உயிர் பெற்ற புலி

by **சிவா** Wed Sep 23, 2009 1:05 am

ஒரு பெரிய முனிவரின் ஆசிரமத்தில் இளைஞன் ஒருவன் பல்லாண்டுகள் பயின்று வந்தான். கடைசியில் அனைத்துக் கலைகளிலும் அவன் நன்கு தேர்ச்சி பெற்றுவிட்டான். குரு காலமானதும் அவரது இடத்துக்கு சீடன் வந்தான். குரு காலமாவதற்கு முன், இறந்த ஒன்றுக்குச் சிறிது நேரம் மட்டும் உயிர் கொடுப்பதற்கான மந்திரத்தைச் சீடனுக்குப் போதித்திருந்தார்.

இளைஞன் தன்னிடம் புதிதாக வந்து சேர்ந்த சீடர்களிடம் தனது திறமையைக் காட்டி பெருமையடித்துக்கொள்ள நினைத்தான். ஒருநாள் ஆற்றில் அவன் தனது சீடர்களுடன் குளித்துவிட்டுத் திரும்பி வரும் வழியில், இறந்துகிடந்த ஒரு புலியைக் கண்டான்.

சிறிதுகூட யோசிக்காமல் இளைஞன் உற்சாகமாகச் சொன்னான்:

``சீடர்களே... இப்போது பாருங்கள், நான் இந்தப் புலியை உயிர் பெற வைக்கப் போகிறேன்!''

``அதெப்படி முடியும்? இறந்த ஒன்றுக்கு யாராலும் உயிர் கொடுக்க முடியாது!'' என்று சீடர்கள் ஒரே குரலில் கூறினர்.

``இல்லை... என்னால் முடியும். அதற்கான மந்திரத்தை நான் அறிவேன்'' என்று பெருமிதத்தோடு அறிவித்தான் இளைஞன்.

உடனே பயந்துபோன சீடர்கள் அருகே உள்ள ஒரு மரத்தில் ஏறிக் கொண்டனர். மேலிருந்து கவனித்தனர். இளம்குரு மந்திரம் சொன்னான்.

உடனே உயிர் பெற்று எழுந்த புலி, `சட்'டென்று பாய்ந்து இளம்குருவின் கழுத்தைக் கடித்தது. அவன் இறந்துபோக, சிறிதுநேரத்தில் புலியும் உயிரிழந்தது.

by ரூபன் Wed Sep 23, 2009 1:09 am

நிறைகுடம் தளம்பாது இப்படி குறைகுடங்கள்தான் தளம்பும்

by மீனு Wed Sep 23, 2009 1:11 am

இதுதான் விதி,அவனது விதி முன்னாடியே தேர்மானிக்க பட்டு விட்டது ,

by வித்யாசாகர் Wed Sep 23, 2009 1:16 am

எதையும் அரைகுறையாக பயிலக் கூடாது என்பதற்கும், கற்கும் முன் அவசரம் கூடாதென்பதற்கும், கற்றதை நல்லதற்கே பயன் படுத்த வேண்டும் என்பதற்கும், அதையும் இடம் பொருள் ஏவல் பார்த்து பயன் படுத்துவதே சிறந்ததென்றும் மிக நறுக்கென்று சொல்லும் கதை! அருமை சகோதரரே!

by Sponsored content

உயிர் பெற்ற புலி

உயிர் பெற்ற புலி

Re: உயிர் பெற்ற புலி

Re: உயிர் பெற்ற புலி

Re: உயிர் பெற்ற புலி

Re: உயிர் பெற்ற புலி