அகிம்ஸா தினம்.

**T.N.Balasubramanian** · **T.N.Balasubramanian** Wed Oct 05, 2011 9:24 pm

(சமிபத்தில் ,அக்டோபர் 2 தேதி மகாத்மா காந்தி பிறந்த தினம் அஹிம்சா தினமாக கொண்டாடினர் ஒரு குழுவினர். தேசத் தந்தை , அஹிம்சா தினம் ஆர்வத்தால் நிகழ்ச்சிகளை கண்டு ரசிக்க சென்றிருந்தேன். பேச்சாளர் ஒரு ஸ்திரீ.நன்றாக பேசினார்.சாராம்சம் என்னவோ, யாரையும் இம்சிக்கக் கூடாது. ஆனால் நடைமுறையில் நான் கண்டது. கவிதை உருவில்,)
============================================

அக்டோபர் இரண்டு ,
அஹிம்சா தினம்
அனுஷ்டிக்க,
ஆங்கே வந்தார் ஓர் அணங்கு.
பட்டு புடவை சலசலக்க,
முத்து அட்டிகை கழுத்திலே,பளபளக்க,
கான்பூர் சப்பலும் கால்களை தாங்க,
உயிர் வதை கூடாது என
ஊருக்கு உபதேசம் செய்தவர்
உணர மறந்தது ஒன்று .

பட்டுப்புழு அரை லக்ஷம் மடிய,
பட்டுப் புடவை ஒன்று உருவாகும்.
முத்து சிப்பிகள் முன்னூறு அழித்தால்,
முத்துக்கள் சில கிடைக்கும்.
ஆடும் மாடும் வயதானால்,
போடும் செருப்பின் தோலாகும்.

உயிர்வதை கூடாதுதான்,
உரத்தே கூறினாலும்,
உணர்வதே இல்லை,
உடலில் உறவாடும்,
உடுப்பும் உயரிய பொருளும்,
உயிர்வதைபட்ட உயிர்கள் என்று

ரமணியன். .

**பிஜிராமன்** · **பிஜிராமன்** Wed Oct 05, 2011 9:36 pm

உயிர்வதை கூடாதுதான்,
உரத்தே கூறினாலும்,
உணர்வதே இல்லை,
உடலில் உறவாடும்,
உடுப்பும் உயரிய பொருளும்,
உயிர்வதைபட்ட உயிர்கள் என்று

அருமையான கவிதை பகிர்விற்கு மிக்க நன்றிகள் ஐயா......

இந்த பதிவைத் துவங்கியவர் நன்றி கூறியுள்ளார் பிஜிராமன்

kitcha · kitcha Thu Oct 06, 2011 9:25 am

அழகிய கவிதை சூப்பருங்க

**Aathira** · **Aathira** Thu Oct 06, 2011 10:56 am

செறுப்பு சொல்ல முடியவில்லை. நான் பட்டு கட்டுவதைத் தவிர்த்துள்ளேன். பட்டுப் புடவை வாங்குவது இல்லை ரமணியன் ஐயா.
அழகிய கவிதை. சிந்தனைக்குத் தீனி... சிந்தித்து ஆனால் சாப்பிட்டால் தானே. அகிம்ஸா தினம். 678642

**T.N.Balasubramanian** · **T.N.Balasubramanian** Fri Oct 07, 2011 7:40 am

மிக்க நன்றி, பிஜி ராமன் .
ரமணியன்.

**T.N.Balasubramanian** · **T.N.Balasubramanian** Fri Oct 07, 2011 7:45 am

kitcha wrote:அழகிய கவிதை

மிக்க நன்றி, kitcha .
ரமணியன்.

**T.N.Balasubramanian** · **T.N.Balasubramanian** Fri Oct 07, 2011 7:58 am

Aathira wrote:செறுப்பு சொல்ல முடியவில்லை. நான் பட்டு கட்டுவதைத் தவிர்த்துள்ளேன். பட்டுப் புடவை வாங்குவது இல்லை ரமணியன் ஐயா.
அழகிய கவிதை. சிந்தனைக்குத் தீனி... சிந்தித்து ஆனால் சாப்பிட்டால் தானே.

நன்றி.
பட்டாடைகளை நான் வெறுப்பதற்கு முக்கியமான காரணம் உயிர்வதை மட்டும் அல்ல.
நம் தென்னக தட்ப வெப்ப நிலைக்கு பட்டு உடுத்தல் ஒரு கொடும் தண்டனை. அதை உடுத்தி பெண்கள் கல்யாண வீட்டிலும், கோயில்களிலும், கச்சேரி சபாவிலும் படும் கஷ்டங்கள், அதை சலவை செய்ய படும் அவதிகள் பல.இதில் இன்னும் சிலர் 9 கஜம் புடவை கட்டிக்கொண்டும் , மேட்சிங்க் பட்டு ஜாக்கெட் , வியர்வை தொல்லைகள். நமக்கு தேவை பருத்தி ஆடைகளே. பட்டின் விலையும் அதிகம்.
செருப்பு ,உயிர் வதை ஆனாலும் சுகாதாரதிர்க்கு அவசியம்.
ரமணியன்.

Sponsored content · Sponsored content

அகிம்ஸா தினம்.

அகிம்ஸா தினம்.

Re: அகிம்ஸா தினம்.

Re: அகிம்ஸா தினம்.

Re: அகிம்ஸா தினம்.

Re: அகிம்ஸா தினம்.

Re: அகிம்ஸா தினம்.

Re: அகிம்ஸா தினம்.

Re: அகிம்ஸா தினம்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக