ஒளிரும் மீன்கள்

by **சிவா** Wed Sep 23, 2009 12:54 am

இஸ்ரேலில் 1967-ல் நடைபெற்ற `ஆறுநாள் போரின்'போது, ஒருநாள் இரவு செங்கடல் ஓரமாக சில இஸ்ரேலிய வீரர்கள் ரோந்து சென்றனர். அப்போது கடல்நீருக்கடியில் இருந்து ஏதோ வெளிச்சம் வெளிப்பட, அங்கே யாரோ எதிரிகள் மறைந்திருக்கிறார்கள் என்று நினைத்தனர் இஸ்ரேலிய வீரர்கள். உடனே அவர்கள் கையெறிகுண்டுகளை கடலில் எறிந்தனர். அவர்கள் வியப்படையும் வகையில் சிறிதுநேரத்தில், செத்த மீன்கள் பெரும் எண்ணிக்கையில் கரை ஒதுங்கின. அந்த மீன்கள் கறுப்பு நிறமாக இருந்தன. அவற்றின் கண்கள் மட்டும் பிரகாசித்தன. இருட்டில் சுற்றிலும் உள்ள பொருட்கள் தெரியும் அளவு பிரகாசம்!

உயிருள்ளவற்றில் இருந்து ஒளி வெளிப்படுவது, `உயிர் ஒளிர்தல்' (bioluminescence) எனப்படுகிறது. பல பூச்சியினங்களும் கடல்வாழ் உயிரினங்களும் ஒளியை வெளிப்படுத்தும் தன்மையைக் கொண்டிருக்கின்றன. அவை வெளிப்படுத்தும் வெளிச்சம், சில நேரங்களில் மின்சார பல்பின் வெளிச்சத்தை விட அதிகமாக இருக்கும். உயிரினங்களில் உள்ள `லூசிபெரின் - luciferin', `லூசிபெராஸ் - luciferase' போன்றவை இவ்வாறு வெளிச்சத்தை வெளியிடுகின்றன. ஒளிரும் உயிரினங்களில் சில நேரங்களில் `லூசிபெரின்' இல்லாது இருக்கலாம். ஆனால் அவை வெளிச்சத்தை வெளியிடுவதற்காக `பாக்டீரியா' போன்ற நுண்ணுயிர்களைக் கொண்டிருக்கின்றன.

பல்வேறு நோக்கங்களின் அடிப்படையில் உயிரினங்கள் வெளிச்சத்தை வெளிப்படுத்துகின்றன. சில உயிரினங்கள் வெளிச்சத்தால் இரைகளைக் கவருகின்றன. சில உயிரினங்கள் திடீரென்று வெளிச்சத்தை வெளியிட்டுத் தங்கள் எதிரிகளைப் பயந்து விலகிச் செல்ல வைக்கின்றன. சில உயிரினங்கள் தங்களைச் சுற்றியுள்ளவற்றைக் காண, விளக்காகவும், சக உயிரினங்களுக்குச் `சைகை'யாகவும் தமது ஒளியைப் பயன்படுத்துகின்றன.

ஒளிரும் பூச்சியினங்களுக்கு உதாரணம், `firefly' எனப்படும் `பீட்டில்' பூச்சியாகும். அவை இரவில் மரங்களில் ஆயிரக்கணக்கில் அமர்ந்திருக்கும். அப்போது ஒரே நேரத்தில் ஒளிர்ந்து, அணைந்து, கிறிஸ்துமஸ் மரம் போன்ற அற்புதமான காட்சியை உருவாக்கும்.

தென் அமெரிக்காவின் ஈக்வடார் நாட்டு விவசாயிகள் ஒளிரும் பீட்டில் பூச்சிகளைப் பிடிப்பதில் திறமை மிக்கவர்களாக இருக்கின்றனர். அவற்றை, ஒளிஊடுருவும் சிறு பைகளில் போட்டு, இரவு விளக்கு அல்லது படிப்பதற்கு உதவும் விளக்காக விற்பனை செய்கின்றனர்.

by **சிவா** Wed Sep 23, 2009 12:57 am

by **சிவா** Wed Sep 23, 2009 1:01 am

by **சிவா** Wed Sep 23, 2009 1:02 am

Luciferins (from the Latin lucifer, "light-bringer")

by மீனு Wed Sep 23, 2009 1:08 am

நமக்கும் கடவுள் இப்படி படைத்து இருக்கலாம்,
நைட் ஆனா லைட் தேவையே இல்லை ,நமக்கும் ஒரு வால் இருந்து
அதிலும் ஒளிரும் வால் இருந்தால்..ஆஹா அஹா ,அற்புதமாய் இருந்து இருப்போம் நாமும் ,,,

by **சிவா** Wed Sep 23, 2009 1:09 am

மனிதந்தான் ஆறாவது அறிவால் உலகையே வெளிச்சமாக்கி வைத்துள்ளானே! இது போதாதா!!!

by மீனு Wed Sep 23, 2009 1:12 am

போதாது ஷிவா அண்ணா .இன்னும் வேணும், நமக்கும் இப்படி வேணும்
என்ன பண்ணலாம்

by ரூபன் Wed Sep 23, 2009 1:14 am

எப்படி வேணும் புரியலியே

by **சிவா** Wed Sep 23, 2009 1:21 am

meenuga wrote:போதாது ஷிவா அண்ணா .இன்னும் வேணும், நமக்கும் இப்படி வேணும்
என்ன பண்ணலாம்

பெய்ஜிங்கில் நடைபெற்ற ஒலிம்பிக் போட்டியின் துவக்க மற்றும் நிறைவு விழாவில் அனைவரும் வண்ண விளக்குகளால் ஒளிரும் உடை அணிந்து வந்தார்களே - கவனித்தீர்களா!

அது ஒன்றுதான் உங்களின் ஆசையை நிறவேற்றும்!