பால் பால் ....

அனைத்து பருவத்தினருக்கும் ஏற்ற முழுமையான திரவ உணவு பால். வைட்டமின் ‘சி’ மற்றும் இரும்புச் சத்தை அளவாகக் கொண்டது. ‘லேக்டோஸ்’ எனும் சீரம் மற்றும் பல தாது உப்புகளைக் கொண்டது. புரோட்டின், கொழுப்புச்சத்து, கால்சியம், பாஸ்பேட் போன்ற சத்துகள் அடங்கியிருப்பதால் உடலுக்கு உரமும், திசுக்களுக்கு வலிமையையும் அளிக்கின்றன.

பாலில் இருக்கும் லேக்டிக் ஆசிட் மற்றும் ஆல்ஃபாஹைடிராக்ஸி ஆஸிட் சருமத்திலுள்ள பழைய செல்களைப் புதுப்பித்து புத்துணர்வும், இளமையும் பொலிவும் தருகின்றன.

பாலில் சிறப்பாக பொட்டாசியம், சோடியம், மக்னீசியம், கால்சியம், பாஸ்பரஸ், இரும்பு, கந்தக உப்பு, குளோரின், செலிகா, அயோடின், ஹைட்ரஜன், ஆக்ஸிஜன், புளோரின் போன்ற தாது உப்புக்கள் நிறைய அடங்கியுள்ளன. உடல் ஆரோக்கியத்துக்குப் பேருதவியாக இருக்கும் லாக்டோஸ் எனும் சர்க்கரை சத்து பாலில் மட்டுமே அடங்கியிருக்கிறது என்பது குறிப்பிடத்தக்கது.

பால் ஒரு முழு உணவுப் பொருளாகப் பயன்படுவது மட்டுமின்றி பிணியகற்றும் மருந்தாகவும் பயன்படுவது அதன் சிறப்புக்கு மகுடம் சூட்டியது போல் உள்ளது. உயிரினங்களின் உடலை வளர்க்க பால் பயன்படுகின்றது. இத்துடனில்லாது பால் உடலுக்கு உழைக்கும் ஆற்றலையும் அளிக்கின்றது. நோய் வாய்ப்பட்டு மெலிந்த உடலுக்கு சத்துணவாகவும் பயன்படுகின்றது.

பாலைக் காய்ச்சித் தான் குடிக்க வேண்டும் என்றில்லாமல் பச்சைப் பாலும் குடிக்க அது தரும் பயனை முழுமையாக அடைய முடியும்.
பாலிலிருந்து கிடைக்கக் கூடிய தயிர், மோர், வெண்ணெய், நெய், போன்ற அனைத்துப் பொருட்களும் ஊட்டச்சத்து நிறைந்தவையாகவே உள்ளன. பாலில் ஊட்டச்சக்தியைத் தரும் சர்க்கரையும், தாது உப்புகளும், கொழுப்புச் சத்தும், அதிக அளவு அடங்கியிருக்கின்றன. இந்தச் சத்துக்கள் அனைத்தும் நீர்வடிவில் அமைந்திருப்பது மற்றொரு சிறப்பு. இதனால் எளிதில் ஜீரணமாகி இரத்தத்தோடு கலப்பது மிகவும் எளிதான செயலாக இருக்கின்றது.

உடலுக்கு தீங்கு தரக்கூடிய எந்தப் பொருளும் பாலில் இல்லை. அது மட்டுமல்ல, உடலுக்கு பயன்படாத பொருள் என்று பாலில் எதுவும் கிடையாது. எனவேதான் பாலை முழுமையான ஓர் ஊட்டச்சத்து உணவு என்று கூறுகிறார்கள். பாலில் மட்டும் தான் நூற்றுக்கும் மேற்பட்ட உணவுச் சத்துகள் உள்ளன என உணவியல் அறிஞர்கள் கருதுகின்றனர்.

சருமத்திற்கு போதுமான ஈரப்பதத்தை அளித்து தக்க வைக்கின்றன. சருமத்தை சுத்தம் செய்கிறது. எலும்புகளின் வளர்ச்சிக்கும், நக வளர்ச்சிக்கும் உறுதுணை புரிகின்றன. அனைத்து அழகு சாதனப் பொருட் தயாரிப்பிலும் பால் முக்கிய காரணியாக விளங்குகின்றது.

பசுவின் பாலுக்கு மலச்சிக்கலை அகற்றும் ஆற்றல் உண்டு. மூலநோய்க்கும் இது சிறந்த மருந்தாகப் பயன்படும். உடலில் சேரும் நச்சுப் பொருட்களைத் துரிதமாக வெளியேற்றும் ஆற்றல் பசுவின் பாலுக்கு உண்டு.