ஸ்ரீகாளஹஸ்தி கோவில் கோபுரகலசம் இடிந்து விழுந்தது; பக்தர்கள் கடும் பீதி

by **இளமாறன்** Sat Oct 01, 2011 11:47 pm

காளஹஸ்தி, அக்.1-

ஆந்திர மாநிலம் ஸ்ரீ காளஹஸ்தி சிவன் கோவில் ராகு கேது பரிகார தலமாக விளங்குகிறது. கடந்த ஆண்டு கோவில் ராஜகோபுரம் இடிந்து தரைமட்டமானது. இது பரபரப்பையம் பீதியையும் ஏற்படுத்தியது. அந்த இடத்தில் கடந்த ஒரு வாரத்துக்கு முன்பு புதிய கோபுரம் கட்டும் பணிகள் தொடங்கியது.

இந்த நிலையில் கோவில் நுழைவு வாயிலில் உள்ள கோபுர கலசம் இன்று காலை திடீரென இடிந்து விழுந்தது. இதனை கண்டதும் அங்கிருந்த பக்தர்கள் ஓட்டம் பிடித்தனர். கோவில் அதிகாரிகள் சம்பவ இடத்துக்கு சென்று பார்வையிட்டனர். ஏராளமான பொதுமக்கள் அங்கு கூடினர் இதனால் அங்கு பரபரப்பு ஏற்பட்டது.

கடந்த ஆண்டு ராஜ கோபுரம் இடிந்து விழுந்த போது சென்னை ஐ.ஐ.டி. மாணவர்கள் ஆய்வு செய்து மற்ற கோபுரங்கள் உறுதியாக இருப்பதாக சான்று அளித்தனர். இந்த நிலையில் நுழைவு வாயில் கோபுர கலசம் இடிந்து விழுந்தது பக்தர்கள் இடையே பீதியை ஏற்படுத்தி உள்ளது.

ஊருக்கு ஏதாவது கெடுதல் நேர்ந்து விடுமோ என்ற அச்சம் ஏற்பட்டுள்ளது. மேலும் புதிய ராஜகோபுர பணி நன்றாக நடக்கிறதா? பணியில் உள்ள குறைபாடு காட்டுவதற்காக இச்சம்பவம் நடந்ததா? என்ற பல்வேறு பேச்சுகள் பரபரப்பாக பேசப்படுகிறது.

by **ரா.ரமேஷ்குமார்** Sun Oct 02, 2011 12:32 am

இதை அவ‌ர்க‌ள் விசார‌னை செய்ய‌ வேண்டும் திட்ட‌மிட்டு செய்ய‌ப் ப‌ட்ட‌ செய‌லா இல்லை எதிர்பாராம‌ல் ந‌ட‌ந்த‌ ச‌ம்ப‌வ‌மா என்று தானோ த‌விர‌ இதனை ப‌ற்றி பீதி அடைய‌வோ அல்ல‌து வீண் வ‌த‌ந்திக‌ளையோ ப‌ர‌ப்பாம‌ல் இருக்க‌ வேண்டும்...