கமலின் ‘உன்னைப் போல் ஒருவன்’ - திரை விமர்சனம்

கமலின் ‘உன்னைப் போல் ஒருவன்’ - திரை விமர்சனம்


தீவிரவாதம் என்கிற பெயரில் அப்பாவிகளைக் கொல்லும் தீவிரவாதக்குழுக்களுக்கு சவுக்கடி தரும் வகையில் உன்னைப்போல் ஒருவன் திரைப்படத்தை இந்தியில் இருந்து தமிழுக்கு கொண்டுவந்திருக்கிறார் கமல்.
கட்டி முடிக்கப்படாத உயரமான கட்டடத்தின் உச்சியில் அமரும் கமல், நவீன தொழில்நுட்ப கருவிகளின் உதவியுடன் மாநகர காவல்துறை ஆணையரிடம் தொலைபேசியில் பேசுகிறார். நகரில் ஐந்து இடங்களில் குண்டு வைத்திருப்பதாகவும், தான் கேட்கும் தீவிரவாதிகள் நால்வரை தன்னிடம் ஒப்படைக்காவிட்டால் அவை வெடிக்கும் என்றும் எச்சரிக்கிறார்.
காவல்துறை ஆணையர் மோகன்லால் கமலை கண்டுபிடிக்கும் முயற்சியில் இறங்குகிறார். கடைசியில் கமலின் வேண்டுகோளின்படி நான்கு தீவிரவாதிகளை கமல் சொல்லும் இடத்திற்கு கொண்டுவருகிறார். ஜீப் ஒன்றில் அதில் மூவரை ஏற்ற, அந்த ஜீப் வெடித்து தீவிரவாதிகள் இறக்கின்றனர். மற்ற ஒருவனை காவல்துறையே கொன்றுவிட வேண்டும் என கமல் மீண்டும் எச்சரிக்க, அவருடைய நல்ல எண்ணம் புரிந்த ஆணையர் மிச்ச தீவிரவாதியை எண்கெளண்டரில் போட்டுத்தள்ளுகிறார். படம் நிறைவடைகிறது.
ஆணையர் மோகன்லால் திரும்பிப் பார்ப்பதாக கதை தொடங்குகிறது. ஒரே இடத்தில் இருந்தபடி கதையை சுவாரஷ்யப்படுத்துகிறார் கமல். தன்னுடைய ஒவ்வொரு நடவடிக்கையிலும் நிதானமாகச் செயல்பட்டு காரியத்தைச் சாதிக்கும் அவர் தன்னுடைய எண்ணம் சமுக நன்மைக்கே என்பதை மறைமுகமாக உணர்த்துகிறார். தீவிரவாதத்தை ஒழிக்க அதே தீவிரவாதம் தான் வழி என புதுப்பாதை போடுகிறார்.
காய்கறி வாங்கிக்கொண்டு வீட்டுக்குச் செல்லும் தன்னைப் போன்ற சாமான்யனாலும் நாட்டுக்கு நல்லது செய்யமுடியும் என்பதையும், நல்ல நோக்கத்திற்காகப் போராடும் எந்த தனிமனிதனையும் பாதுகாப்பு அமைப்புகள் எதுவும் ஒன்றும் செய்யமுடியாது என்பதையும் உணர்த்தியிருக்கிறார் கமல்.
கமலைவிட அதிக வாய்ப்பு மோகன்லாலுக்குக் கிடைத்திருக்கிறது. கடமைத் தவறாத காவல்துறை அதிகாரியாக படம் முழுக்க மிடுக்காக வந்துச் செல்கிறார்.
லட்சுமி, ஸ்ரீமன், பிரேம்குமார், எம்.எஸ். பாஸ்கர் என சிறிய நடிகர் பட்டாளமும் இருக்கிறது. அவரவர் பணியை சமர்த்தாக செய்து விட்டுச்செல்கின்றனர்

https://eegarai.darkbb.com/-f18/-t6835.htm

இந்த லிங்குல ஏற்கனவே வந்தாச்சு மீனா

Tamilzhan wrote:https://eegarai.darkbb.com/-f18/-t6835.htm

இந்த லிங்குல ஏற்கனவே வந்தாச்சு மீனா

இதை சொன்னா நம்மள கோச்சுக்குவாங்க பெருசு....