அன்புள்ள கலைவாணிக்கு கல்வி எழுதுவது !

by **ayyamperumal** Sat 8 Oct 2011 - 12:28

First topic message reminder :

அன்புள்ள கலைவாணிக்கு கல்வி எழுதுவது !

துதிக்கிறேன் தேவி ! வருடத்தில் ஒருமுறைதான் உனக்கு
வசந்தத்தின் வரவேற்ப்பு கிடைக்கிறது. அந்த ஒரு தினத்தில் நீங்கள் எல்லா இடங்களுக்கும் சென்றுவர வேண்டும். இந்த அவசரத்திலேயே என்னை விட்டுவிட்டு இல்லை இல்லை என்னை தொலைத்துவிட்டு நீ மட்டும் சென்றுவிடுகிறாய். என்னை புறக்கணித்துவிட்டு ஓடுவது உனக்கும் புதிதல்ல. உன்னை இழந்துவிட்டு வாடுவது எனக்கும் புதிதல்ல.

ஆதியில் நீ என்னை குருகுலத்தில் விட்டாய்.அங்கே
சாமான்யர்களுக்கு அனுமதிஇல்லை. விசும்பின் விசாலமும் , உயரமும் வாய்க்கபெற்ற என்னை ; மந்திரமும் போர்த்தந்திரமும் என்கிற அளவில் சுருக்கினார்கள்.அங்கேயே வஞ்சம் தீர்க்கும் வழிமுறை பற்றி எனனுள் வலிந்து திணித்தார்கள்.இதை எல்லாம் கண்டுகொள்ளாமல் நீ மட்டும் ஆநிரை மேய்க்கும் சிறுவர் சிறுமிகளுடன் விளையாடுவாய்.

சில காலத்திற்கு பின்பு, என்னை திண்ணைகளில்
அமரவைத்துவிட்டு, நீ மட்டும் தெருவில் நின்றுவிடுவாய். இவ்வாறே ஒவ்வொரு குறிப்பிட்ட இடைவெளிக்கும் இடையில் நீ என்னை இடம் மாற்றி கொண்டிருந்தாய்.எனக்கான இலக்கணமும் மாறியது. கூடவே விலையும்.....

(கேடில் விழுச் செல்வம் ....) என்னைத்தான் சிறந்த செல்வம்
என்றான் செந்நாப்போதன்.
(குஞ்சி அழகும் ..) .நன்மை, தீமைகளை பகுத்து பார்க்கிற தெளிவை தருவதால் ( கல்வி ) நான் தான் ஒரு மனிதனின் உண்மையான அழகு என்றார் நாலடியார் .

பார்வையற்ற ஒருவனுக்கு கண்களை கொடுப்பதற்கு பதிலாய்,
(கல்வியை ) என்னை கொடுக்க வேண்டும் . என்மூலமே அந்த பார்வையற்றவர் உலகை காண வேண்டும் என்றான் விவேகானந்தன். ஒழுக்கம் , அறிவு விளக்கம் இந்த இரண்டும் தான் நான் என்றான் சர்வபள்ளி ராதாகிருஷ்ணன். ..

இவர்கள் யாரும் இன்று இல்லை. எனக்கான இலக்கணமும்
யாதென்று புரியவில்லை தேவி. இந்திய தண்டனை சட்டத்தையும் , கல்வி திட்டத்தையும் மெக்காலே என்கிற ஒருவனே, ஒரே நேரத்தில் எழுதினான். இதனால் தானோ என்னவோ கல்வி சாலைகள் கூட சிறைச்சாலைகளே என இலக்கணம் கூறுகிறார்கள்.

கற்றவர்கள் கொஞ்சம், பணம் பெற்றவர்கள் கொஞ்சம் , கற்பவர்கள்
கொஞ்சம் , கற்று கொடுப்பவர்கள் கொஞ்சம் என கொஞ்சம் கொஞ்சமாய் சிதைத்துவிட்டார்கள். சில காலங்களுக்கு முன்புவரை , கருப்புப்பணம் வைத்திருப்பவர்களும், சமுதாய சீர் கேட்டாளர்களும் கூட என் விசயத்தில் இரக்கம் காட்டுவார்கள். ஆனால் இன்று ..

ஆலயம் செய்வோம் ; கல்வி சாலைகள் செய்வோம் என்றான் பாரதி.
ஆலயத்திற்குள் நுழைந்து அட்டுழியம் செய்த அரசியல் வாதிகள் ,, இன்று என்னுள்ளும் நுழைந்து காசு பார்த்துவிட்டார்கள்.சாதாரண வார்டு உறுப்பினரில் இருந்து கேபினட் அமைச்சர்கள் வரை கல்வி நிலையம் நடத்தாத அரசியல் வாதிகளே இல்லை. முதலில் என்னை பணத்திற்காக விற்றார்கள். இன்று ....

அம்மையார் அவர்கள் ஒருபடி மேலே போய் , அரசியல் வாதிகள்
செய்கிற கால் புணர்ச்சி யாகத்தின் ஆகுதி பொருளாக என்னை மாற்றிவிட்டார்கள். அற ஒளியாகிய நான், என்னை சூழ்ந்துள்ள அரசியல் இருளையகற்றி நான் மிளிர்வது எப்போது ?

by **ayyamperumal** Sat 8 Oct 2011 - 20:24

இளமாறன் wrote:.

மாணவர்கள் புரிந்து படிக்கும் காலம் போய் பரீட்சையில் வாந்தி எடுப்பதே அதிகம் ஆக பள்ளிக்கூடம் நல்ல வியாபாரம் சூடு பிடிக்கிறது

எங்கே செல்லும் இந்த பாதை சில நாட்களுக்கு முன் வந்த செய்தி இ இ டி மாணவர்களின் தகுதி அறிவுதிறமை குறைந்து கொண்டே இருக்கிறது

நிகழ்கால செயல்பாடுகளின் சாரத்தை மிக சுருக்கமாக கூறிவிட்டீர்கள் இளா !

இடஒதுக்கீடு முறை தவறுதான் . ஆனால் அதை ஒழித்தால் எல்லாம் தீர்ந்துவிடுமா என்பது கொஞ்சம் ஆராய வேண்டிய விடயம். நன்றி ! உங்களின் உலகப்பார்வைக்கு நான் தலை வணங்குகிறேன்.

by நட்புடன் Sat 8 Oct 2011 - 21:04

ரேவதி wrote:
அய்யம் பெருமாள் .நா wrote:
அட உங்கள் மடல் அனைத்துமே நன்றாக இருக்கிறது.......இதில் என்ன சந்தேகம்

நன்றி ரேவதி !

நட்புடன் நீங்க இத கொஞ்சம் பாருங்க !
ஒரு நாளைக்கு ஒரு பொய்தான் அதையும் இப்ப சொல்லிட்டேன்

தேவையா? இது தேவையா?
நானாவது டீசென்ட்டா சொல்லி இருப்பேன்
பெண்களை நம்பாதே கண்களே பெண்களை நம்பாதே...

by நட்புடன் Sat 8 Oct 2011 - 21:08

கல்வியும் சரஸ்வதியும் இதப் பத்தியெல்லாம் பயப் படல...
போயும் போயும் இந்தப் பெருமாளுக்கு எழுதப் படிக்க நாம துணை போய்ட்டோமே,
இப்ப நம்ம கதைய கிழிச்சு கந்தலாக்க நாம செஞ்சதே வினை ஆயிடுச்சேன்னு தான்...

by **ayyamperumal** Sat 8 Oct 2011 - 21:10

நட்புடன் wrote:
ரேவதி wrote:
ஒரு நாளைக்கு ஒரு பொய்தான் அதையும் இப்ப சொல்லிட்டேன்

தேவையா? இது தேவையா?
நானாவது டீசென்ட்டா சொல்லி இருப்பேன்
பெண்களை நம்பாதே கண்களே பெண்களை நம்பாதே...

சகஜம் சகஜம் ! மானம் ரோஷம் சூடு இதெல்லாம் இருக்கு ஆனால் நான் அதை வெற்றி கொண்டுவிட்டேன்.

by **ayyamperumal** Sat 8 Oct 2011 - 21:12

நட்புடன் wrote:கல்வியும் சரஸ்வதியும் இதப் பத்தியெல்லாம் பயப் படல...
போயும் போயும் இந்தப் பெருமாளுக்கு எழுதப் படிக்க நாம துணை போய்ட்டோமே,
இப்ப நம்ம கதைய கிழிச்சு கந்தலாக்க நாம செஞ்சதே வினை ஆயிடுச்சேன்னு தான்...

எனக்கு எழுத படிக்க தெரியாது பாஸ். எழுதியதை படிப்பேன் அவ்வளவுதான் !

by **இளமாறன்** Sat 8 Oct 2011 - 21:16

அய்யம் பெருமாள் .நா wrote:
இளமாறன் wrote:.

மாணவர்கள் புரிந்து படிக்கும் காலம் போய் பரீட்சையில் வாந்தி எடுப்பதே அதிகம் ஆக பள்ளிக்கூடம் நல்ல வியாபாரம் சூடு பிடிக்கிறது

எங்கே செல்லும் இந்த பாதை சில நாட்களுக்கு முன் வந்த செய்தி இ இ டி மாணவர்களின் தகுதி அறிவுதிறமை குறைந்து கொண்டே இருக்கிறது

நிகழ்கால செயல்பாடுகளின் சாரத்தை மிக சுருக்கமாக கூறிவிட்டீர்கள் இளா !

இடஒதுக்கீடு முறை தவறுதான் . ஆனால் அதை ஒழித்தால் எல்லாம் தீர்ந்துவிடுமா என்பது கொஞ்சம் ஆராய வேண்டிய விடயம். நன்றி ! உங்களின் உலகப்பார்வைக்கு நான் தலை வணங்குகிறேன்.

இட ஒதுக்கீடு தவறில்லை என்று சொல்கிறீர்களா

95 மார்க் விட 45 மார்க் வாங்கினவர்கள் அறிவாளி ஆகி விடுகிறார்கள் என்ன கொடுமை சார் இது

by **ayyamperumal** Sat 8 Oct 2011 - 21:22

இளமாறன் wrote:இட ஒதுக்கீடு தவறில்லை என்று சொல்கிறீர்களா

95 மார்க் விட 45 மார்க் வாங்கினவர்கள் அறிவாளி ஆகி விடுகிறார்கள்

இந்தியா இன்னும் உருப்படாததற்க்கு காரணம் இட ஒதுக்கீடுதான் இளா !
இடஒதுக்கீடு முறையை அகற்றுவதால் கல்வி வியாபாரமாவதை தடுக்க முடியுமா ? என்பதுதான் என் கவலை . நன்றி இளா !

by நட்புடன் Sat 8 Oct 2011 - 21:29

இட ஒதிக்கீடு இருக்கலாம் - அது பொருளாதார அடிப்படையில் இருப்பது நன்று...

by **இளமாறன்** Sat 8 Oct 2011 - 23:02

நட்புடன் wrote:இட ஒதிக்கீடு இருக்கலாம் - அது பொருளாதார அடிப்படையில் இருப்பது நன்று...

கொஞ்சம் விலக்குங்கள் நட்புடன்

மெடிக்கல் காலேஜ் சீட் எப்படி கொடுக்கலாம் .. ஒரு கிளாஸ் எப்படி பட் மாணவரகளை சேர்க்கலாம் அதன் விரிவுரையாளர்கள் எப்படி சொல்லி கொடுக்க கஷ்டபடுவார்கள்

1ஒரு மாணவர் 97 cut off நோ என்ட்ரி டோ மெடிக்கல் காலேஜ்
ஒரு மாணவன் 68 கட் ஆஃப்
ஒரு மாணவன் 50 கட் ஆஃப்
ஒரு மாணவன் 38 கட் ஆஃப்

இந்த நான்கு நிலை மாணவர்களும் ஒரே கல்லூரியில் படித்தால் எப்படி இருக்கும் சோகம்

விரிவுரையாளர் என்ன பாடுபடுவார்

by நட்புடன் Sat 8 Oct 2011 - 23:07

அதனால் தான் சொன்னேன் பொருளாதார ஒதுக்கீடு இருக்கலாம் என
கட் ஆப் அனைவருக்கும் பொதுவாக இருத்தல் வேண்டும்
சேர்க்கப் படும் மாணவருக்கு தேவைப் படின்
பொருளாதார உதவி அளிக்கலாம்...