14 வயதில் 32 ஆன்லைன் தேர்வு அசத்திய 9ம் வகுப்பு மாணவன்

பதினான்கே வயதில் 32 ஆன்லைன்
தேர்வுகளை எழுதி சாதனை படைத்துள்ளார், சென்னையில் உள்ள பிரபல தனியார்
மருத்துவமனை டாக்டர் ரத்தினவேல், டாக்டர் கலையரசி ஆகியோரது மகன் அவினாஷ்
மகராஜ்.

நெல்லை மாவட்டம் பாளையங்கோட்டையில் உள்ள ரோஸ்மேரி மாடல் மெட்ரிக் மேல்நிலைப் பள்ளியில் 9ம் வகுப்பு படித்து வருகிறார்.

முதலில் வீடியோ கேம்சில் ஆர்வம் காட்டியவர், பின்னர் அதில் உள்ள
நுணுக்கங்களை கற்றார். உலகின் முன்னணி கம்ப்யூட்டர் நிறுவனமான
மைக்ரோசாப்ட் நிறுவனம் ஆன்லைன் புரொபஷனல் என்ற பெயரில் தேர்வுகளை
அறிமுகப்படுத்தியது.

இந்த தேர்வில் கலந்து கொண்ட அவினாஷ். அந்நிறுவனத்தின் அங்கீகரிக்கப்பட்ட ஆன்லைன் புரொபஷனல் என்ற சான்றிதழை பெற்றுள்ளார்.

இதேபோல, ஆரக்கிள் நிறுவனம், சிஸ்கோ நிறுவனம் உள்ளிட்ட பல்வேறு நிறுவனங்கள் நடத்திய 32 ஆன்லைன் தேர்வில் வெற்றி பெற்றார்.

கம்ப்யூட்டர் துறை மட்டுமல்லாமல் பள்ளியிலும் முதல் மாணவராக திகழ்கிறார் அவினாஷ்.
டாக்டர் ரத்தினவேல் கூறுகையில், ‘‘3 ஆன்லைன் தேர்வில் வெற்றி பெற்ற பாகிஸ்தானை சேர்ந்த மாணவனை அந்த நாடு கொண்டாடியது.

ஆனால், இந்தியாவில் அதுவும் தமிழ்நாட்டில் ஆன்லைனில் 32 தேர்வுகளை
எழுதி வெற்றி பெற்றுள்ளான் அவினாஷ். இத்தனை இளம்வயதில் இப்படி ஒரு சாதனையை
உலகில் வேறு யாரும் புரிந்ததில்லை.

இந்த சாதனையை கின்னஸ் சாதனை புத்தகத்திற்கு அனுப்பியுள்ளோம். இவனுக்கு,
இளவயதில் பொறியியல் படிப்பில் சேர வயது வரம்பை தளர்த்த வேண்டும். இவ்வாறு
அவர் கூறினார்.

சாதனை மாணவன் அவினாஷ் மகராஜ் கூறுகையில், ‘‘எனது 9வது வயதிலேயே கம்ப்யூட்டரின் அடிப்படைகளை கற்றுக்கொண்டேன்.

பின்னர், ஆன்லைனில் 32 பரிட்சைகள் எழுதி வெற்றி பெற்றேன். ஆன்லைனில்
பிராஜக்ட் செய்கிறேன். அமரிக்கா, இங்கிலாந்து உட்பட உலகம் முழுவதும்
இருந்து பலர் என்னிடம் கற்றுக் கொள்கின்றனர்.

அவர்களுக்கு நான் ஜி&டாக் மூலம் ஆன்லைனில் பாடம் சொல்லி தருகிறேன்.
ரிசர்ச் டெவலப்பிங் மற்றும் நெட்வொர்க்கிங் துறையில் சாதனை படைக்க ஆசை’’
என்றார்.
தட்ஸ் தமிழ்

ஆன்லைனில்
பிராஜக்ட் செய்கிறேன். அமரிக்கா, இங்கிலாந்து உட்பட உலகம் முழுவதும்
இருந்து பலர் என்னிடம் கற்றுக் கொள்கின்றனர்.

அவர்களுக்கு நான் ஜி&டாக் மூலம் ஆன்லைனில் பாடம் சொல்லி தருகிறேன்.
ரிசர்ச் டெவலப்பிங் மற்றும் நெட்வொர்க்கிங் துறையில் சாதனை படைக்க ஆசை’’
என்றார்.

வாழ்த்துகள் தம்பி,