சிரியுங்கள் ரசியுங்கள் சிந்தியுங்கள்

prabatneb · prabatneb Tue Oct 04, 2011 9:21 pm

நாங்கள் விளையடுவதற்காக பஞ்சாபில் உள்ள பாட்டியாலா சென்றிந்தோம். ஒரு நாள் மாலை எங்களது போட்டோக்களை வாங்குவதற்கு ஸ்டுடியோவிற்கு சென்றோம். அங்கே எங்கள்அணி நண்பர் ஒருவர் ரூம் திரும்புவதற்க்கு ரிக்ஷா ஒன்றை அழைத்து அந்த ரிக்ஷாவாலாவிடம் ரூம் செல்ல எவ்வளவு ரூபாய் என்று கேட்டார். அதற்கு அந்த ரிக்ஷாவாலா கூறிய பதில் நண்பருக்கு புரியவில்லை. நண்பர் என்னை உதவிக்கு அழைத்தார். நானும் அந்த ரிக்ஷாவாலாவிடம் ஷெர்வலா கேட் ஜானே சே கித்னா சாகியே என்று எனக்கு தெரிந்த ஹிந்தியில் கேட்டேன். அதற்கு அவர் டேட் ருப்ய என்றார். நானும் மனதில் ஏக் முதல் தஸ் வரை சொல்லிப்பார்த்தேன்.( எனக்கு தெரிந்த ஹிந்தி அவ்வளவுதான்) அதில் டேட் வரவில்லை. (டேட் என்றால் ஒன்றரை ரூபாயம்) உடனே நண்பரை கோபமாக பார்த்துவிட்டு பின் ரிக்ஷாவாலாவிடம் சவாரி நய் என்று சொல்லிவிட்டு நண்பரை அழைத்துக்கொண்டு ரூம் வந்து சேர்த்தேன். (நண்பருக்கு அன்றுதான் காலில் அடிபட்டு இருந்தது). நொண்டிக்கொண்டே வந்த என் நண்பர் ரூமுக்கு வரும்வரை ரிக்ஷாவாலா என்ன சொன்னார் என்று என்னிடம் கேட்டுக்கொண்டே வந்தார். ரூம் வந்தவுடன் அவரிடம், அது தெரிந்தால் உன்னை ரிக்க்ஷவில் அனுப்பி இருப்பேனே என்று சொன்னேன். நண்பருக்கு வந்த கோபத்தை பார்க்க நான் அங்கு இல்லை. இது ஒரு சிறிய உதாரணம். எனக்கு ஆங்கிலம் நன்றாக தெரியும். தமிழும் நன்றாக தெரியும். ஆனால் அதை கொண்டு எங்களால் ஒரு ரிக்க்ஷவை வாடகைக்கு எடுக்க முடியவில்லை. எனவே நாம் தமிழுடன் ஹிந்தியும் கற்பதில் தவறில்லை.