10 இடங்களில் சோதனை : தூங்கிக்கொண்டிருந்த எம்.ஆர்.கே. போலீசாருடன் வாக்குவாதம்

10 இடங்களில் சோதனை : தூங்கிக்கொண்டிருந்த எம்.ஆர்.கே. போலீசாருடன் வாக்குவாதம்

முன்னாள் திமுக மக்கள் நல்வாழ்வுத்துறை அமைச்சராக இருந்தவர் எம்.ஆர்.கே.பன்னீர்செல்வம். இவர் கடலூர் மாவட்ட திமுக செயலாளராகவும் இருக்கிறார். கடலூர் மாவட்டம் காட்டுமன்னார் கோயில் அருகே முட்டம் கிராமத்தில் அவரது வீடு உள்ளது.


எம்.ஆர்.கே. பன்னீர்செல்வம் வருமானத்திற்கு அதிகமாக சொத்துச் சேர்த்ததாக வந்த புகாரையடுத்து இன்று காலை சுமார் 6 மணியளவில் திருச்சி மாவட்ட லஞ்ச ஒழிப்புத்துறை டி.எஸ்.பி. அம்பிகாபதி, ஏ.டி.எஸ்.பி.சண்முக பிரியா ஆகியோர் தலைமையில் 50க்கும் மேற்பட்ட லஞ்ச ஒழிப்புத்துறை போலீசார் முட்டம் கிராமத்தில் உள்ள எம்.ஆர்.கே. பன்னீர்செல்வத்தின் வீடு மற்றும் காட்டுமன்னார் கோயில் பகுதியில் உள்ள அவருக்கு சொந்தமான இன்ஜினீயரிங் கல்லூரி, ஆசிரியர் பயிற்சி கல்லூரி, ஜவுளிக்கடை, ஓட்டல் உள்ளிட்ட இடங்களில் அதிரடி சோதனை மேற்கொண்டனர்.




முட்டம் கிராமத்திற்கு சோதனைக்காக போலீசார் சென்றபோது திருச்சி மேற்கு தொகுதி இடைத்தேர்தல் பணி முடித்து விட்டு இரவு வந்து வீட்டில் தூங்கிக் கொண்டிருந்த எம்.ஆர்.கே.பன்னீர்செல்வம் போலீசாருடன் வாக்குவாதத்தில் ஈடுபட்டுள்ளார்.

அவர்களை கடுமையாக எச்சரித்த லஞ்ச ஒழிப்புத்துறை அதிகாரிகள் சோதனைக்கு ஒத்துழைப்பு தர வேண்டும் என்று கூறி அவரது வீட்டிற்குள் சென்று சமையல் அறை, படுக்கை அறை உட்பட பல்வேறு இடங்களிலும் இன்று பிற்பகல் வரையிலும் சோதனை நடத்தினார்கள்.


அப்போது பல முக்கிய ஆவணங்கள் கிடைத்திருப்பதாக போலீஸ் தரப்பில் தெரிவிக்கப்பட்டது. இந்த செய்தி அறிந்து சிதம்பரம், காட்டுமன்னார் கோயில் உள்ளிட்ட பகுதிகளிலிருந்து திமுகவினர் சுமார் 200க்கும் மேற்பட்டோர் முட்டம் கிராமத்திற்கு வருகை தந்தனர்.


அவர்களை முன்னாள் அமைச்சரின் வீட்டுப் பக்கம் செல்ல விடாமல் போலீசார் தடுத்து நிறுத்தினர். மேலும் சிதம்பரம் சாரதா ராம் நகர் பகுதியில் உள்ள எம்.ஆர்.கே.பன்னீர்செல்வத்தின் மூத்த சகோதரியும், சிதம்பரம் நகர்மன்ற துணைத் தலைவருமான மங்கையர்கரசி ராமநாதன் வீட்டிலும், சிதம்பரம் கனகசபை நகரில் உள்ள மற்றொரு சகோதரியான மணிமேகலை வீட்டிலும் போலீசார் சோதனை நடத்தினார்கள்.


மணிமேகலையின் கணவர் கனகசபை வேளாண் துறையில் அதிகாரியாக பணியாற்றி வருவது குறிப்பிடத்தக்கது.

சென்னை பாலவாக்கத்தில் உள்ள பன்னீர்செல்வம் வீட்டிலும், மயிலாடு துறை நகர்மன்ற தலைவரும், பன்னீர்செல்வத்தின் மைத்துனருமான லிங்கராஜன் வீட்டிலும், அவருடைய சித்தப்பா தெய்வ சிகாமணி வீட்டிலும், அவருடைய தீவிர ஆதரவாளரான ஸ்ரீமுஷ்ணம் தங்க ஆனந்தன் வீட்டிலும் அவரது உறவினரும், குறிஞ்சிப்பாடி ஒன்றிய திமுக செயலாளருமான சிவக்குமார் வீட்டிலும் போலீசார் இன்று அதிரடி சோதனை நடத்தி வருகிறார்கள்.


முன்னாள் அமைச்சர் எம்.ஆர்.கே.பன்னீர்செல்வம் வீடு, அவருக்கு சொந்தமான நிறுவனங்கள் மற்றும் அவருடைய உறவினர்கள், நண்பர்கள் என 10க்கும் மேற்பட்ட இடங்களில் இன்று லஞ்ச ஒழிப்பு போலீசார் அதிரடி சோதனை நடத்திய தகவல் அறிந்து கடலூர் திமுகவினர் மத்தியில் பரபரப்பும், அதிர்ச்சியும் ஏற்பட்டுள்ளது.

நன்றி
நக்கீரன்

பகிர்வுக்கு நன்றி அண்ணா

அப்போது பல முக்கிய ஆவணங்கள் கிடைத்திருப்பதாக போலீஸ் தரப்பில் தெரிவிக்கப்பட்டது. இந்த செய்தி அறிந்து சிதம்பரம், காட்டுமன்னார் கோயில் உள்ளிட்ட பகுதிகளிலிருந்து திமுகவினர் சுமார் 200க்கும் மேற்பட்டோர் முட்டம் கிராமத்திற்கு வருகை தந்தனர்.

இனிமே ஒண்ணும் செய்ய முடியாது,,,,