2 மாணவர்கள் எரித்துக்கொலை பெற்றோர் அதிர்ச்சி

2 மாணவர்கள் எரித்துக்கொலை பெற்றோர் அதிர்ச்சி

செவ்வாய், 11 அக்டோபர், 2011

சித்தூர் அடுத்த யாதமுரி மண்டலம் பேரகூரு கிராமத்தைச் சேர்ந்தவர் வெங்கடசுலு. இவரது மகன் ஹேமா சாயி (5). அதே பகுதியை சேர்ந்தவர் முரளி. இவரது மகள் லக்ஷயா (8). இருவரும் யாதமுரியில் உள்ள ஒரு தனியார் பள்ளியில் 1, 3ம் வகுப்பு படித்து வந்தனர்.



இந்நிலையில் நேற்று காலை பள்ளி வேனில் ஹேமாசாயி, லக்ஷயா ஆகியோர் சென்றனர். நேற்று மாலை பள்ளி முடிந்தும் இருவரும் வீட்டுக்கு வரவில்லை.



இதனால் அதிர்ச்சி அடைந்த அவர்களது பெற்றோர் பள்ளிக்கு சென்று தாளாளரிடம் கேட்டனர். தாளாளர் பள்ளி வருகை பதி வேட்டை பார்த்தபோது, லக்ஷயா மட்டும் பள்ளிக்கு வந்தது தெரிய வந்தது. ஹேமாசாயி வரவில்லை.



இதையடுத்து பள்ளி அறையில் பார்த்தபோது லக்ஷயாவின் புத்தகப்பை மற்றும் டிபன் கேரியர் இருந்தது. பல்வேறு இடங்களில் தேடியும் இருவரையும் காணவில்லை.

இதுகுறித்து மாணவர்களின் பெற்றோர் நேற்றிரவு யாதமுரி போலீசில் புகார் செய்தனர்.

அதன்பேரில் போலீசார் வழக்கு பதிவு செய்து விசாரணை நடத்தினர்.



மாணவர்கள் ஹேமாசாயியும், லக் ஷயாவும் ஒரு ஆட்டோவில் சென்றதாக பொதுமக்கள் போலீசா ரிடம் தெரிவித்தனர்.

இந்நிலையில் நேற்றிரவு யாதமுரி சப்&இன்ஸ்பெக்டர் ரவீந்திரா மற்றும் போலீசார் ரோந்து பணியில் ஈடுபட்டனர். அப்போது ஒரு ஆட்டோ டிரைவர், போலீசாரை கண்டதும் தப்பியோடினார். போலீசார் அவரை விரட்டிச் சென்று பிடித்து விசாரித்தனர்.



விசாரணையில், தசாரபள்ளி கிராமத்தை சேர்ந்த ஆட்டோ டிரைவர் சரவணா(33) என தெரியவந்தது. மாயமான மாணவர்கள் ஹேமா சாயி, லக்ஷயா ஆகிய இருவரையும் பங்காருபாளையம் &பலமனேர் சாலை மொகிலி வனப்பகுதியில் ஆட்டோவில் கடத்திச் சென்று கொலை செய்து விட்டதாகவும், அடையாளம் தெரியாமல் இருக்க பெட்ரோல் ஊற்றி கொளுத்தி விட்டதாகவும் அவர் தெரிவித்தார்.

இதையடுத்து ஆட்டோ டிரைவர் சரவணாவை போலீசார் கைது செய்தனர். மாணவர்களை கடத்தி கொலை செய்தது ஏன் என்பது தொடர்பாக போலீசார் தீவிரமாக விசாரித்து வருகின்றனர்.



இதையடுத்து போலீசார் இன்று காலை சித்தூர் தாலுகா இன்ஸ் பெக்டர் ஸ்ரீகாந்த் தலைமையில் மொகிலி வனப்பகுதிக்கு சென்று தேடுதல் வேட்டையில் ஈடுபட்டுள்ளனர்.

http://www.tharavu.com/2011/10/2.html