"ஒரு பெயருமில்லாத நதி"

by **rameshnaga** Tue Oct 11, 2011 8:37 pm

First topic message reminder :

மீன்கள் துள்ளி விளையாடுகின்றன.
குழந்தைகள் நீச்சலடித்துக் குதிக்கின்றன.
நாணல்கள் தம்மை நனைத்துக் கொள்கின்றன.
தனது நிழலை ஆற்றில் படரவிடும்
மரங்கள்...
ஆற்றில் உருண்டோடும் உதிர்ந்த இலைகளை
ஏக்கத்துடன் பார்க்கின்றன.
எந்த தேசத்திலிருந்தோ வந்த பறவைகளும்..
உள்ளூர்ப் பறவைகளும்...
நீர் அருந்தியபடியே....தம் இரையைக் கண்டெடுக்கின்றன.
எவனோ ஒருவன் சிந்திய கண்ணீர்
ஆழத்தில் படிந்திருக்க...
எல்லாவற்றையும் பார்த்தபடி..
அமைதியாக நகர்கிறது...
நான் இரசிக்கும் ஒரு பெயருமில்லாத இந்த நதி...
எனது அழகிய அம்மாவைப் போலவே.

by kitcha Wed Oct 12, 2011 2:20 pm

rameshnaga wrote:
அன்புள்ள கிச்சா...
இந்தக் கவிதையைப் பொறுத்தமட்டில்...
".................ஒரு பெயருமில்லாத இந்த நதி".....என்பதோடு இந்தக் கவிதை முடிந்து விடுகிறது. ஆனால் வாசகனின் வேறு விதமான நினைவுகளைத் தூண்டவும்..கவிதையில் அவனுடைய கவனத்தை ஆழப்படுத்தவும்...
யோசித்தபோதுதான் "எனது அழகிய அம்மாவைப் போல "....என்ற வரியைச் சேர்த்தேன். நான் நினைத்ததுபோல...உங்களை அந்த வரி நினைக்க வைத்ததில்..
எனக்கு மிகுந்த மகிழ்ச்சி..கிச்சா...ரொம்பவும் நன்றி கிச்சா..உங்களுடைய
மிக மதிப்பான பின்னூட்டங்களுக்கு.