தமிழ்நாட்டில் காங்கிரஸ் கட்சி இனிமேல் தனித்தே போட்டியிடும்: தங்கபாலு பேட்டி

by kitcha Wed Oct 12, 2011 3:24 pm

சென்னை சத்தியமூர்த்தி பவனில் உள்ளாட்சி தேர்தலுக்கான காங்கிரஸ் தேர்தல் அறிக்கை இன்று (12.10.2011) வெளியிடப்பட்டது. தமிழ்நாடு காங்கிரஸ் தலைவர் தங்கபாலு தேர்தல் அறிக்கையை வெளியிட, அதை மூத்த காங்கிரஸ் தலைவர் குமரி அனந்தன் பெற்றுக் கொண்டார். பின்னர் செய்தியாளர்களிடம் பேசிய தங்கபாலு,

ராஜீவ்காந்தி நமது நாட்டுக்கு தந்த உன்னதமான திட்டம் பஞ்சாயத்து ராஜ். உள்ளாட்சி அமைப்புகளில் மக்களுக்கே முழு அதிகாரம் என்பது இதன் சிறப்பு. பஞ்சாயத்து ராஜ் முறை இந்தியா முழுவதும் சிறப்பாக செயல் படுத்தப்பட்டு வருகிறது. ஆனால் தமிழ்நாட்டில் இதுவரை பஞ்சாயத்து ராஜ் சட்டம் முழுமையாக செயல்படுத்தப் படவில்லை. மற்ற மாநிலங்களைப்போல தமிழ்நாட்டிலும் இந்த திட்டத்தை முழுமையாக செயல்படுத்த வேண்டும் என்பதற்காகவே தமிழகத்தில் நாங்கள் தனித்து போட்டியிடுகிறோம்.

தேவைப்பட்டால் தமிழ் நாட்டில் பஞ்சாயத்து ராஜ் சட்டத்தை அமல்படுத்தக் கோரி காங்கிரஸ் போராட்டம் நடத்தும். மத்திய, மாநில அரசுகளைப்போல பஞ்சாயத்து அமைப்புகளும் தனி அதிகாரம் பெற்றவை. மாவட்ட பஞ்சாயத்து தலைவருக்கு அமைச்சருக்குரிய அந்தஸ்து உண்டு. ஆனால் தமிழ்நாட்டில் உள்ளாட்சி அதிகாரங்களை அதிகாரிகளே வைத்து இருக்கிறார்கள். அடிப்படை உரிமைகளை வழங்கவில்லை. மதவாத சக்திகள் ஆட்சிக்கு வந்து விடக்கூடாது என்பதற்காகவே மற்ற கட்சிகளுடன் கூட்டணி அமைத்தோம்.

இனி தமிழ்நாட்டில் காங்கிரஸ் பஞ்சாயத்து முதல் பாராளுமன்ற வரை தனித்தே போட்டியிடும். பல ஆண்டுகளாக காங்கிரஸ் தனித்து போட்டியிட வேண்டும் என்று தொண்டர்கள் விரும்பினார்கள். இப்போது அது நிறைவேறி இருக்கிறது.

திருச்சி இடைத்தேர்தலில் கூட்டணி தர்மத்தை காப்பாற்றுவதற்காகவே, காங்கிரஸ் போட்டியிடவில்லை. மத்திய தேர்தல் ஆணையத்தைப் போல மாநில தேர்தல் கமிஷனும் தனி அமைப்பாக செயல்பட வேண்டும். உள்ளாட்சி தேர்தல் நேர்மையாக, சுதந்திரமாக நடைபெற வேண்டும். மாநில தேர்தல் ஆணையம் இதை செயல்படுத்தும் என்று நம்புகிறோம். நேர்மையாக தேர்தலை நடத்த வேண்டும் என்று வற்புறுத்துகிறோம். இவ்வாறு அவர் கூறினார்.

நக்கீரன்

by **ஜாஹீதாபானு** Wed Oct 12, 2011 4:06 pm

by அப்துல்லாஹ் Wed Oct 12, 2011 4:15 pm

அப்புடிச் சொல்றா என் ஆம்பிள சிங்கம்...இனிமத்தான யாருன்னு இந்த நாட்டுக்கு தெரியும்..

ஆமா இதுக்கு அன்னையாரு ஒத்துக்கிட்டாங்களா..
எதுக்கும் நீங்க உங்க கட்சிக்காரங்கள எதுத்து போட்டியுடுறதும் நல்லது முதல்ல உள் கட்சியின் உள்ளயும் நீங்க கூட்டணி தான வச்சிருக்கிய...

by உதயசுதா Wed Oct 12, 2011 4:16 pm

தனித்து போட்டி போட்டாத்தான் நீங்க இருக்கறதே தெரியும்.இல்லைன்னா கால போக்குள நீங்க இல்லாம போய்டுவீங்க

by **கேசவன்** Wed Oct 12, 2011 4:20 pm

நடக்கட்டும் நடக்கட்டும்

by **கே. பாலா** Wed Oct 12, 2011 4:23 pm

இவருதான் உண்மையான சதுரச் செயலாளர்

by dsudhanandan Wed Oct 12, 2011 4:25 pm

கே. பாலா wrote:இவருதான் உண்மையான சதுரச் செயலாளர்

என்ன நம்ப பேரு அடிபடுது? ... அவரு அதை விட பெரிய காமெடி பீசுங்க,,,

by நட்புடன் Wed Oct 12, 2011 4:27 pm

பச்சக் குதிர தாவித் தாவி தாவு தீந்து
தனிச்சே போனத உணர்ந்துட்டீங்கன்னே ஆனா டூ லேட் -
நீங்க இதுக்கு சரிப்பட்டு வர மாட்டீங்கன்னு மக்கள் நெனச்சாச்சு...

by **கே. பாலா** Wed Oct 12, 2011 4:30 pm

dsudhanandan wrote:
கே. பாலா wrote:இவருதான் உண்மையான சதுரச் செயலாளர்

என்ன நம்ப பேரு அடிபடுது?

தனித்து போட்டி...செம காமெடி ... தங்கபாலு தமிழகத்தில் அரசியல் நகைச்சுவையை அரங்கேற்றுவதால் ...உங்கள் பட்டம் அவருக்கும் பொருந்தும் சுதா !

by dsudhanandan Wed Oct 12, 2011 4:34 pm

கே. பாலா wrote:
dsudhanandan wrote:
கே. பாலா wrote:இவருதான் உண்மையான சதுரச் செயலாளர்

என்ன நம்ப பேரு அடிபடுது?
தனித்து போட்டி...செம காமெடி ... தங்கபாலு தமிழகத்தில் அரசியல் நகைச்சுவையை அரங்கேற்றுவதால் ...உங்கள் பட்டம் அவருக்கும் பொருந்தும் சுதா !

அவரு காமடி நம்பளவிட பெரிசுங்க,,, அவருக்கு வேற பேரு யோசிக்கணும்