பிறக்காத கவிதை....

**rameshnaga** · **rameshnaga** Sun Oct 02, 2011 11:32 am

மீண்டும்..மீண்டும்
நோக்காடு வந்தும்
பிள்ளை பிறக்கவில்லை.
"வாடா" என்றழைத்த
ரிஷித்தகப்பன் குரலுக்கும்....
சுகப் பிரம்மமாக
வந்துதிக்கவில்லை.
இதயத்தின் பட்டுத் துரும்புக்
கூட்டுக்குள்
புழுவாய் நெளிந்து
கிடக்கிறது இது.

துரும்பென்ன?...தூணென்ன?
கூவி அழைத்தவுடன்..
கல்தூண்...
அசுரசேனை...
அக்குரோனி...ஆயிரத்தோடு
"ஹிரணியக்" கொடு நெஞ்சம்..
"பிரகலாத"தாபம்
மூன்றையும்..
ஒரேகணத்தில்
கிழித்து...
காலத் துரும்பை
எற்றி எடுத்து
எரித்து (திரு)நீறாக்கி ...
நிற்க வேண்டாமா....
கவிதை?.

மகாகவி. பிரமிள் தர்ம சிவராமு.

**கே. பாலா** · **கே. பாலா** Sun Oct 02, 2011 11:38 am

நோக்காடு வந்தும்
பிள்ளை பிறக்கவில்லை.
"வாடா" என்றழைத்த
ரிஷித்தகப்பன் குரலுக்கும்....
சுகப் பிரம்மமாக
வந்துதிக்கவில்லை.
இதயத்தின் பட்டுத் துரும்புக்
கூட்டுக்குள்
புழுவாய் நெளிந்து
கிடக்கிறது

கவி பிறப்பு பற்றிய எத்தனை உண்மை ! இது ! பிரமிள் கவியுலகம் பற்றி கேள்விபட்டிருக்கிறேன் ! இங்கேபார்த்துவிட்டேன் . பகிர்ந்தமைக்கு நன்றி நாகா