மேலும் விளக்குகிறேன்.