முள்வேலி

ப.மதியழகன் · ப.மதியழகன் Thu Oct 06, 2011 11:52 am

கயிறுகள் இறுக்கப்பட்டிருந்தன
கைகளில் மட்டிலுமல்ல
கழுத்திலும் கூட
எம் கண் முன்னே
முள்ளிவாய்க்கால் பயங்கரம்
நிகழ்ந்தும்
ஊமையாய், குருடனாய், செவிடனாய்
வீதியில் நடமாடி வருகிறோம்
நடைபிணமாய், நாய்களைப் போல்
குரைத்துக் கொண்டிருந்தோம்
ஏதோவொரு துன்பியல் சம்பவம்
நடக்கப்போவதை கண்டுணர்ந்து
யுத்த வரைமுறைகள் மீறப்பட்டதால்
லட்சம் பேரை பறிகொடுத்து
நிற்கிறோம்
இந்நிகழ்வினால் சற்றேனும்
குற்றவுணர்வு இல்லை அவர்களுக்கு
காலத்தின் கைகளில்
எம்மை ஒப்படைத்து
கண்ணுறங்குகிறோம்
ஒன்றாக அனைவரும் முள்வேலிக்குள்
ஒவ்வொரு விடியலையும் வெறுத்தொதுக்கியபடியே
மரண தூதுவர்களை ஆரத்தழுவியபடியே
உறக்கம் கொடுக்கும் விடுதலையை
அள்ளிப் பருகியபடியே...

**rameshnaga** · **rameshnaga** Thu Oct 06, 2011 1:20 pm

நன்றாய் இருக்கிறது! பாராட்டுக்கள்! மதியழகன்,,

kitcha · kitcha Thu Oct 06, 2011 2:44 pm

எங்களுக்கும் அந்த முள்ளிவாய்க்கால் சம்பவத்தை நினைக்கும் போது மனம் கனக்கத் தான் செய்கிறது.
நாங்களும் எதிர்பார்த்து இருக்கிறோம் அம்மக்களின் விடியலை நோக்கி