நான் தொலைத்த நிலவு.

by **rameshnaga** Fri Oct 07, 2011 12:08 am

வழக்கம்போலவே...
இன்று இரவிலும்
எனது வானத்திலிருந்து கொட்டியது
அத்தனை நக்ஷத்திரங்களும்
கனவின் மடியில்.
எந்த நக்ஷத்திரத்தையும்
தொலைத்துவிடாது....
ஒவ்வொன்றையும் கோர்த்து
அவை காட்டும்...
என்னை செய்து கொண்டிருந்தேன்..
ஒவ்வொரு நக்ஷத்திரத்திலும்
எனது ஆசையில் கொஞ்சமும்....
அங்கத்தில் கொஞ்சமும் இருந்தது.
கோர்த்து முடித்த பின்னும் நான்
கொஞ்சம் மூளியாகவே இருந்தேன்.
தேடிப் பார்க்கையில் தெரிந்தது....
நான் தொலைத்திருந்த நிலவு.

by சதாசிவம் Fri Oct 07, 2011 5:33 am

நல்ல வரிகள் தோழரே ,
வாழ்க்கையில் பணம், வீடு, அந்தஸ்து என்ற சிறு சிறு நட்சத்திரங்களை தேடி நம் கண்ணுக்கு சுலபமாக எட்டும் பெரிதாத தெரியாத அன்பு, மனிதாபிமானம் ஆகிய நிலவுகளை தொலைத்து விட்டு நட்சத்திரங்களை மட்டுமே தேடிக் கொண்டிருக்கிறோம்.
அருமையிருக்கு