Latest topics

சீமான், கொளத்தூர் மணிக்கு 31ம் தேதி வரை காவல் : ஈரோடு கோர்ட் உத்தரவு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

சீமான், கொளத்தூர் மணிக்கு 31ம் தேதி வரை காவல் : ஈரோடு கோர்ட் உத்தரவு

Post by Admin Sat Dec 20, 2008 8:51 am

ஈரோடு : ஈரோட்டில் தமிழ் தேசிய பொது உடைமை கட்சி சார்பில் நடத்தப்பட்ட மாநாட்டில் இயக்குனர் சீமான் மற்றும் கொளத்தூர் மணி ஆகியோர் ராஜீவ் படுகொலையை கடுமையாக விமர்சித்தனர். இவர்களை கைது செய்ய வலியுறுத்தி தமிழக காங்கிரஸ் தலைவர் தங்கபாலு முதல்வர் கருணாநிதியிடம் மனு அளித்தார். இந்நிலையில் போலீசார் சீமான் மற்றும் மணியை கைது செய்தனர். இவர்களை ஈரோடு கோர்ட்டில் ஆஜர்படுத்தப்பட்டனர். இந்த வழக்கை விசாரித்த நீதிபதி அசோகன் இருவரையும் வரும் 31ம் தேதி வரை போலீஸ் காவலில் வைக்க உத்தரவிட்டார். இதனிடையே இவர்களை விடுதலை செய்ய வலியுறுத்தி ம.தி.மு.க., விடுதலைச்சிறுத்தைகள் உள்ளிட்ட பல்வேறு அமைப்பினர் கோர்ட் வளாகத்தில் கரகோஷங்களை எழுப்பிய படி இருந்தனர். சீமான் மற்றும் மணி கோர்ட்டில் இருந்து வெளியே வந்தவுடன் அவர்களை நெருங்க அவர்கள் முயற்சி செய்தனர். அவர்களை போலீசார் தடுத்ததால் அவ்வழியே சென்ற காரின் கண்ணாடியை அவர்கள் உடைத்தனர். மேலும் போலீஸ் வாகனங்கள் மீது கற்களையும் எறிந்தனர். இதனால் அந்த பகுதியில் பெரும் பரபரப்பு ஏற்பட்டது. கலவரத்தை தூண்டியதாக போலீசார் இதுவரை 18 பேரை கைது செய்துள்ளனர். மேலும் அசம்பாவிதங்கள் ஏதும் நடைபெறாமல் இருக்க அங்கு போலீஸ் குவிக்கப்பட்டுள்ளது.

Admin: தலைமை நடத்துனர்; பதிவுகள் : 2975
இணைந்தது : 23/09/2008