உன்மடி என்னுலகமம்மா.....

ஹாசிம் · ஹாசிம் Mon Oct 03, 2011 3:53 pm

First topic message reminder :

வீதியில் வீசப்பட்ட என்தேகத்தை
தள்ளாத வயதிலும் தாங்கியது
என் தாய் மடிதான்.....

ஆஸ்த்துமா நோயென்றார்கள்
ஆஸ்தான உறவுகளோ
ஆ......வென்றலறிப் பிரிந்தனர்

தேடாத நோயெனைத் தொடர்ந்ததில்
தேடியிருந்த சுற்றமெனக்கு
சூனியமானதின்று...

நட்போடு நானிருந்தேன்
உடன் பிறப்போடு களித்திருந்தேன்
உயிராய் வந்தவளும் - அவள்
உயிருக்காயெனை பிரிந்துவிட்டாள்

என்னிரத்தம் குடித்தவர்களின்
தாகங்களும் தீர்ந்துவிட
நானருந்திய இரத்த(பால்)மென்தாய்
ஏந்துகிறாள் அவள் மார்பில்

உலகப்பிணச் சந்தையில்
உயிர்களுக்கு மதிப்பில்லையம்மா
உன் பாசக்கடலன்றி
எனக்கேதுலகமம்மா.....?

உனை மறந்து தேடியிருந்த உறவுகள்
உயிராய் உடனிருக்குமென்றிருந்தேன்
உயிரோடு தவிக்க விட்டு
உதிர்ந்ததன் நியாயம்தான் என்ன...??

வெருண்டோடும் உலகத்திற்காய்
வெகுளியாய் அலைந்திருந்தேன்
எனை விரட்டிய உலகம்
உன் காலடியில் கிடத்தியது.....அம்மா

உள்ளமது பொறுக்குதில்லையம்மா
உலகத்து உயிர்களுக்கு தாயகமேயம்மா
குபேரனாயானாலும்
உன் மடிதான் சிறந்ததம்மா.....!

நோயொன்று எனையடைந்து
உணர்த்திவிட்ட உன்பாசம்
நோயின்றி நாணுனர்ந்து
உயர்ந்திருக்க வேண்டாமா...??

தனிமரமாய் உன்மடியில் மலர்ந்து
உலகைச் சுற்றிவந்த எனக்கு
உனைத்தவிர இவ்வுலகமே
தூசுதானே அம்மா..........??

இவ்வரிகள் எழுதிய போது கண்ணீர் சிந்தினேன் என் தாய்க்காக.......

ஹாசிம் · ஹாசிம் Mon Oct 03, 2011 7:56 pm

பிஜிராமன் wrote:அருமையான வரிகள் நண்பா....

உயிரை உருக்கும் வரிகள்
உள்ளம் நனைந்தது பாசத்தால்

தாய்க்கு தாய் தான் சமம்

மிக்க நன்றி ஐயா வரிகளில் நெகிழ்கிறதென்மனமும்

**கே. பாலா** · **கே. பாலா** Mon Oct 03, 2011 8:02 pm

அம்மா !வின் பாசம் பற்றி இரண்டு படங்கள்
ஒன்று புகைப்படம்
மற்றொன்று கவிப்படம்
மிக நன்று !

Sponsored content · Sponsored content

உன்மடி என்னுலகமம்மா.....

உன்மடி என்னுலகமம்மா.....

Re: உன்மடி என்னுலகமம்மா.....

Re: உன்மடி என்னுலகமம்மா.....

Re: உன்மடி என்னுலகமம்மா.....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக