மழையில் அழுகிறேன்...அப்துல்லாஹ்

by அப்துல்லாஹ் Sat Oct 08, 2011 11:19 am

அன்பு எனும் மாயமந்திரம்
மனதுக்குள் நிகழ்ந்தபோது

என்காலடிகளைக் கூட
தரையில் பதிக்கத் தயங்கினேன்
என்னால் எறும்பு கூட
நசுங்கிவிடக் கூடாதே....
பாதங்களை பக்குவமாய்
உள்ளிழுத்து விட்டேன்

வார்த்தைகளை உச்சரிக்கையில்
அவை வலி கொண்டால்
ரணம் கொடுத்தால்...
வாய் வழி வார்த்தைகளுக்கு
வாசலை அடைத்தேன்...

காண்பவை கருத்தை
சேதப்படுத்துகின்றன..
அழுதழுது வற்றி
கண்ணீரின்றி வறண்டு
வலிக்கும் என் முகத்திரண்டு
கண்களின் காட்சியை
முடக்கி விட்டேன்

இறந்து போன நிகழ்வுகளின்
வேட்டைக் களமாக
மனம் மாறியதால்
இறந்து இறந்து
நான் இன்னலுடன்
வாழ்வதை தவிர்க்க
இதயத்தின் இதயத்தை
இல்லாமல் ஆக்கினேன்

காய்ந்து போன
சருகைப் போன்ற நான்
மாய்ந்து மாய்ந்து
மருகியும் உருகியும்
அன்பைச் செலுத்த
ஆசைப்பட்ட போது...

என்னில் எதுவும் இல்லாது
இங்கே உறவுகள் சூழ

நான் ஒரு சூனியம்...

by **ராஜா** Sat Oct 08, 2011 11:38 am

ஏன் அண்ணா இவ்வளவு சோகமான வரிகள்,

by **உமா** Sat Oct 08, 2011 11:41 am

அண்ணா வரிகளில் ஏன் இத்தனை வேதனைகள்...படிக்கவே வருத்தமா இருக்கு....

என்காலடிகளைக் கூட
தரையில் பதிக்கத் தயங்கினேன்
என்னால் எறும்பு கூட
நசுங்கிவிடக் கூடாதே....
பாதங்களை பக்குவமாய்
உள்ளிழுத்து விட்டேன்

இந்த வரிகள் மிகவும் பிடித்து இருக்கு,,,,சிறு எறும்புக்கு கூட நம்மால் காயம் ஏற்பட கூடாது என்று நினைக்கும் மனப்பான்மை
அனைவருக்குமே வந்துவிடாது அண்ணா.....

சூப்பருங்க

by அப்துல்லாஹ் Sat Oct 08, 2011 12:22 pm

ச்சும்மா ....

அன்பு சகோதரர் ராசா மற்றும் உமா உங்களின் ஆதரவான மறுமொழிக்கு என் மனம் நிறைந்த மகிழ்ச்சிகள்...

by **இளமாறன்** Sat Oct 08, 2011 12:25 pm

இறந்து போன நிகழ்வுகளின்
வேட்டைக் களமாக
மனம் மாறியதால்
இறந்து இறந்து
நான் இன்னலுடன்
வாழ்வதை தவிர்க்க
இதயத்தின் இதயத்தை
இல்லாமல் ஆக்கினேன்

காய்ந்து போன
சருகைப் போன்ற நான்
மாய்ந்து மாய்ந்து
மருகியும் உருகியும்
அன்பைச் செலுத்த
ஆசைப்பட்ட போது... சூப்பருங்க

சோகத்தின் வெளிப்பாடு சோகம்

by **ஹிஷாலீ** Sat Oct 08, 2011 12:29 pm

by **ஜாஹீதாபானு** Sat Oct 08, 2011 12:30 pm

அனைத்து வரிகளுமே அருமை அண்ணா சூப்பருங்க

கண்கள் கலங்கி விட்டது
உங்கள் கவிதைகள் படித்தாலே எனக்கு எப்போதோ நடந்த நிகழ்வை சொல்லுவது போல உள்ளது நன்றி அண்ணா

by **பிஜிராமன்** Sat Oct 08, 2011 12:30 pm

அருமையான கவிதை ஐயா..........உங்களின் கவிதைக்கு மறுமொழியாக கீழுள்ள கவிதையை எடுதுக் கொள்ளுங்கள்..தவறு இருப்பின் மன்னிக்கவும்.....

சூனியமான நீர்
உறவுகள் சூழவிருப்பதால்
கை முளைத்து கால் முளைத்து
இதயம் பெற்று அதில் பல
புதுமை பெற்று - இனி
நாட்கள் நலமாய் சுகமாய்
கழியும் என்பதில் ஐயமெனக்கில்லை..........

by அப்துல்லாஹ் Sat Oct 08, 2011 12:51 pm

பிஜிராமன் wrote:அருமையான கவிதை ஐயா..........உங்களின் கவிதைக்கு மறுமொழியாக கீழுள்ள கவிதையை எடுதுக் கொள்ளுங்கள்..தவறு இருப்பின் மன்னிக்கவும்.....

சூனியமான நீர்
உறவுகள் சூழவிருப்பதால்
கை முளைத்து கால் முளைத்து
இதயம் பெற்று அதில் பல
புதுமை பெற்று - இனி
நாட்கள் நலமாய் சுகமாய்
கழியும் என்பதில் ஐயமெனக்கில்லை..........

உறவும் துறவும் உலக இயற்கை
வசந்தமும் வாடையும் வரும் போகும்
சிறகடித்தலும் சிதைந்து போதலும்
பிறரைக் கொண்டதல்ல சுயம் அது
சுதந்திரமானது... சுகமானது...

அழகிய பின்னுட்டமிடும் உங்களின் மொழியழகு ரசிக்கும் படியானது ராமன் நன்றி..