ஒரு ஓரத்தில் தானே... அப்துல்லாஹ்

by அப்துல்லாஹ் Thu Oct 06, 2011 12:48 pm

First topic message reminder :

ஒரு ஓரத்தில் தானே... அப்துல்லாஹ் - Page 3 Pambaram

எல்லாவிதமான
என் இளவயதின்
ஒடுங்கிய நினைவுகளும்
பொருட்களாக சாட்சிகளாக
உண்மையாக,
என் உடைமையாக
என்னிடமே உள்ளன

அவை
விளையாட்டுப் பொருட்களாக
காட்சிப் படங்களாக
என் வாசிப்பில் கற்பிழந்த
புத்தகங்களாக
நான் பயன்படுத்தி
கிழித்த, கழிந்த
உடுப்புகளாக
காலத்தைப் போர்த்திய
நினைவுகளாகவும் ...

ஆயினும்
என் கையில் இருக்கும்
உச்சியில் சில்லு தெறித்த
இந்தப் பம்பரம் எனக்கு உயிரானதுன்னு
உம்மா சொல்லுவாள்
யாருக்கும் தர மாட்டேனாம்

உம்மா
என்னால் எவ்வளவு காலம்
ரணப் படுத்தப்பட்டவள்
அவள் அந்த பம்பரத்தை மட்டும்
யாரையும் தொட விட மாட்டாள்

நான் அந்தப் பம்பரத்தை
அதிகம் நேசித்தேன்
வகுப்பறையில்
மாமா வீட்டில்
படுக்கையில்
பஸ்சில் ஏறி உம்மாவுடன்
தென்காசிக்கு பயணிக்கையில்
பள்ளிவாசலில்
தினமும் குளிக்க செல்லும்
குளத்தின் படித்துறையில்
என எல்லா இடத்திலும்...

என்னுடையதில் என்னுடையதாக
அரைக்கால்சட்டையின் பையில்
எப்போதும் கூடவே இருந்த
அந்தப் பம்பரத்தை...

இத்தனை ஆண்டுகளாக
இருந்ததே தெரியாமல்
மறந்தே போனேன்
என்னை விட்டுப் பிரிந்த
என் அன்புத் தாயைப்போல
அவளது வாஞ்சையின்
வாடாத மணத்தைப் போல்

ஆனாலும் என் கூடவே
இருக்கிறது
இருக்கட்டுமே...

ஒரு ஓரத்தில் தானே

by பாலாஜி Fri Oct 07, 2011 4:25 pm

நல்ல அருமையான கவிதை ..

நானும் என்னுடைய கிராமத்தில் விளையாடியிருக்கின்றேன் .. விளையாட்டில் தோற்றால் ஜெயித்தவர்கள் , தோற்றவர்களின் பம்பரத்தை பம்பரத்தின் அணியால் குத்துவார்கள்.

மீண்டும் நன்றி .. அழகிய கவிதைக்கு ..

நீண்ட நாட்களுக்கு பிறகு இங்கு உங்களை சந்த்திப்பதில் மகிழ்ச்சி .. நலமாக உள்ளீரா ... ?