ஒரு ஓரத்தில் தானே... அப்துல்லாஹ்

by அப்துல்லாஹ் Thu Oct 06, 2011 12:48 pm

First topic message reminder :

ஒரு ஓரத்தில் தானே... அப்துல்லாஹ் - Page 2 Pambaram

எல்லாவிதமான
என் இளவயதின்
ஒடுங்கிய நினைவுகளும்
பொருட்களாக சாட்சிகளாக
உண்மையாக,
என் உடைமையாக
என்னிடமே உள்ளன

அவை
விளையாட்டுப் பொருட்களாக
காட்சிப் படங்களாக
என் வாசிப்பில் கற்பிழந்த
புத்தகங்களாக
நான் பயன்படுத்தி
கிழித்த, கழிந்த
உடுப்புகளாக
காலத்தைப் போர்த்திய
நினைவுகளாகவும் ...

ஆயினும்
என் கையில் இருக்கும்
உச்சியில் சில்லு தெறித்த
இந்தப் பம்பரம் எனக்கு உயிரானதுன்னு
உம்மா சொல்லுவாள்
யாருக்கும் தர மாட்டேனாம்

உம்மா
என்னால் எவ்வளவு காலம்
ரணப் படுத்தப்பட்டவள்
அவள் அந்த பம்பரத்தை மட்டும்
யாரையும் தொட விட மாட்டாள்

நான் அந்தப் பம்பரத்தை
அதிகம் நேசித்தேன்
வகுப்பறையில்
மாமா வீட்டில்
படுக்கையில்
பஸ்சில் ஏறி உம்மாவுடன்
தென்காசிக்கு பயணிக்கையில்
பள்ளிவாசலில்
தினமும் குளிக்க செல்லும்
குளத்தின் படித்துறையில்
என எல்லா இடத்திலும்...

என்னுடையதில் என்னுடையதாக
அரைக்கால்சட்டையின் பையில்
எப்போதும் கூடவே இருந்த
அந்தப் பம்பரத்தை...

இத்தனை ஆண்டுகளாக
இருந்ததே தெரியாமல்
மறந்தே போனேன்
என்னை விட்டுப் பிரிந்த
என் அன்புத் தாயைப்போல
அவளது வாஞ்சையின்
வாடாத மணத்தைப் போல்

ஆனாலும் என் கூடவே
இருக்கிறது
இருக்கட்டுமே...

ஒரு ஓரத்தில் தானே

by அப்துல்லாஹ் Thu Oct 06, 2011 3:16 pm

மகா பிரபு wrote:என் பழைய நினைவுகளையும புரட்டி பார்க்க வைக்கிறது தங்கள் கவிதை.

அன்பும் நன்றியும் மகா பிரபு ...
தங்களின் மதிப்புள்ள மறுமொழிக்கு...

by **அருண்** Thu Oct 06, 2011 6:19 pm

நினைவுகள் என்றும் சுகமானது நினைத்து பார்க்கும் அந்த தருணம் வாழ்வில் கிடைக்காத ஒன்று..! அருமை சார்..!
நினைவலைகள் என்றும் ஓய்வதில்லை..! மகிழ்ச்சி

by **இளமாறன்** Thu Oct 06, 2011 9:26 pm

உங்களால் நானும் இப்போ என்னோட பம்பரம் தேடுறேன் சோகம்

இத்தனை ஆண்டுகளாக
இருந்ததே தெரியாமல்
மறந்தே போனேன்
என்னை விட்டுப் பிரிந்த
என் அன்புத் தாயைப்போல
அவளது வஞ்சையின்
வாடாத மணத்தைப் போல் மகிழ்ச்சி

by **Aathira** Thu Oct 06, 2011 9:31 pm

அப்துல்லாஹ் wrote:
Aathira wrote:எவ்வளவு அழகான மலரும் நினைவுகள். மயிலிறகால் வ்ருடிக் கொடுப்பது போல... இதமாக... மென்மையான உணர்வை இழையோட விட்ட கவிதையைப் பகிர்ந்தமைக்கு நன்றி அப்துல்லாஹ்.

முன்று தமிழ் தவிர
என் மனம் உற்ற தமிழ் ஒன்று உண்டு அது உங்களின்....

தமிழை நேசிப்பவர்கள் மத்தியில்
தமிழே நேசிக்கும் மானுடப் பிறவிகளில் நிங்களும் ஒருவர்..

சூரியச் சுடரோளியைக் காண்பது போல
சுந்தர வதனமுடை மதிமுகம் காண்பதொப்ப
அவை அறியாமல்
அவற்றை அயர்ந்து நோக்குவது போல்
அம்மையே தங்களின் அனைத்து படைப்புகளும்
வாசித்து அவற்றின் வசமானவன் நான்...

உங்களின் மறுமொழிக்கு என் மனம் மலர்கிறது...
மகிழ்ச்சி சகோதரி...

பின்னூட்டத்திலும் மென்மையாக மயங்க வைத்துள்ளீர்கள் அப்துல்லாஹ். இந்த புகழுரைக்கு நான் தகுதியானவள் அல்ல என்பதை நான் நன்கறிவேன். அதனால் தகுதி ஆக்கிக்கொள்ளும் கடமையைத் தாங்கள் உணர்த்தியுள்ளதாகக் கொள்கிறேன் அப்துல்லாஹ். தங்கள் அன்புக்கு நெகிழ்ச்சியுடன் நன்றி. அன்பு மலர்

by அப்துல்லாஹ் Fri Oct 07, 2011 2:01 pm

அருண், இளா மிக்க நன்றி உங்களின் அருமையான மறுமொழிக்கு... இளைமைக்காலங்கள் அவற்றின் பசுமையான நினைவுகள் நம்முடனே நமது நிழல் போல என்றும் எப்போதும் கூடவே அலைந்து நம்மை தனிமையிலிருந்து சில நேரம் காக்கும்...
அவை உறவுகளே உங்களின் அன்பைப்போலவே...

by **ஜாஹீதாபானு** Fri Oct 07, 2011 2:04 pm

அருமை அண்ணா கவிதை சூப்பருங்க

எனக்கு எங்கள் ஊரின் நினைவு வந்துவிட்டது உங்கள் கவிதையை வாசித்ததும் ................

by பூஜிதா Fri Oct 07, 2011 2:08 pm

by ரேவதி Fri Oct 07, 2011 2:10 pm

அழகான நினைவுகள் அருமையிருக்கு

by **உமா** Fri Oct 07, 2011 2:26 pm

அழகிய நினைவுகளை இங்கே பதிவிட்டாதற்க்கு நன்றி அப்துல்லாஹ் அண்ணா...அருமை வரிகள்...
வெகுநாட்க்கல் கழித்து தங்களை இங்கே சந்திப்பதில் மகிழ்ச்சி...நலமா அண்ணா.....

by அப்துல்லாஹ் Fri Oct 07, 2011 3:41 pm

அன்பு சகோதரிகள் ஜாஹிதா பூஜிதா ரேவதி மற்றும் உமா உங்களின் அன்பான பின்னுட்டத்திற்கும் கனிவான விசாரிப்புக்கும் என்றும் என் மனம் நிறைந்த மகிழ்ச்சியும் அன்பும் உங்களிடம் பகிர்ந்து கொள்ள....