காதலோடு தொலைந்தவன் - அப்துல்லாஹ்

by அப்துல்லாஹ் Mon Oct 10, 2011 10:03 am

First topic message reminder :

காதலோடு தொலைந்தவன் - அப்துல்லாஹ் - Page 2 Loversseries

அதே காலை மாலைப் பொழுதுகள்
சூரியப் பிரகாசங்களும்
சந்திர நிழல்களும்...

நல்லதும் கெட்டதுமான
கடிகார முள்ளின்
கவனமான ஓட்டம்

வாங்கித்
தோற்றவை கொஞ்சம்
விற்றுத்
தொலைத்தது நிறைய...

இதோ
இந்தக் கடற்கரையின்
சொரிமாணலில் பாதம் பதித்து
பையப்பைய என் பக்கத்தில்

மனதில் நினைக்கும் போதே
மகிழ்ச்சியை மலர்த்தும் அவள்

எத்தனை மாலைகள்
எத்தனை மணித்துகள்கள்
எங்களின் எச்சில் பட்ட
தித்திக்கும் திகட்டாத
மறைந்தும் மறையாத பொழுதுகள்

அவளின் வருகைக்காக தினமும்
கரையில் காத்திருப்பதில்
முதலில் இடம் பிடிப்பது நான்

வருமுன் மனசுசொல்லிவிடும்
திரும்பிப் பார்ப்பேன்
அவள்

எதோ ஒரு வண்ணத்தில்
கைப்பையும் முகத்தில்
எண்ணெய்ப் பசையுமாக

ஆவல்கள் அவளை நோக்கும்
ஆசைகள் அசைபோடும்
அனுபவங்கள் அப்படியே நிற்கும்
அசையாமல்

ஒரு நாள் வந்தாள்
வாடிய முகத்தில்
வடிந்த கண்ணீர் தடங்கள்

அதே வார்த்தை
போதும்... போதும்......
முற்றாக நின்று போனது

காதல் உணர்வுகளில்
மனம் தொலைத்த நான்
அங்கே மூச்சற்று

ஒட்டியிருந்த சொறி மணலை
உள்ளங்கையிலிருந்து
தட்டிவிட்டாள்
உதிர்ந்தது போக
கொஞ்சம்
புடவையில் தேய்த்து
நிமிர்ந்தாள் ...
அவளைத் தொடர்ந்தேன்..

மணலில் ஒட்டிய படியே
மனதில் நிலைத்த காட்சிகளை தினமும்
மறையும் சூரியனோடு
மயக்க நிலையில்

மனம் முழுக்க வெறுமையோடு...

அவள் வருமுன்
மனசு சொல்லிவிடும்
திரும்பிப் பார்த்தேன்

அங்கே அவள்

அருகில் காதலை மறந்த
நான் கணவனாய்
இடையில்
குழந்தைகள்

மெல்ல எழுந்தேன்
சூரியன்கள் சந்திரன்கள்
தொடாமல்
கையில் பொத்திய
என் காதலோடு
நழுவி நழுவிப் போகிறேன்..

காதலனாய் நான்
கரையில் அவளிடம்
தொலைத்ததும்

என்னைத்தான்

by **ஹிஷாலீ** Mon Oct 10, 2011 11:52 am

by அப்துல்லாஹ் Mon Oct 10, 2011 11:56 am

உமா wrote:
அவள் வருமுன்
மனசு சொல்லிவிடும்
திரும்பிப் பார்த்தேன்

அங்கே அவள்

அனைத்து வரிகளுமே ரசிக்கும்படி உள்ளது.
காதலில் நடக்கும் சிறு சிறு விஷயங்களை கூட
பெரிதாய் நினைத்து வர்ணிக்கும் வரிகள்...உண்மை காதலில் இவையெல்லாமே இருக்கும் ...கையில் உள்ள மண்ணை தட்டி விடுவதை கூட கவிதையில் சேர்த்த்தது கூட சிந்திக்க வைக்கும் உணர்வே...

நல்ல வரிகள். எளிய வார்த்தைகள்
அழகிய காதல் உணர்வுகள்.

சூப்பர் அண்ணா.

நன்றி உமா
நல்ல அருமையான மறுமொழி. ரசிக்கும்படியாக எழுதிஇருக்கிறிர்கள் நன்றி..

by அப்துல்லாஹ் Mon Oct 10, 2011 11:58 am

ஹிஷாலீ wrote:

நன்றி ஹிசாலி

by **உமா** Mon Oct 10, 2011 12:04 pm

உங்கள் கவிதை ரசித்தேன்...மேர்க்கோலிட்டேன் அண்ணா...
வேகமா படித்தேன்..எளிமையான வார்த்தைகள் அர்த்தம் புரிந்தது...
சில கவிதைகளை பல முறை படிப்பேன் அர்த்தம் புரியாமல்..அது போலில்லை. நல்லா இருந்தது. அருமையிருக்கு