சென்னையில் ஆட்டோக்களுக்கு அடித்தது “யோகம்” தினசரி வாடகைக்கு செல்கிறார்கள்

by **இளமாறன்** Sun Oct 09, 2011 11:40 pm

சென்னை, அக். 9-

உள்ளாட்சி தேர்தல் பிரசாரம் களை கட்டி உள்ளது. சட்டசபை தேர்தல், பாராளுமன்ற தேர்தல்களில் மெயின் தெருக்கள் வழியாக வேட்பாளர்கள் திறந்த ஜீப்பில் சென்று ஆதரவு திரட்டுவார்கள். ஆனால் உள்ளாட்சி தேர்தலில் வார்டு உறுப்பினர் பதவிக்கும் தேர்தல் நடக்கிறது. ஒவ்வொரு வார்டிலும் 10-க்கும் மேற்பட்ட வேட்பாளர்கள் போட்டியிடுகிறார்கள். சிறிய தெருக்களில் கூட பிரசாரம் அமர்க்களப்படுகிறது.

எந்த தெருவை பார்த்தாலும் நான்கைந்து பேர் கையில் கொடிகளுடனும், துண்டு பிரசுரங்களுடனும் வலம் வருகிறார்கள். இன்று விடுமுறை நாள் என்பதால் பிரசாரம் தீவிரமாக நடக்கிறது. அனைத்து வேட்பாளர்களும் தெரு தெருவாக சுற்றி வருகிறார்கள். உள்ளாட்சி தேர்தல் பிரசாரத்துக்கு ஆட்டோக்களையே பெருமளவில் பயன்படுத்துகிறார்கள்.

குறுகலான தெருக்களில் செல்வதற்கு எளிதாக இருப்பதால் ஆட்டோக்களை நாடுகிறார்கள். 32 மேயர் வேட்பாளர்கள் 3 ஆயிரத்து 400 வார்டு வேட்பாளர்கள் களத்தில் இருப்பதால் ஏராளமான ஆட்டோக்கள் பிரசாரத்துக்காக புக்கிங் செய்யப்பட்டுவிட்டது. தினமும் காலை முதல் இரவு வரை காத்து கிடந்து ரூ. 200 அல்லது 300 சம்பாதிப்பதற்கே ஆட்டோ டிரைவர்கள் கஷ்டப் படும் சூழ்நிலையில் இந்த வாய்ப்பை “ஜாக்பாட்” போல் கருதுகிறார்கள்.

பெட்ரோல் செலவுபோக தினமும் ரூ. 500 வரை வாடகை கிடைப்பதாக ஆட்டோ டிரைவர்கள் கூறுகிறார்கள்.

by **கேசவன்** Mon Oct 10, 2011 7:55 am

இன்னும் பத்து நாட்கள் மட்டுமே ,மீண்டும் பழைய கதை தான்

சென்னையில் ஆட்டோக்களுக்கு அடித்தது “யோகம்” தினசரி வாடகைக்கு செல்கிறார்கள்

சென்னையில் ஆட்டோக்களுக்கு அடித்தது “யோகம்” தினசரி வாடகைக்கு செல்கிறார்கள்

Re: சென்னையில் ஆட்டோக்களுக்கு அடித்தது “யோகம்” தினசரி வாடகைக்கு செல்கிறார்கள்