பாரம்

ப.மதியழகன் · ப.மதியழகன் Fri 7 Oct 2011 - 10:33

எனது கவலைகளை
நொடியில் களைந்து போடும்
ரட்சகன் எங்கே இருக்கிறான்
காசியில் தேடலாமா அவனை
காண்கின்ற இடமெல்லாம்
எரிகின்ற சிதைகளுக்கு
மத்தியில் நான் எப்படி
அறிந்து கொள்வது அவனை
ஆலயங்களில் தேடலாமா அவனை
உண்டியலில் காணிக்கையும்
தரிசனத்துக்கு காசும் கேட்கும்
கோவில்களிலா தேடிப்பிடிப்பது அவனை
திருவண்ணாமலையில்
திருவோடு ஏந்துகின்றானோ
இல்லாவிட்டால்
இங்கிருக்கும் நிலை பார்த்து
மயான வாசம் கொண்டுவிட்டானோ
வேறு எவ்வழியில் கண்டுணர்வது என்னவனை
ஆதி அந்தமில்லாத ஜோதியை தரிசிக்க
கைலாச யாத்திரை சென்றுவிட்டானோ
இமயமலை பனிக் குகைகளில்
தஞ்சம் அடைந்துவிட்டானோ
எனது சரணாகதியை ஏற்றுக்கொள்ளக்கூடாது
என கங்கணம் கட்டிக்கொண்டானோ
எனதன்பை எவ்வழியில் தெரியப்படுத்தி
வரவழைப்பது அவனை
மாந்தர்களிடம் பணப்பேய் பிடித்து
ஆட்டுவது கண்டு
காடுகளில் புகுந்து கொண்டானோ
வனவிலங்குகளிடம் ஏற்பட்ட சமரில்
கபாலம் சிதைந்து
காபாலிகர் ஆகிவிட்டானோ
வேறு எங்கே தேடுவேன் என்னவனை
வேறு எப்படி மீளுவேன்
இம்மாய வலைகளிலிருந்து...

**rameshnaga** · **rameshnaga** Fri 7 Oct 2011 - 11:17

நன்றாய் இருக்கிறது! மதியழகன்.

இந்த பதிவைத் துவங்கியவர் நன்றி கூறியுள்ளார் rameshnaga

சதாசிவம் · சதாசிவம் Fri 7 Oct 2011 - 12:40

நல்ல சிந்தனை , நல்ல கவிதை

இருக்கும் இடம் விட்டு இல்லாத
இடம் தேடி இளைப்பதால் இன்னல் தானே - அனைவரின்
இதயத்தில் இருக்கும் இருப்பறிந்து பிறருக்கு இட்டும் ,
இன்னுரை இயம்பியும் நீ இருந்தால், உன் இடமறிந்து
இறைவன் இறங்கி வருவான் - நின் இன்னலை இடற்வான்
இம்மை மறுமைக்கும் இனிமை இயல்வான்.

**இளமாறன்** · **இளமாறன்** Fri 7 Oct 2011 - 12:52

நல்ல தேடல் அருமை மகிழ்ச்சி

aathma · aathma Fri 7 Oct 2011 - 13:02

ஆஹா ! அருமை அருமையிருக்கு

பூஜிதா · பூஜிதா Fri 7 Oct 2011 - 13:06

நட்புடன் · நட்புடன் Fri 7 Oct 2011 - 14:12

பாரம் அபாரம் மதி...

மாயங்களை தேடினால் மிஞ்சுவது மோகம்
தர்மங்களை தேடினால் மிஞ்சுவது சோகம்
ஞாயங்களை தேடினால் மிஞ்சுவது ஏமாற்றம்
நிஜங்களை தேடினால் தொலைவது தேடுபவனே
தேடுவதைத் தேடவா? தேடுபவனைத் தேடவா? சொல்லி விடு மதி....

Sponsored content · Sponsored content

பாரம்

பாரம்

Re: பாரம்

Re: பாரம்

Re: பாரம்

Re: பாரம்

Re: பாரம்

Re: பாரம்

Re: பாரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக