Latest topics

புதுவையில் மறியல்: ஈழமக்கள் ஆதரவு கூட்டமைப்பினர் 100 பேர் கைது!

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

புதுவையில் மறியல்: ஈழமக்கள் ஆதரவு கூட்டமைப்பினர் 100 பேர் கைது!

Post by மீனு Wed Sep 23, 2009 11:10 am

புதுச்சேரி:

இலங்கையில் தமிழர்களை முகாம்களில் அடைத்து இராணுவத்தினர் சித்திரவதை செய்வதை கண்டித்தும், அவர்களை அவர்கள் சொந்த குடியிருப்புகளுக்கு மீள் குடியேற்றம் செய்ய வலியுறுத்தியும், பல்வேறு அரசியல் கட்சிகள், மனித உரிமை அமைப்பினர் இணைந்து ஏற்படுத்திய புதுவை ஈழமக்கள் ஆதரவு கூட்டமைப்பு சார்பில் பேரணியும், மறியல் போராட்டமும் நடைபெறும் என்று அறிவித்திருந்தனர். இதன்படி ஈழமக்கள் ஆதரவு கூட்டமைப்பினர்.

ம.தி.மு.க. மணிமாறன், மக்கள் உரிமை கூட்டமைப்பின் செயலாளர் சுகுமாறன், தமிழர் திராவிடக்கழக பொதுச்செயலர் குப்புசாமி, பெரியார் திராவிடர் கழக பொறுப்பாளர் இளங்கோ, பார்வர்டு பிளாக் கட்சியை சேர்ந்த மாறன், பாட்டாளி மக்கள் கட்சியை சேர்ந்த இராமகிருஷ்ணன், பவானி மதுரகவி உள்ளிட்ட நூற்றுக்கும் அதிகமானோர் இன்று புதுச்சேரி அண்ணா சிலை முன்பு கூடினர்.

போலீசார் அனுமதி மறுத்திருந்ததையும், மீறி இலங்கை அரசை கண்டித்தும், மத்திய மாநில அரசுகள் ஈழத்தமிழர் பிரச்சனையில் மேற்கொண்டுள்ள நிலையை கண்டித்தும் முழக்கமிட்டனர்.

அண்ணா சிலையிலிருந்து நேரு வீதிவழியாக தலைமை அஞ்சல் நிலையம் வரை பேரணியாக சென்று அங்கு மறியலில் போராட்டம் நடத்த முயன்ற 100 பேரை புதுவை போலீசார் கைது செய்தனர். இதன் காரணமாக அப்பகுதியில் பரபரப்பு ஏற்பட்டது.

மீனு: வி.ஐ.பி; பதிவுகள் : 12052
இணைந்தது : 08/04/2009