காளஹஸ்தி கோயிலில் பரிகார பூஜைகள் நடத்தி பொருத்தப்பட்டது கலசம்

**ந.கார்த்தி** · **ந.கார்த்தி** Mon 3 Oct 2011 - 14:48

காளஹஸ்தி சிவன் கோயிலில்
நேற்றுமுன்தினம் நுழைவு வாயில் கோபுர கலசம் உடைந்து விழுந்தது.
இதையடுத்து, பரிகார பூஜைகள் நடத்தி கலசம் மீண்டும் பொருத்தப்பட்டது.

பஞ்சபூத சிவத்தலங்களில் வாயுதலமாக விளங்குவது காளஹஸ்தி சிவன் கோயில்.
மிகவும் பிரசித்தி பெற்ற இக்கோயிலில் ராகு, கேது தோஷ நிவர்த்திக்கான
பரிகார பூஜைகள் செய்யப்படுகிறது.

நாடு முழுவதிலும் இருந்து தினமும் ஆயிரக்கணக்கான பக்தர்கள்
இக்கோயிலுக்கு வருகின்றனர்.கி.பி.1510ம் ஆண்டு கிருஷ்ண தேவராயரால்
கட்டப்பட்ட 140 அடி பிரம்மாண்ட ராஜகோபுரம் கடந்த ஆண்டு மே 26ம் தேதி இரவு 8
மணியளவில் இடிந்து விழுந்து தரைமட்டமானது.

இந்த சம்பவம், நாடு முழுவதும் பக்தர்களிடையே பெரும் அதிர்ச்சியை
ஏற்படுத்தியது. இந்த சிவன் கோயில் நுழைவு வாயில் கோபுரத்தில் 7 கலசங்கள்
உள்ளது.

இதில் இடது புறத்தில் உள்ள முதல் கலசம் நேற்று முன் தினம் காலை
திடீரென விழுந்தது. இதனால், பக்தர்களிடையே பீதியும், பரபரப்பும்
ஏற்பட்டது.இதையடுத்து நேற்று காலை 8 மணி முதல் யாகசாலை அமைத்து வேத
விற்பன்னர்கள் சிறப்பு பூஜைகளை செய்தனர்.

காளத்திநாதர், ஞானபூங்கோதை தாயார் சன்னதி அருகே சம்ரோக்ஷனா பூஜைகள்
நடத்தப்பட்டன. இதைத்தொடர்ந்து, இடிந்து விழுந்த கலசத்தை பரிகார பூஜைகள்
செய்து மீண்டும் பொருத்தி தீபாராதனை செய்தனர். அப்போது ஏராளமான பக்தர்கள்
கலந்து கொண்டு வழிபட்டனர்.
தட்ஸ் தமிழ்

ரேவதி · ரேவதி Mon 3 Oct 2011 - 16:09

இனியும் முன்பு நடந்தது போல் நடக்காமல் இருந்தால் சரி மகிழ்ச்சி

காளஹஸ்தி கோயிலில் பரிகார பூஜைகள் நடத்தி பொருத்தப்பட்டது கலசம்

காளஹஸ்தி கோயிலில் பரிகார பூஜைகள் நடத்தி பொருத்தப்பட்டது கலசம்

Re: காளஹஸ்தி கோயிலில் பரிகார பூஜைகள் நடத்தி பொருத்தப்பட்டது கலசம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக