வாழ்க்கை இட்லி மாதிரி by சதுரம்

dsudhanandan · dsudhanandan Wed Oct 12, 2011 9:32 am

First topic message reminder :

நேற்று வாழ்க்கை ஒரு பென்சில் மாதிரி அப்படீனு ஒரு பதிவு போட்டிருந்தேன்... http://www.eegarai.net/t72285-topic

அதை தொடர்ந்து நேற்றே கூறியவாறு ஒரு இட்லி தத்துவம்...

வாழ்க்கைக்கும் இட்டிலிக்கும் என்ன சம்பந்தம், இப்படி எத்தனை பேரு கிளம்பியிருக்கீங்கன்னு கேட்கக்கூடாது. என்னைப் பேச வுடுங்க!

இட்டிலின்னாலே எனக்கு அம்மா (என்னோட அம்மா -- நீங்க நினைக்கிற அம்மா இல்ல) ஞாபகம் தான் வரும். ஆரம்பத்துலே ஆட்டுகல்லுல தான் அம்மா மாவு அரைக்கும்... அப்புறம் கிரைண்டர்லே இட்டிலிக்கு மாவு அரைக்கும். அக்கா அரச்சாக் கூட அம்மாவுக்கு திருப்தி இருக்காது. ஒரு வாய்கிள்ளி வாயிலே போட்டுட்டு "உளுந்து எவ்வளவு போட்டே?"ன்னு சி.பி.ஐ.மாதிரி கேள்வி கேக்கும். பத்து நிமிசத்துக்கு ஒருவாட்டி ஜிலேபி பதம் பார்க்குறா மாதிரி மாவு எப்படி வந்திருக்குன்னு பார்க்கும். திருப்தி வர்றவரைக்கும் அரைச்சிட்டேயிருக்கும். எவ்வளவு இட்லி சாப்பிட்டாலும் சரி,
எழுந்திருக்கிறதுக்கு முன்னாலே ரெண்டு இட்லி நல்லெண்ணை தடவி எல்லாரும் சாப்பிட்டே ஆகணும்.

"இட்லின்னா வகிறு தெரியாமத் தின்னுபோட்டு பொறவு நோவுதுன்னு சொல்லுவே,"ன்னு கண்டிசனா நல்லெண்ணை தடவுன இட்லி ரெண்டை வாய்க்குள்ளே வச்சுத் திணிச்சே போடும். நெசமாவே வகிறு வலிச்சதில்லீங்கோ!

வகிறை நிரப்புனது இட்லியா, அம்மாவோட பாசமான்னு இப்போ தோணுது. பள்ளிக்கூடத்துக்கு இட்டிலியை டிபன் பாக்ஸிலே வச்சு தரும்போதுகூட, அதை முந்தானையாலே துடைச்சு, அதிலே ஒரு வாழையிலையில் நல்லெண்ணை போட்டுப் பூசி, கொதிக்குற இட்லியை கைசுடுமேன்னு கூடப் பார்க்காம வைச்சு, சட்டினி வைச்சு கரிசனையா கொடுக்கும். ஆனா அம்மா 6 வருஷத்துக்கு முன்ன ................

ஏன் சொல்லறேன்னா, இப்போ இட்லின்னா குழி இட்டிலி, மினி இட்டிலி, குஷ்பூ இட்லி, ....., இட்லி மஞ்சூரியன் கூட வந்திருச்சு! பொட்டிக்கடையெல்லாம் இட்லி மாவு பொட்டலம் போட்டு விக்கிறான். ஆனா, இப்ப அம்மாக்களெல்லாம் முதியோர் இல்லத்துலே இருக்காங்க!

பிரஷர் குக்கர், மைக்ரோவேவ் ஓவன் எல்லாம் இருக்குது. பத்து நிமிசத்துலே இருபத்தி நாலு இட்டிலி கிடைக்குது. ஆறு வருசமா அம்மாவோட கைமணத்துக்காக எங்குறேன்...

தலைநோவையிலே அம்மா சித்தரத்தை அரச்சு நெத்தியிலே பத்துப்போடும். வயிறு வலிச்சா வெளக்கெண்ணையைத் தொப்புளிலே தடவும். பூண்டு, வெந்தயம், இஞ்சி சேர்த்தரைச்சு துளியோல கருப்பட்டியும், நெய்யும் சேர்த்து மிட்டாயி மாதிரி உருட்டிக் கொடுக்கும்.

இப்போ பிளாஸ்டிக் டப்பா முழுக்க க்ரோசின், அனாசின், டைஜீன் வச்சிருக்கேன். இது பிளாஸ்டிக் யுகம். அம்மாவும் இல்லை; இட்லியும் இல்லை.

ரெடிமேடா எல்லாம் கிடைக்குது! பாசம் தவிர....

புரியுதா இட்டிலிக்கும் வாழ்க்கைக்கும் உள்ள ஒற்றுமை...?

**ராஜா** · **ராஜா** Wed Oct 12, 2011 11:59 am

வாழ்க்கை இட்லி மாதிரின்னு சொல்லிட்டு - சதுரம்ன்னு போட்டுருக்காரு.

வாழ்க்கை இட்லி மாதிரி ரவுண்டா இருக்குமா? , இல்ல இட்லி சதுரமா இருக்குமா? , ஒண்ணுமே புரியலயே , வாழ்க்கை இட்லி மாதிரி by சதுரம் - Page 2 502589

வாழ்க்கை இட்லி மாதிரி by சதுரம் - Page 2 502589

நமக்கேன் வம்பு இத கேட்டா, பாலாஜி சிரிப்பார் மப்பு ஏறிப்போச்சு

dsudhanandan · dsudhanandan Wed Oct 12, 2011 12:09 pm

வை.பாலாஜி wrote:நல்ல பதிவு , நிறைய நடப்பு விசயங்களை அழகா சொல்லுகிறது ..

வாழ்த்துக்கள் சதுரம் ..

மிக்க நன்றி பாலாஜி

dsudhanandan · dsudhanandan Wed Oct 12, 2011 12:12 pm

ராஜா wrote:வாழ்க்கை இட்லி மாதிரின்னு சொல்லிட்டு - சதுரம்ன்னு போட்டுருக்காரு.

வாழ்க்கை இட்லி மாதிரி ரவுண்டா இருக்குமா? , இல்ல இட்லி சதுரமா இருக்குமா? , ஒண்ணுமே புரியலயே , நமக்கேன் வம்பு இத கேட்டா, பாலாஜி சிரிப்பார்

அவர் தெளிவா இருக்கார்... ராஜாவுக்கு இன்னும் மப்பு இறங்கலே... தலைப்பை மாத்திட்டேன் வாழ்க்கை இட்லி மாதிரி by சதுரம் - Page 2 676261