டிங்கிக் காய்ச்சல்: சதித் திட்டம் ஏதும் உள்ளதா?

Guest · Guest Sat Dec 20, 2008 9:01 am

மலேசியாஇன்று

* இவ்வாண்டு 45ஆயிரத்துக்கும் மேற்பட்டவர்கள் பாதிக்கப்பட்டனர்
* பரவி வரும் சிக்குன்குனியா நோய் அச்சமூட்டுகிறது

இந்நாட்டில் 100பேரின் உயிர்களை பலி கொண்ட டிங்கி காய்ச்சல் பிரச்னையை சாதாரணமாக எடை போடுவதற்காக அரசாங்கம் இன்று கடுமையாகச் சாடப்பட்டது. 45ஆயிரத்துக்கும் மேற்பட்டோர் இந்நோயினால் பீடிக்கப்பட்டுள்ளனர்.

முன்னெப்போதும் இல்லாத அளவில், நாட்டில் தற்போது பரவி வரும் டிங்கிக் காய்ச்சல் மிகக் கடுமையானதென்று ஜனநாயக செயல் கட்சியின் மூத்த அரசியல்வாதி லிம் கிட் சியாங் வர்ணித்துள்ளார். இந்த விவகாரத்தில் மௌனம் சாதிக்கும் சதித் திட்டத்தில், அரசாங்கம் குறிப்பாக சுகாதார அமைச்சு ஈடுபட்டுள்ளதாயும் அவர் குற்றஞ்சாட்டியுள்ளார்.

“இறந்தவர்கள் அனைவரும் மலேசியர்கள் என கருதப்படுவதால், இது எனக்கு அதிர்ச்சி அளிக்கிறது. இவ்வாண்டின் முதல் 50 வாரங்களில் 100 பேர் பலியாகியுள்ளனர்.”

அதோடு இந்நிலைமை குறித்து, ஊடகங்களும் எந்த தகவலையும் வெளியிடாதது வருத்தமளிக்கிறது என்றாரவர்.

நேற்று சுகாதார அமைச்சின் நோய்க் கட்டுப்பாட்டுப் பிரிவின் இயக்குநர் டாக்டர் ஹசான் அப்துல் ரஹ்மான், ஆகக் கடைசியான டிங்கி நிலவரம் குறித்த புள்ளி விவரங்களை வெளியிட்டார்.

கடந்த வாரம், மேலும் இருவர், இந்நோயிக்குப் பலியாகியதை தொடர்ந்து, நாட்டில் 100 டிங்கி மரணங்கள் சம்பவித்தன என்றார் அவர்.

மேலும் டிங்கி நோயினால் பீடிக்கப்பட்டவர்களின் எண்ணிக்கை, 45,000 ஐ தாண்டியுள்ளதாயும் அவர் தகவல் வெளியிட்டார்.

இவ்வாண்டு முடிவடைவதற்கு முன்னரே, கடந்தாண்டின் 40,000 இலக்கை, இந்த புதிய எண்ணிக்கை தாண்டியுள்ளது மற்றொரு அதிர்ச்சியாகும் என்றும் லிம் குறிப்பிட்டார்.

Guest · Guest Sat Dec 20, 2008 9:01 am

சிக்குன்குனியா நோய்……..

டிங்கி நிலைமையை சாதாரணமாக கருத வேண்டியதற்கான காரணத்தை சுகாதார அமைச்சர் லியவ் தியோங் லாய் விளக்க வேண்டும் என்றும் அவர் கேட்டுக் கொண்டார்.

“தவிர்க்கப்படக்கூடிய மரணங்களை குறைத்து, தேவையற்ற சிரமங்களைத் தணிப்பதற்கு நாடாளாவிய டிங்கி ஒழிப்பு இயக்கத்தை அமைச்சர் மேற்கொண்டிருக்க வேண்டும்.”

மேலும் நாட்டில் பரவி வரும் டிங்கி நோய் குறித்த விவரங்களையும் புள்ளி விவரங்களையும் அமைச்சர் உடனடியாக வெளியிட வேண்டும் என்றாரவர்.

தேசிய மற்றும் மாநில அளவில், டிங்கி நோயினால் பீடிக்கப்பட்டவர்கள் மற்றும் மரண விகிதங்கள் குறித்த வாராந்த புள்ளி விவரங்களும் வெளியிடப்பட வேண்டும் என அவர் யோசனை தெரிவித்துள்ளார்.

இதனிடையே, இந்நாட்டில் முதல்முறையாக ஒருவர், சிக்குன்குனியா நோய்க்குப் பலியாகியுள்ளது குறித்தும் அந்த மூத்த அரசியல்வாதி அதிர்ச்சி தெரிவித்துள்ளார்.

“இது கேட்டறியாத ஒரு சம்பவம்,” என்றார்.

முதல் முறையாக நாட்டில், பரவத் தொடங்கியுள்ள இந்த நோய் குறித்து பொது மக்களுக்கு தகவல்களை வழங்குவதற்கு, லியவ், அமைச்சர் நிலையிலான தலைமைத்துவத்தை வழங்கவில்லை என்றும் அவர் குறிப்பிட்டார்.

நாட்டில் உயரிய பொதுச் சுகாதார தரத்தை கடைப்பிடிக்க வேண்டியதன் அவசியத்தை அமைச்சர் வலியுறுத்த வேண்டும் என்றாரவர்.

டிங்கிக் காய்ச்சல்: சதித் திட்டம் ஏதும் உள்ளதா?

டிங்கிக் காய்ச்சல்: சதித் திட்டம் ஏதும் உள்ளதா?

Re: டிங்கிக் காய்ச்சல்: சதித் திட்டம் ஏதும் உள்ளதா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக