ஒருவனுக்கு ஒருத்தி ? சாத்தியமா ?

thillalangadi · thillalangadi Sat Oct 08, 2011 8:08 pm

First topic message reminder :

ஒருவனுக்கு ஒருத்தி ? சாத்தியமா ?
இஸ்லாத்தின் மீது மிக அதிக அளவில் தொடுக்கப்படும் குற்றச்சாட்டுகளில்ஒன்று , முஸ்லிம்கள் அதிக திருமணம் செய்கிறார்கள் ! நான்கு பெண்களை மனமுடிக்கிறார்கள் . ஒருவனுக்கு ஒருத்தி என்பதே சிறந்தது , அதுதான் நமது கலாசாரம் என்றெல்லாம் விமர்சிக்கின்றார்கள் . அதிலும் உச்சகட்டமாக நம்முடைய முந்தைய பதிவிற்கு கருத்திட்ட அன்பர் ,பலதார மனம்,எளிய விவாகரத்து போன்றவற்றால் எயிட்ஸ் அதிக அளவில் முஸ்லிம்களை தான் தாக்கும் அபாயம் இருப்பதாக எழுதியும் இருந்தார் . நமக்கு தெரிந்த சில விசயங்கள் ......
ஒருவனுக்கு ஒருத்தி ...
பொதுவாக உலகில் ஆண்,பெண் பிறப்பு விகிதம் சமமாகத்தான் உள்ளது . எனினும் பிறக்கும் ஆண் குழந்தையை விட பெண் குழந்தைகள்தான் அதிக நோய் எதிர்ப்பு சக்தியுடன் பிறக்கின்றன .
ஆண் குழந்தைகள் இறப்பு விகிதம் பெண் குழந்தைகளை விட அதிகமாகின்றது .ஆண் இனமானது அதிக அளவில் போர்,விபத்து,போன்றவற்றினாலும் பெருமளவு இறப்பை சந்திக்கின்றது .இது உலக சுகாதார அமைப்பின் புள்ளி விபரம். உலகளவில் தற்போது ஆண்களை விட பெண்கள் அதிகமாக உள்ளனர் .
உலக மக்கள் தொகையில் ஆண்களின் எண்ணிக்கையை விடப் பெண்களின் எண்ணிக்கையே மேலோங்கி நிற்கிறது.
அமெரிக்காவில் உள்ள மக்கள் தொகையில் உள்ள பெண்களின் எண்ணிக்கை ஆண்களின் எண்ணிக்கையை விட 78 லட்சம் அதிகமாகும். அமெரிக்கத் தலைநகர் நியூயார்க்கில் மாத்திரம் பெண்களின் எண்ணிக்கை ஆண்களின் எண்ணிக்கையை விட 10 லட்சம் அதிகமாகும். அமெரிக்கத் தலைநகர் நியூயார்க்கின் மொத்த மக்கள் தொகையில் மூன்றில் ஒரு பாகம் ஓரிணச் சேர்க்கையில் நாட்டமுள்ள ஆண்கள். அமெரிக்காவின் மொத்த மக்கள் தொகையில் மேற்சொல்லப்பட்டவர்களின் எண்ணிக்கை மாத்திரம் இரண்டரை கோடியாகும். மேற்படி நபர்களுக்குப் பெண்களின் தேவையிருக்காது.
அதே போல் பிரிட்டனில் பெண்களின் எண்ணிக்கை ஆண்களின் எண்ணிக்கையை விட 40 லட்சம் அதிகமாகும்.
ஜெர்மனியில் பெண்களின் எண்ணிக்கை ஆண்களின் எண்ணிக்கையை விட 50 லட்சம் அதிகமாகும். ரஷ்யாவில் பெண்களின் எண்ணிக்கை ஆண்களின் எண்ணிக்கையை விட 90 லட்சம் அதிகமாகும்.

மக்கள் தொகையில் பெண்களின் எண்ணிக்கையை விட ஆண்களின் எண்ணிக்கை அதிகம் கொண்டுள்ள நாடுகளில் இந்தியாவும் ஒன்று . பெண்கருக்கள் என்று கண்டறியப்பட்டால் உடனடியாகக் கலைக்கப்படுவதும் பிறந்து விட்ட குழந்தை பெண் என்று தெரிந்தால் சிசுக்கொலை செய்ய விடுவதுமே இதற்கு க் காரணம் ஆகும். இந்தியாவில் மாத்திரம் ஒரு வருடத்திற்குப் பத்து லட்சத்துக்கும் மேற்பட்ட கருக்கள் - பெண் என்று அடையாளம் காணப்பட்டப் பிறகு கலைக்கப்படுகின்றன அதாவது அழிக்கப் படுகின்றன. இந்தக் கொடிய செயல் நிறுத்தப்பட்டால் இந்தியாவிலும் ஆண்களின் எண்ணிக்கையைவிட ப் பெண்களின் எண்ணிக்கையே மேலோங்கி இருக்கும்.

ஓர் ஆண் ஒரு பெண்ணைத்தான் திருமணம் செய்து கொள்ள வேண்டும் என்ற கட்டுப்பாடு இருக்குமானால் அமெரிக்காவில் மாத்திரம் 3 கோடி பெண்களுக்குத் திருமணம் முடித்துக்கொள்ள ஆண்கள் இல்லாத நிலைதான் ஏற்படும். (அமெரிக்காவில் இரண்டரை கோடி ஆண்கள் ஓரினச் சேர்க்கையாளர்களாக இருக்கிறார்கள் என்பதையும் கணக்கில் சேர்த்துக் கொள்ள வேண்டும்). அதுபோல, பிரிட்டனில் 40 லட்சம் பெண்களுக்கும் ஜெர்மெனியில் 50 லட்சம் பெண்களுக்கும் ரஷ்யாவில் 90 லட்சம் பெண்களுக்கும் திருமணம் முடித்துக்கொள்ள ஆண்கள் இல்லாத நிலைதான் ஏற்படும்.

திருமணமே ஆகாமல் பெண்கள் கர்ப்பமடைவதும் கைவிடப்படுவதும் மலேசிய இந்துச் சமுதாயத்தில் அதிகமாகி வருவதைக் கண்டு அங்குள்ள இந்துக்கள் பலதார மணத்தைத் தங்களுக்கும் அனுமதிக்குமாறு போராடி வருகின்றனர். ( மலேசிய நண்பன் நாளிதழ் - 05.01.2002)

1948ஆம் ஆண்டில் மியூனிச்சில் நடந்த அகில உலக இளைஞர்கள் மாநாட்டில் மிகவும் ஏற்றத்தாழ்வு மிக்க பால்விகிதத்தால் ஏற்படும் பிரச்னை பற்றிப் பலவாறு விவாதிக்கப்பட்டும் இறுதிவரை எந்தத் தீர்விற்கும் வர முடியவில்லை என்பது அவர்களுக்கு தெளிவாகத் தெரிந்தவுடன், மாநாட்டில் கலந்து கொண்ட சிலர் பலதார மணத்தை சிறந்த தீர்வாக முன்வைத்தனர். இதைக்கேட்டதும் ஆரம்பத்தில் மாநாட்டிற்கு வந்தோர் அதிர்ச்சிக்கும் வெறுப்பிற்குமுள்ளாயினர். ஆயினும், இதைக் கவனமாக ஆராய்ந்த மாநாட்டினர், பலதார மணம் ஒன்றுதான் சாத்தியமான தீர்வு என்பதை ஒப்புக்கொண்டனர். இறுதியாக, மாநாட்டின் இறுதித் தீர்மானங்களில் ஒன்றாகப் பலதார மணமும் சேர்க்கப்பட்டது.

திருமணம் செய்யும் பருவத்தை அடைந்த பெண்கள் திருமணம் செய்யும் பருவத்தை அடைந்த ஆண்களை விடப் பல மடங்கு அதிகமாக உள்ளனர். ஏனெனில் பெண்கள் ஆண்களை விட சுமார் 10 வருடங்களுக்கு முன்பே திருமணத்திற்குத் தயாராகி விடுகின்றனர்.

யுத்தங்களில் பெண்களைவிட ஆண்களே அதிகமாக கொல்லப்படுகிறார்கள். விபத்துக்களிலும் , நோய்வாய்ப்பட்டும் இறப்பவர்களில் பெண்களைவிட ஆண்களின் விகிதாச்சாரமே அதிகம். ஆண்களின் வாழ்க்கைக் காலம் பெண்களின் வாழ்க்கை காலத்தைவிடக் குறைவாகவே இருப்பதால் எந்த காலகட்டத்திலும் மனைவியை இழந்த கணவர்களை விட, கணவனை இழந்த மனைவியரே இவ்வுலகில் அதிகம் காணப்படுகின்றனர்.

சராசரியாகப் பெண்ணினத்தின் வாழ்க்கைக் கால அளவு, ஆணிணத்தின் வாழ்க்கைக் கால அளவைவிட அதிகமானது.

பெண்களுக்குத் திருமணம் செய்து கொடுப்பதற்காகப் பெரும் தொகையை வரதட்சணையாகக் கொடுக்கும் அவலமும் அதிகரித்து வருகிறது. பெரும் எண்ணிக்கையிலான பெண்களுக்கு மண வாழ்வு கிடைக்காததால் விபச்சாரம் பெருகி வருகிறது.

திருமண வாழ்வைப் புறக்கணிக்கும் பிரம்மாச்சாரிகளும் ஆண்களின் பற்றாக்குறையை மேலும் அதிகரிக்கிறார்கள்.
ஆக ஆண் பெண் எண்ணிக்கை விகிதம் ஏற்றதாழ்வுடன் இருந்தே வருகின்றது . திருமண வாழ்வு என்பது ஒருவனுக்கு ஒருத்தி என்ற நிலையில் அமைத்து கொள்வது முடியாதது என்பதற்கு இதுவும் ஒரு காரணம் .

Posted by திருபுவனம் வலை தளம்

நட்புடன் · நட்புடன் Sun Oct 09, 2011 1:50 pm

ஆராய்ச்சியாளர்கள் சொல்வதை உண்மையென எடுத்துக் கொண்டாலும்,
இன்றைய நிலையில் ஒன்றிற்கு மேல் சமாளிப்பது மிகக் கடினம்
நம் நாட்டில் இஸ்லாத்தில் உள்ளவர்களே கூட இதை
முழுவதுமாக பின் பற்றுவதில்லை. ஆங்காங்கே
சிலர் இருக்கலாம். இந்தப் அரபிய நாட்டில் கூட
இந்த முறை அத்துணை பரவலாக இல்லை.

இன்னொன்று இதை செயல்படுத்தினாலும் - மதத்திற்கு அப்பாற்பட்டு
அப்பவும் ஆண்களின் எண்ணிக்கை குறைந்து தான் போகும்
போட்டுத் தள்ளிடுவாங்கையா தள்ளிடுவாங்க...

முஹைதீன் · முஹைதீன் Sun Oct 09, 2011 3:53 pm

ஒருவன் 4 திருமணங்கள் கட்டாயம் செய்ய வேண்டும் என்பதில்லை அப்படி செய்தால் தவறு ஒன்றும் இல்லை

kitcha · kitcha Sun Oct 09, 2011 4:01 pm

முஹைதீன் wrote:ஒருவன் 4 திருமணங்கள் கட்டாயம் செய்ய வேண்டும் என்பதில்லை அப்படி செய்தால் தவறு ஒன்றும் இல்லை

அதே போல் உங்கள் குர்ஆனில் மற்ற ஒன்று சொல்லப் பட்டு உள்ளதே.
கணவனும் மனைவியும் ஆறு மாதத்திற்கு மேல் பிரிந்து இருந்தால்,அந்தப் பெண்,அந்தக் கணவரை விவாகரத்து செய்யலாம் என்று உள்ளதே. இன்று வெளிநாட்டில் எத்தனையோ இஸ்லாம் மதத்தை சேர்ந்தவர்கள் வேலை செய்கிறார்கள்,அவர்கள் மனைவி எல்லாம் விவாகரத்து தேடியா செல்கிறார்கள்.

ranhasan · ranhasan Sun Oct 09, 2011 4:05 pm

எப்பா மதச் சண்டையா கிளப்பிராதிங்க... எல்லாமே நம்மலா சொல்றதுதான், நாமலே மாத்திக்குறதுதான்... குரான், பைபிள், பகவத் கீதை எல்லாமே மனிதர்கள் உருவாக்குனதுதான்.. அதிலுள்ள குறையும் நிறையும் உருவாக்கிய மனிதர்களையே சாரும்...

**கே. பாலா** · **கே. பாலா** Sun Oct 09, 2011 4:08 pm

ranhasan wrote:எப்பா மதச் சண்டையா கிளப்பிராதிங்க... எல்லாமே நம்மலா சொல்றதுதான், நாமலே மாத்திக்குறதுதான்... குரான், பைபிள், பகவத் கீதை எல்லாமே மனிதர்கள் உருவாக்குனதுதான்.. அதிலுள்ள குறையும் நிறையும் உருவாக்கிய மனிதர்களையே சாரும்...

முஹைதீன் · முஹைதீன் Sun Oct 09, 2011 4:09 pm

வெளிநாட்டில் வேலை செய்யும் ஆண்கள் மனைவியின் அனுமதி பெற்றே வருகிறார்கள்
அவர்கள் வெளிநாட்டில் வந்தும் உடல் ரீதியாக மட்டுமே பிரிந்து இருக்கிறார்களே தவிர மன ரீதியாக இல்லயே
தினமும் அவர்கள் பேசிக்கொண்டுதான் இருக்கிறார்கள் அப்படி இருக்கும்போது எப்படி பிரிவு என்றாகும்

kitcha · kitcha Sun Oct 09, 2011 4:11 pm

ranhasan wrote:எப்பா மதச் சண்டையா கிளப்பிராதிங்க... எல்லாமே நம்மலா சொல்றதுதான், நாமலே மாத்திக்குறதுதான்... குரான், பைபிள், பகவத் கீதை எல்லாமே மனிதர்கள் உருவாக்குனதுதான்.. அதிலுள்ள குறையும் நிறையும் உருவாக்கிய மனிதர்களையே சாரும்...

சரியாகச் சொன்னீங்க நண்பா, சியர்ஸ்

சரி, ஈகரையில் உங்களை அதிகம் காண முடிவதில்லை

kitcha · kitcha Sun Oct 09, 2011 4:13 pm

முஹைதீன் wrote:வெளிநாட்டில் வேலை செய்யும் ஆண்கள் மனைவியின் அனுமதி பெற்றே வருகிறார்கள்
அவர்கள் வெளிநாட்டில் வந்தும் உடல் ரீதியாக மட்டுமே பிரிந்து இருக்கிறார்களே தவிர மன ரீதியாக இல்லயே
தினமும் அவர்கள் பேசிக்கொண்டுதான் இருக்கிறார்கள் அப்படி இருக்கும்போது எப்படி பிரிவு என்றாகும்

அதில் சொல்லி இருப்பது என்ன,
உடல் ரீதியில் பிரிந்தாலும் விவாகரத்து செய்ய அனுமதி உண்டா இல்லையா.அது தான் என கேள்வி

ranhasan · ranhasan Sun Oct 09, 2011 4:14 pm

kitcha wrote:
ranhasan wrote:எப்பா மதச் சண்டையா கிளப்பிராதிங்க... எல்லாமே நம்மலா சொல்றதுதான், நாமலே மாத்திக்குறதுதான்... குரான், பைபிள், பகவத் கீதை எல்லாமே மனிதர்கள் உருவாக்குனதுதான்.. அதிலுள்ள குறையும் நிறையும் உருவாக்கிய மனிதர்களையே சாரும்...
சரியாகச் சொன்னீங்க நண்பா,
சரி, ஈகரையில் உங்களை அதிகம் காண முடிவதில்லை

அதிகமாகவா...? காணவே முடியவில்லை என்று கூறுங்கள்... ஈகரையில் நான் வரமுடியாததற்கு விரைவில் ஒரு பதிவிடுகிறேன்... தற்போது விடுமுறை நாட்களில் மட்டுமே என்னால் ஈகரை வர இயலும்... அழுகை

kitcha · kitcha Sun Oct 09, 2011 4:17 pm

ranhasan wrote:
அதிகமாகவா...? காணவே முடியவில்லை என்று கூறுங்கள்... ஈகரையில் நான் வரமுடியாததற்கு விரைவில் ஒரு பதிவிடுகிறேன்... தற்போது விடுமுறை நாட்களில் மட்டுமே என்னால் ஈகரை வர இயலும்...

அவ்வளவு பிசின்னு சொல்லுங்க,
விரைவில், உங்களுடைய பதிவை,
உங்கள் பாணியில் எதிர்பார்க்கிறோம்.

Sponsored content · Sponsored content

ஒருவனுக்கு ஒருத்தி ? சாத்தியமா ?

ஒருவனுக்கு ஒருத்தி ? சாத்தியமா ?

Re: ஒருவனுக்கு ஒருத்தி ? சாத்தியமா ?

Re: ஒருவனுக்கு ஒருத்தி ? சாத்தியமா ?

Re: ஒருவனுக்கு ஒருத்தி ? சாத்தியமா ?

Re: ஒருவனுக்கு ஒருத்தி ? சாத்தியமா ?

Re: ஒருவனுக்கு ஒருத்தி ? சாத்தியமா ?

Re: ஒருவனுக்கு ஒருத்தி ? சாத்தியமா ?

Re: ஒருவனுக்கு ஒருத்தி ? சாத்தியமா ?

Re: ஒருவனுக்கு ஒருத்தி ? சாத்தியமா ?

Re: ஒருவனுக்கு ஒருத்தி ? சாத்தியமா ?

Re: ஒருவனுக்கு ஒருத்தி ? சாத்தியமா ?

Re: ஒருவனுக்கு ஒருத்தி ? சாத்தியமா ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக