குழந்தை பேறு இல்லாத நிலைக்கு காரணம் யார்?

திருமணம் நடந்து இரண்டு, மூன்று ஆண்டுகள் ஆகியும் குழந்தை இல்லை என்றவுடன் உடனே யாரிடம் குறை என்பதை அறியாமல் திருமணமான பெண்ணைப் பற்றித்தான் பலரும் குறைபட்டுக் கொள்கிறார்கள். ஆண்களைப் பற்றி யாரும் சரியாகச் சிந்திப்ப தில்லை. நல்ல உணவுகள் சாப்பிட்டு, நல்ல உழைப்புடன் கூடிய பெண்கள் எவருக்கும் இறைவன் எந்தக் குறையையும் வைப்பதில்லை. என்னிடம் மருத்துவம் செய்யவரும் பல நபர்களில் அதிகம்; மாமியார்கள் மருமகளை அழைத்து வந்து பல குறைகளைத் தெரிவிக்கின்றனர். ஆனால் தன்னுடைய மகன்களைப் பற்றி தாய்மார்கள் நினைப்பதில்லை. அதிகமான ஆண்களில் பெரும்பாலும் சிறுவயதில் தவறான தீய பழக்க வழக்கங் களுக்கு ஆளாகி மது, போதை, கைப்பழக் கம், நரம்புத் தளர்ச்சி, ஊட்டக்குறை வான உணவுகள் காரணமாக அவர் களின் உடலில் உற்பத்தியாகும் உயிர் அணுக்கள் மிகக் குறைவாகவும், உயிர் அணுக்களே இல்லாமலும் ஆகியிருக்க கூடும். இந்தக் காரணங்களினால் திரு மணம் ஆன பிறகு முறையான உடலுறவு கூட பண்ண இயலாதவர்கள் அதிகமானோர் உள்ளனர்.

ஆண்களுக்கு உயிரணுக்கள் விலா எலும்பிற்கும், முதுகு தண்டிற்கும் மத்தி யிலிருந்து உருவாகின்றன. விதைகளில் சிறுவயதில் அடிபட்டோ அல்லது டி.பி. போன்ற தொற்று நோய்கள் அல்லது புட்டாளம்மை ஆகியவற்றானல் விதைகள் பாதிக்கப்பட்டு உயிரணுக்கள் உற்பத்தியே பாதித்துவிடுகிறது. ஆனால் விதை களிலிருந்து விந்து பைக்கு உயிரணுக் களை கொண்டு செல்லும் விந்து குழாய் கள் அடைப்பினாலும் உடலுறவின் போது உயிரணுக்கள் வெளிவராமல் போகின்றது. அதனால் ஒரு உயிரணு கூட உற்பத்தி ஆகாத நிலைமை.

மேலும் பலர் பெண்கள் நோய் எனப்படும் வி.டி. நோயால் ஏற்பட்ட தொற்று நோய்களாலும் அல்லது வேறு நோய்களின் காரணமாக வெளியேறும் விந்தின் அளவு குறைந்தோ அல்லது உயிரணுக்களின் சதவீதம் குறைந்தோ காணப்படும். சிலருக்கு உயிரணுக்கள் வெளியேறினாலும் அதன் வால் குட்டையாகவும், தலை மொட்டையாகவும், கனத்த தலை உள்ளதாகவும் அல்லது இரட்டை தலை உள்ளதாகவும் அல்லது அசையாத தன்மை கொண்டதாகவும் இருக்கும். அல்லது உரிய வேகத்தில் பெண் உறுப்புக்குள் நீந்திச் சென்று கரு முட்டையுடன் சேர்ந்து கருதரிக்கக்கூடிய உயிரணுக்கள் சக்தி குறைவாக இருப்பதும் மலட்டுத் தன்மைக்கு காரணமாகும். மற்றும் மது, கஞ்சா போன்ற போதை பொருட்களாலும் உடலில் நச்சு மிகுந்து உற்பத்தியான உயிரணுக்களை அழித்துவிடும்.

ஆனால் பெண்களைப் பொறுத்த வரையில் அதிகமான நபருக்குப் பிரச்சினைகள் ஏற்படுவதில்லை. ஊட்டச்சத்து குறைவான உணவு உண்ணக் கூடியவர்களிடமும் வேறு பிரச்சினைகள் உள்ள மிகச் சிலரிடம்தான் ஏற்படும். எதைச் சொல்வதானாலும் குழந்தை பேறு இல்லாததற்கு கணவன், மனைவி இருவருமே காரணம் என்று கொள்ளலாம்.