அது ஒரு வாக்கிங் காலம் - பாலா

First topic message reminder :

சென்னையில் ஒரு மழைக்காலம் வழக்கம் போல் அன்றிரவு லேப்டாப்புடன் அமர்ந்திருந்தேன், வழக்கம் போல் சீரியல் பார்த்துக் கொண்டிருந்தார்கள் அம்மா.

சேட்டில் ஒரு நண்பர் ஏதோ சொல்லிக் கொண்டிருந்தார். அவர் அலுவலகத்தில் ஒரு பெண் பால்கனியில் நின்று எதையோ ரசித்துக் கொண்டிருந்ததைப் பார்த்தவுடன் சொன்னாராம்

“ஒரு நிலா
சூரியனை
ரசிக்கிறது”.

வேற வேலையே இல்லையாடா என்று அம்மா ஆரம்பித்தவுடன் சுற்றும் முற்றும் பார்த்தேன். மின்சார கண்ணாவில் மனோபாலா அண்ட் கோ தருவது போல வித்தியாசமான ரியாக்‌ஷன் ஒன்றை தந்துவிட்டு மீண்டும் சீரியலில் மூழ்கி இருந்தார்கள் அப்போதுதான் அது என்னை நோக்கி வீசப்பட்ட அம்பு என்பதே புரிந்தது. சீரியல் முடிந்துவிட்டது போல என்றெண்ணிக் கொண்டே லேப்டாப்பை மூடினேன். சிறுது நேரத்தில் மொபைல் லேசாக அலறியது. எஸ்.எம்.எஸ்

“Hey. Its raining here”. பெங்களூரில் இருந்து ஒரு நண்பன். சென்னையில் லோ வோல்டேஜ் பவரில் மின்விசிறி கூட லஷ்மன் ரன் ஓடுவது போல ஓடிக் கொண்டிருந்தது. பெருமூச்சினூடே “Lucky banglore. Enjoy “ என்று ரிப்ளை அனுப்பினேன். அடுத்த மெசெஜில் ஆலங்கட்டி மழை என்று சொல்லியிருந்தார் அந்த நண்பர். என்ன செய்யலாம் என்று யோசித்து “If it rains here, will go to beach.. mmm” என்றி பதிலனுப்பினேன். அதான் மழை வரல இல்ல என்று அவர் அனுப்பினார். இன்னும் சில நாளில் சென்னையில் மழை வரலாம். ஆனால் எத்தனை நாள் ஆனாலும் பெங்களூரில் பீச் வருமா என்று கேட்டுவிட்டுதான் யோசித்தேன், கொஞ்சம் ஓவராத்தான் போறோமா என்று. பரிகாரமாக ஒன்று அனுப்பினேன். “Nallavanga irunthathaan mazahai varumaam.when will you come to chennai?”.

தூக்கம் கலைந்துவிட்டது போல அதுவரை அமைதியாக தூங்கிக்கொண்டிருந்த என் தங்கை சொன்னால் “அம்மா. இப்போ மொபைல் எடுத்துக்கிட்டான். நகரவே மாட்றான்” அப்போது அவள் எழுந்து நடந்துக் கொண்டிருந்தால் கிச்சனை நோக்கி. அம்மா உடனே ஆரம்பித்தார்கள். தொப்பை பெருசாகிட்டே போதுடா. கவனி. கொஞ்ச நாள் ஜாகிங், ஜிம் ஏதாவது போயேன். இல்லைனன விட்டுப் போனா டேன்ஸ் கிளாசாவது போலாமில்ல” அவர்கள் கண்ணுக்கு பக்கத்து வீடு ரமேஷை தெரியவே இல்லையா என்றவுடன் அவனையும் கூட்டிட்டி போக சொன்னார்கள்.

ஜாகிங் எல்லாம் நமக்கு ஒத்துக்காதுடா வாகிங் போலாம் என்றான் ரமேஷ். மறுநாள் காலை போவது என்று முடிவானது. இந்தப்பக்கம் போய் அந்தப்பக்கம் வரலாமென மேப் தயாரித்தான் ரமேஷ். அவன் சொன்னபடியே சென்றோம். முடிவில் ஒரு ஹோட்டலின் அருகே போனவுடன் அவன் சொன்னான் “டேய் மச்சி. இங்க இடியாப்பம் பாயா சுப்பரா இருக்கும்டா. சாப்ட்டு போலாமே”. வாகிங் சென்று கரைத்த மொத்த கலோரியையும் போல இரண்டு மடங்கு ஏறுவதற்கு வழி சொன்னான். அவன் பிடித்த அடத்தில் வேறு வழியில்லாமல் அவனுக்கு மட்டும் வாங்கித் தந்தேன். வீட்டில சொல்லாதடா என்று மிரட்டினானா வேண்டினானா என்று தெரியவில்லை. ஆனால் சொன்னான். இப்படியாக எங்கள் வாக்கிங் பாயாவிலும், வடைகறியிலும் நல்லபடியாக நடந்துக் கொண்டிருந்தது. அவ்வபோது நானும் ரமேஷுடன் ஜமாய்க்க ஆரம்பித்தேன்.

ஒருநாள் வாகிங் முடித்துவிட்டு, வீட்டிற்கு வந்து குளித்துவிட்டு அலுவலகம் கிளம்பி வந்து பார்த்தால் தோசையுடன் மல்லுக் கட்டிக்கொண்டிருந்தான். வாக்கிங் போனதிலிருந்து ஒரு தோசை கம்மியா சாப்பிடுகிறான் என்று வேறு சொன்னார்கள் அவன் அம்மா. ”நாளைக்கு சீக்கிரம் வாங்கடா. ஆபீசுக்கு கிளம்ப லேட் ஆயிடுது” என்ற அவன் அம்மாவை பார்த்தேன். ம்க்கும். அடுத்த நாள் அதே மாதிரி பாயாவுக்கு தயாராகிவிட்டான் ரமேஷ். நான் கிளம்ப லேட் ஆனதும் அம்மா மீண்டும் “சீக்கிரம் வாங்கடா” என்றார்கள். வெளியே வந்து ரமேஷ் “மாம்ஸ்.ஹெல்மேட் எடுத்துக்கோ என்றான். என்னடா என்றால் லேட் ஆகுது இல்ல. இன்னைக்கு பைக்ல வாகிக்ங் போலாம் என்றான்.

முடிவு செய்துவிட்டேன், இவனுடன் சேர்ந்தால் நான் உருப்படாம போயிடுவேன். இருக்கிற தொப்பையே போதுமென வாக்கிங்கை ரத்து செய்து விட்டேன்.

உதயசுதா wrote:
பாலா இதெல்லாம் எங்க இருந்து எடுக்காரன்னு சொன்னா நாங்களும் நேரா அங்கயே படிச்சுக்குவோம் இல்ல

எங்க படிசாளும் எப்படியும் பாசாகபோறதில்லை அப்புறம் எதுக்கு ரிஸ்கு

நட்புடன் wrote:பைக்ல வாக்கிங் போற நாள தான் தொப்பயும் எக்குத் தப்பா பெருசாகுது பெட்ரோல் விலையும் எக்குத் தப்பா எகுருது...

பாலா தொப்பை குறையலேன்னாலும் பரவால்ல பெட்ரோல் விலைய ஏத்திப் புடாதீங்க....

ஏத்துவதும் இறக்குவதும் நம் கையில் இல்லை எல்லாம் அவன் செயல்

//“மாம்ஸ்.ஹெல்மேட் எடுத்துக்கோ என்றான். என்னடா என்றால் லேட் ஆகுது இல்ல. இன்னைக்கு பைக்ல வாகிக்ங் போலாம் என்றான்.//


அந்த ஆயா பாயாவெல்லாம் பெரிசு இல்ல கார்த்திக்.. இந்த இடத்தில பிடிச்ச சிரிப்பு பத்து நிமிடமா இன்னும் நிக்கல.. நல்ல டைமிங்க்... அசத்துங்க.... அப்பறம் அவர் (உங்க நண்பர்) எத்தனை கிலோ ஏறினார் வாக்கிங்க்ல?

அதுவரைக்கும் எஸ்‌பி‌பி சரண் மாதிரி இருந்தவர் வாக்கிங்குக்கப்புறம் எஸ்‌பி‌பி மாதிரி மாறிவிட்டார்

balakarthik wrote:அக்கா தமிழ் தமிழ்

சரி தம்பி தமிழில் சொல்கிறேன்

அதாவது

நான் உங்களது படைப்புகளை பாராட்டுகிறேன்

உங்களிடம் நிறைய ஆக்கபூர்வமான சிந்தனைகள் இருக்கிறது

அதனை இன்னும் வளர்த்து கொண்டு இன்னும் நிறைய நல்ல படைப்புகளை தாருங்கள்

இவ்வாறு எழுதி இருந்தேன்

ஆமாம் , கார்த்திக்கு ஆங்கிலம் நன்றாக தெரியும் அல்லவா ?

அப்புறம் ஏன் தமிழில் ?

balakarthik wrote:அதுவரைக்கும் எஸ்‌பி‌பி சரண் மாதிரி இருந்தவர் வாக்கிங்குக்கப்புறம் எஸ்‌பி‌பி மாதிரி மாறிவிட்டார்

சோனாவின் மேட்டரில் ஏதாவது?

aathma wrote:
அப்புறம் ஏன் தமிழில் ?

because eegarai is a tamil website .. oh sorry இது ஒரு தமிழ் தளமல்லவா? தங்கையே.. அதான்

dsudhanandan wrote:

aathma wrote:
அப்புறம் ஏன் தமிழில் ?

because eegarai is a tamil website .. oh sorry இது ஒரு தமிழ் தளமல்லவா? தங்கையே.. அதான்

நீங்கள் கூறுவது சரிதான் சுதா அண்ணா

ஆனாலும் ஒரு சில நேரங்களில் நம் கருத்துகளை சொல்வதில் தமிழை விட ஆங்கிலம் எளிதாக இருக்கிறது .ஆங்கிலத்தில் சின்ன வாக்கியத்தில் எழுதுவதை தமிழில் பெரிய வாக்கியமாக எழுதவேண்டி இருக்கிறது

சற்று சிரமப்படினும் தமிழிலேயே எழுதலாம்... தவிர்க்க இயலாத இடங்களில் ஒரு சில ஆங்கில வார்த்தைகளை பயன்படுத்தலாம்.... முழுக்க முழுக்க ஆங்கிலம் தவிர்க்கலாம்

சரி அண்ணா , இனி நீங்கள் கூறியபடியே எழுதுகிறேன்